აშშ-ში ამინდი კვლავ უარესდება - ქვეყნის სამხრეთ შტატებს ტორნადოს საფრთხე ემუქრებათ

აშშ-ის სამხრეთით, ტეხასიდან მისისიპამდე, ძლიერმა უამინდობამ და დამანგრეველმა ქარმა, შესაძლოა ტორნადო და სეტყვა გამოიწვიოს.

ტეხასის სამხრეთ-აღმოსავლეთით რამდენიმე ოლქში, მათ შორის ჰიუსტონის მიმდებარე ტერიტორიაზე, ცენტრალური დროით საღამოს 9:00 საათამდე ტორნადოს შესახებ გაფრთხილებაა გამოცხადებული.

როგორც მედია წერს, შაბათიდან კლდოვანი მთებიდან ძლიერი შტორმების სისტემა მოძრაობს, რაც სამხრეთ შეერთებულ შტატებს ძლიერ უამინდობას მოუტანს. შაბათ დილით შტორმი ტეხასის შტატის ქალაქ დალასს მიუახლოვდა, რასაც ძლიერი ქარი და ძლიერი წვიმა მოჰყვა.