მსოფლიოს ახალგაზრდულ ჩემპიონატზე ლუკა ბერულავამ და კარინა საფინამ პირველი ადგილი დაიკავეს

ფიგურულ ციგურაობაში მსოფლიოს ახალგაზრდულ ჩემპიონატზე, რომელიც ესტონეთის დედაქალაქ ტალინში მიმდინარეობს, კარინა საფინას და ლუკა ბერულავას წყვილმა პირველი ადგილი დაიკავა.

მოკლე და თავისუფალი პროგრამების ჯამში ბერულავა-საფინას წყვილმა 188,12 ქულა დააგროვა. მეორე ადგილი ავსტრალიელებს (169,91 ქულა), მესამე კი კანადელებს (156,80 ქულა) ერგოთ.