შემოსავლების სამსახური სპეციალურ განცხადებას ავრცელებს
1756495829
1991 წელს რუმინეთში 63 წლის ვასილი გორგოსი მივლინებაში გაემგზავრა, თუმცა, სახლში წლების შემდეგ დაბრუნდა. ოჯახის წევრები ვარაუდობდნენ, რომ კაცი გარდაიცვალა, მაგრამ, 30 წლის შემდეგ კაცი მოულოდნელად მივიდა სახლში. ყველაზე უცნაური კი ის არის, რომ მას ზუსტად ის ტანსაცმელი ეცვა, რაც 1991 წელს, სახლის დატოვებისას. მისი ისტორია კი დღემდე საიდუმლოდ რჩება.
გორგოსი რუმინეთში საქონლით ვაჭრობით იყო დაკავებული და ხშირად უწევდა მოგზაურობა. მივლინებები რამდენიმე დღე გრძელდებოდა. როდესაც ის მორიგი მოგზაურობიდან სახლში დროულად არ დაბრუნდა, ოჯახმა პოლიციას მიმართა, რომელმაც მისი ძებნა დაიწყო, თუმცა ამაოდ. ახლობლებს კაცი გარდაცვლილი ეგონათ და მისთვის მემორიალიც კი გააკეთეს.
2021 წლის 29 აგვისტოს 93 წლის ვასილი გორგოსი სახლში დაბრუნდა, რამაც ყველა გააკვირვა. გაუჩინარებასთან დაკავშირებით მხოლოდ იმას ამბობდა, რომ ის სახლში იმყოფებოდა. ოჯახის წევრებმა შეამჩნიეს, რომ კაცს იგივე ტანსაცმელი ეცვა, რომლითაც 30 წლით ადრე სახლი დატოვა და ჯიბეში კიდევ ედო მატარებლის ბილეთი.
გორგოსს დაუყოვნებლივ ჩაუტარდა სამედიცინო შემოწმება, რომლითაც დადგინდა, რომ კაცი მისი ასაკისთვის შეუფერებლად ჯანმრთელი იყო და მხოლოდ მეხსიერებასთან დაკავშირებული პრობლემები ჰქონდა. მას არ ახსოვდა არაფერი, რაც ბოლო 30 წლის განმავლობაში გადახდა და თვლიდა, რომ სულ რამდენიმე დღით იყო სახლიდან წასული. თუმცა, კაცს არაფერი დავიწყებია ოჯახზე, სამსახურსა და საქმიანობაზე.
როდესაც ვასილი სახლში ბრუნდებოდა, მეზობლებმა დაინახეს, რომ ის მანქანიდან გადმოვიდა, თუმცა, ისინი კაცის დანახვამ იმდენად გააოცა, რომ მძღოლის სახის დამახსოვრება ვერ მოასწრეს. მათ მხოლოდ ის შეამჩნიეს, რომ ვასილის გადმოსვლის შემდეგ, მანქანამ სწრაფად დატოვა ტერიტორია.
კაცის გაუჩინარებამ საზოგადოებაში დაბნეულობა გამოიწვია. უამრავი ადამიანი ფიქრობს, რომ ვასილმა ახალი ცხოვრების დაწყების მიზნით ოჯახი მიატოვა, თუმცა ჯანმრთელობის მდგომარეობისა და ასაკის მატების გამო, ადამიანებმა, რომლებთან ერთადაც ის 30 წლის განმავლობაში იმყოფებოდა, ის მიატოვეს, რის გამოც მას სახლში დაბრუნება მოუწია.
მეორე თეორიის მიხედვით, გორგოსი 30 წელი პატიმრობაში იმყოფებოდა, და სწორედ ამიტომ ეცვა მას იგივე ტანსაცმელი. შესაძლოა მას არ სურდა დაპატიმრების მიზეზებზე საუბარი და ამიტომ ოჯახს ყველაფერი დაუმალა.
შემდეგი მოსაზრების თანახმად, ვასილი უცხოპლანეტელებმა გაიტაცეს და წლების განმავლობაში ატარებდნენ მასზე ექსპერიმენტებს.
არაერთი ადამიანი ფიქრობს, რომ კაცს დისოციაციური ფუგა ჰქონდა, რამაც მატარებლით მგზავრობის დროს დეზორიენტაცია გამოიწვია. მათი აზრით, სწორედ ამიტომ დაკარგა ვასილმა მეხსიერება. ამ თეორიის თანახმად, ის სხვა ქალაქში დასახლდა და მხოლოდ მაშინ დაუბრუნდა ოჯახს, როდესაც დემენცია განუვითარდა.
