„ჩემი ბიჭი ბაბუა აღარ მყავს...“ - ნატალია ყიფშიძე სამწუხარო ინფორმაციას ავრცელებს
1795116106
საქართველოში ეკონომიკური საქმიანობის მონაწილეთა მოლოდინები საკუთარი პროდუქციისა და მომსახურების ფასების ზრდასთან დაკავშირებით შემცირებულია. ამის შესახებ საქართველოს ეროვნული ბანკის ინფლაციური მოლოდინებისა და ეკონომიკური აქტივობის 2026 წლის ოქტომბრის გამოკითხვის შედეგებიდან ირკვევა.
კვლევის მიხედვით, შემცირდა იმ რესპონდენტთა რაოდენობა, რომლებიც მომდევნო ერთი წლის განმავლობაში საკუთარ პროდუქციასა და მომსახურებაზე ფასების ზრდას 2%-4%-ის, 4%-6%-ისა და 6%-8%-ის ფარგლებში ან 8%-ზე მეტად ელოდებიან.
ამასთან, მნიშვნელოვნად გაიზარდა იმ გამოკითხულთა რაოდენობა, რომლებიც მომდევნო ერთწლიან პერიოდში საკუთარი პროდუქციისა და მომსახურების ფასების უცვლელად შენარჩუნებას ან მათ მხოლოდ 0%-2%-ის ფარგლებში ზრდას ვარაუდობენ.
აღნიშნული შედეგები მიუთითებს, რომ ეკონომიკური საქმიანობის მონაწილეთა შორის საკუთარი პროდუქციისა და მომსახურების გაძვირების მოლოდინები შესუსტებულია და უფრო მეტი რესპონდენტი ფასების სტაბილურობას ან შედარებით მცირე ზრდას ელოდება.
საქართველოს ეროვნული ბანკის ოქტომბრის გამოკითხვის მიხედვით, ფასებთან დაკავშირებული მოლოდინების შემცირების პარალელურად, სექტემბერთან შედარებით გაზრდილია მოლოდინები ხელფასების ზრდის მიმართულებით.