შსს ავრცელებს ინფორმაციას, რა ხდებოდა გვიან ღამით აქციაზე

შინაგან საქმეთა სამინისტრო გუშინდელი აქციის შესახებ განცხადებას ავრცელებს და აქვეყნებს კადრებს, რა ხდებოდა პარლამენტის მიმდებარე ტერიტორიაზე დაპირისპირების დროს.

სამართალდამცველებმა აქციაზე წვრილმანი ხულიგნობისა და პოლიციის კანონიერი მოთხოვნისადმი დაუმორჩილებლობის ფაქტებზე, ადმინისტრაციულ სამართალდარღვევათა კოდექსის 166-ე და 173-ე მუხლების შესაბამისად, ადმინისტრაციული წესით, 66 პირი დააკავეს. შინაგან საქმეთა სამინისტრომ პარლამენტის მიმდებარე ტერიტორიაზე მიმდინარე საპროტესტო აქციაზე მომხდარ სამართალდარღვევებსა და ძალადობრივ ინციდენტებთან დაკავშირებით გამოძიება საქართველოს სისხლის სამართლის კოდექსის 353-ე პრიმა და 187-ე მუხლებით დაიწყო.