არასდროს მიცდია გუგად, გუროდ და სხვა სახელებად გადავკეთებულიყავი - გურამ შეროზია

ბლოგერი გურამ შეროზია, რომელიც ხშირად მოგზაურობს სხვადასხვა ქვეყნებში, სოციალურ ქსელში ფოტოს აქვეყნებს, რომელშიც ჩოხაშია გამოწყობილი და წერს, რომ ძალიან ქართველმა გაიღვიძა მასში.

„ძააან ქართველმა გაიღვიძა ჩემში ბოლო პერიოდში:

- ჩოხაზე და მის ელემენტებზე ვგიჟდები
- ღვინო და სადღეგრძელოებიც მიყვარს
- ტრადიციებს სულ ვაპიარებ სადაც ვმოგზაურობ და ქვეყნის ქებაში ვარ
- ენები ვიცი ოხრად, ამერიკის ათ წლიანი ვიზა მაქვს და მაინც სხვაგან ვერსად წარმომიდგენია ცხოვრება
- აჭარული ხაჭაპური, ხინკალი, ელარჯი, ლობიო და ა.შ. მირჩევნია ყველა ევრაზიულ კერძს )))
- გურამი მქვია და არასდროს მიცდია გუგად, გუროდ და სხვა სახელებად გადავკეთებულიყავი

მეტი რა ვქნა?

მგონი ჩოხასაც ვიხდენ:)))“,- წერს შეროზია.