თენგიზ ცერცვაძე: სიტუაცია აბსოლუტურად კონტროლირებადია, ჯანდაცვის სისტემა არათუ მოუმზადებელია, არამედ ისე არის მზად, როგორც არასდროს

სიტუაცია აბსოლუტურად კონტროლირებადია. სისტემა არათუ მოუმზადებელია, არამედ ისე არის მზად, როგორც არასდროს, - ამის შესახებ ინფექციური საავადმყოფოს დირექტორმა თენგიზ ცერცვაძემ განაცხადა.

მისი თქმით, აღნიშნულში იგულისხმება ოჯახის ექიმები და ონლაინ კლინიკები.

„60 ონლაინ კლინიკა იყო და 40 დაემატა. ახლა ბინაზე დარჩენილ ავადმყოფებს 100 ონლაინ კლინიკა ემსახურება, რაც უპრეცედენტო რიცხვია. სტაციონარში კი 8 000 საწოლია მობილიზებული და მხოლოდ ნახევარზე ცოტა მეტი, 4 500 საწოლია დაკავებული“, - განაცხადა ცერცვაძემ.