დეკანოზი ილია ხინიკაძე: დღეს საქართველოს მართლმადიდებელი ეკლესიის ცხოვრებაში არის ისტორიული მოვლენა. ვლოცულობთ, რომ ისეთი მამამთავარი გამოირჩეს, რომელიც გააგრძელებს მისი უწმინდესობის გზას

დღეს საქართველოს მართლმადიდებელი ეკლესიის ცხოვრებაში არის ისტორიული მოვლენა. ვლოცულობთ, რომ ისეთი მამამთავარი გამოირჩეს, რომელიც გააგრძელებს მისი უწმინდესობის გზას, - განაცხადა დეკანოზმა ილია ხინიკაძემ.

მისი თქმით, საქართველოს ეკლესია 142-ე მამამთავარს ირჩევს.

„დღეს საქართველოს მართლმადიდებელი ეკლესიის ცხოვრებაში არის ისტორიული მოვლენა, რადგან საქართველოს ეკლესია ირჩევს 142 -ე მამამთავარს. ეს მოვლენა ნახევარი საუკუნის შემდგომ ხდება. ჩვენ ვლოცულობთ, რომ ისეთი მამამთავარი გამოირჩეს, რომელიც გააგრძელებს მისი უწმინდესობის გზას, რომელმაც ეკლესია, რომელიც იყო თითქოს სუდარა გადაფარებული გამოაცოცხლა. ეკლესია- მონასტრები გაამრავლა. სამღვდელოების რიცხვი გაიზარდა და ჩვენ გვაქვს მოლოდინი იმისა, რომ ეს გაგრძელდება“, - განაცხადა ილია ხინიკაძემ.

სამების საკათედრო ტაძარში, გაფართოებულ საეკლესიო კრებაზე დღეს ახალ კათოლიკოსს გამოარჩევენ. კრება 13:00 საათზე დაიწყება. მღვდელმთავრებმა არჩევანი სამ კანდიდატს - საპატრიარქო ტახტის მოსაყდრე, მიტროპოლიტ შიოს, მროველ-ურბნელ მიტროპოლიტ იობსა და ფოთისა და ხობის მიტროპოლიტ გრიგოლს შორის უნდა გააკეთონ.