ზელენსკი: დიდი შეცდომაა, როდესაც აგრესორს რაღაცის წართმევის უფლებას აძლევ, შეცდომა იყო 2014 წლიდან დაწყებული და მანამდეც, საქართველოს რეგიონებზე თავდასხმისა და ოკუპაციის დროს

დიდი შეცდომაა, როდესაც აგრესორს რაღაცის წართმევის უფლებას აძლევ. ეს დიდი შეცდომა იყო თავიდანვე, 2014 წლიდან დაწყებული და მანამდეც, საქართველოს რეგიონებზე თავდასხმისა და ოკუპაციის დროს, მანამდეც, როდესაც ჩეჩნეთის ოკუპაცია მოხდა, სრული განადგურებითა და მილიონი მსხვერპლით, როგორც დაღუპულებით, ასევე დაჭრილებით, – ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

ზელენსკი ასევე აღნიშნავს, რომ რუსეთის მეზობელმა ქვეყნებმა იგივე შეცდომა არ უნდა გაიმეორონ, რადგან პუტინი „კოცნით ან ყვავილებით“ არ შეჩერდება, კიდევ უფრო გაძლიერდება და მათ თავს დაესხმება.

„ბევრი შეცდომა მოხდა. ამიტომაც არ მინდა, ვიყო პრეზიდენტი, რომელიც გაიმეორებს ჩემი წინამორბედების ან სხვა ადამიანების მიერ დაშვებულ შეცდომებს. მე არ ვსაუბრობ მხოლოდ უკრაინაზე. მე ვსაუბრობ სხვადასხვა ქვეყნის ლიდერებზე, რომლებმაც რუსეთის მსგავს აგრესიულ ქვეყანას მათ ტერიტორიაზე შესვლის უფლება მისცეს. იმიტომ, რომ პუტინს კოცნით ან ყვავილებით ვერ შეაჩერებ. მე ეს არასდროს გამიკეთებია და ამიტომ არ მგონია, რომ ეს სწორი გზაა. ჩემი რჩევა ყველას – ნუ გააკეთებთ ამას პუტინთან. წინააღმდეგ შემთხვევაში, პირველი ნაბიჯი იქნება, შემდეგ კი ხუთ წელიწადში ის აღადგენს თავის ჯარს, გაზრდის ჯარისკაცების რაოდენობას, მისი არმია კარგად იქნება გაწვრთნილი. იმიტომ, რომ მან ბევრი კარგად გაწვრთნილი ადამიანი დაკარგა. ის ახლა თვეში 30-35 ათას ადამიანს კარგავს. წარმოგიდგენიათ ეს XXI საუკუნეში? წარმოგიდგენიათ, ის ყოველთვიურად 35 000 ადამიანს კარგავს. დარწმუნებული არ ვარ, რომ მან ამის შესახებ იცის“, – წერს ზელენსკი.