ირანის ჯანდაცვის სამინისტროში აცხადებენ, რომ 13 ივნისის შემდეგ ირანში ისრაელის თავდასხმის შედეგად 606 ადამიანი დაიღუპა

13 ივნისის შემდეგ ირანში ისრაელის თავდასხმის შედეგად სულ 606 ადამიანი დაიღუპა. ინფორმაციას ამის შესახებ ირანის ჯანდაცვის მინისტრი მოჰამედ რეზა ზაფარღანი ავრცელებს.

როგორც ირანის ჯანდაცვის მინისტრი აღნიშნავს, დაშავებულია 5000-ზე მეტი ადამიანი.

ზაფარღანის თქმით, ირანში ბოლო 24 საათის განმავლობაში ყველაზე მძიმე თავდასხმები განხორციელდა, რის შედეგადაც 107 ადამიანი დაიღუპა.