აშშ-ში, უნივერსიტეტში სროლას მსხვერპლი მოჰყვა

აშშ-ში, როუდ აილენდზე ბრაუნის უნივერსიტეტში სროლას სულ მცირე 2 სტუდენტი ემსხვერპლა, კიდევ 9 ადამიანი დაჭრილია.

ინციდენტი ადგილობრივი დროით 16:00 საათზე მოხდა. თვითმხილველების თქმით, შეიარაღებული კაცი ერთ-ერთ საკლასო ოთახში შევიდა, სადაც გამოცდა მიმდინარეობდა, რაღაც დაიყვირა და ცეცხლი გახსნა, შემდეგ კი მიიმალა. პოლიცია მას ამ დრომდე ეძებს. მისი ვინაობისა და მოტივების შესახებ ამ ეტაპზე არაფერია ცნობილი.

ექიმების თქმით, დაჭრილების მდგომარეობა კრიტიკული, მაგრამ სტაბილურია.