აშშ-ის თავდაცვის მდივანი: რუსეთი აგრესორია, თუმცა შეერთებული შტატების პრეზიდენტი უკრაინასთან კონფლიქტში მშვიდობის მომხრეა

რუსეთი აგრესორია, თუმცა ამერიკის შეერთებული შტატების პრეზიდენტი, დონალდ ტრამპი ამ კონფლიქტში მშვიდობის მომხრეა, - განაცხადა აშშ-ის თავდაცვის მდივანმა, პიტ ჰეგსეტმა სენატის მოსმენაზე.

სენატორ მიტჩ მაკკონელის კითხვაზე პასუხად ჰეგეტსმა აღნიშნა, რომ კონფლიქტის დასრულება როგორც უკრაინისა და რუსეთის, ისე შეერთებული შტატების ეროვნულ ინტერესებში შედის.

„რუსეთი აგრესორია, მაგრამ, როგორც არაერთხელ ვთქვი, პრეზიდენტი ტრამპი მშვიდობის მომხრეა ამ კონფლიქტში. საბოლოო ჯამში, მშვიდობა ემსახურება ჩვენს ეროვნულ ინტერესებს და, ჩვენი აზრით, კონფლიქტის ორივე მხარის ინტერესებს, თუნდაც ეს შედეგი არ იყო სასურველი ბევრისთვის ამ ოთახში, ან ამ ქვეყანაში“, - განაცხადა ჰეგსეტმა.