1744663036

"ქეთა ხარძიანმა მამის მკვლელი 10 წლის შემდეგ პირველად ნახა...“ - ექსკლუზიური კადრები სასამართლოდან

"კილერის" თვალები ბესო ხარძიანის შვილმა 10 წლის შემდეგ პირველად სასამართლო დარბაზში ნახა. მისთვის მძიმე სანახავი იყო კაცი, რომელმაც მამა მოუკლა. ქეთა ხარძიანმა 10 წლის წინ, ჩაფხუტით შენიღბული მკვლელი სახლთან ახლოს, მკვლელობამდე ერთი დღით ადრე ნახა. ჩაფხუტი სახასიათო თვალებს და მზერას ვერ უმალავდა. ქეთა ხარძიანს ნანახი კაცი საეჭვოდ მოეჩვენა, თუმცა საფრთხე მაშინ ვერ გათვალა. მეორე დღეს კი, ფარიდ გურბანოვმა ბესო ხარძიანი სახლის სადარბაზოში მოკლა.მოკლულის შვილი იხსენებს, რომ ის და ბესო ხარძიანი ხშირად ერთი ავტომობილით სარგებლობდნენ. შესაბამისად, დაქირავებული მკვლელის თვალთვალის სამიზნე ქეთა ხარძიანიც აღმოჩნდა.საქართველოში ექსტრადირების შემდეგ პირველად, სასამართლოში "კილერი" "კურიერი P.S."-მა გადაიღო. ფარიდ გურბანოვს ამ დღეს აღარაფერი უთქვამს. უსმენდა ექსპერტებს, რომლებიც მკვლელის მიერ ნასროლი სამი ტყვიის, მათ შორის, საკონტროლო გასროლის შედეგად მიყენებულ დაზიანებებზე საუბრობდნენ.39 წლის ფარიდ გურბანოვი, 9-წლიანი ძებნის შემდეგ თურქეთში დააკავეს და საქართველოს გადმოსცეს. ამ დროს მას ბესო ხარძიანის მკვლელობისთვის დაუსწრებლად, უვადო პატიმრობა უკვე მისჯილი ჰქონდა. ახლა სააპელაციო სასამართლოში უმკაცრეს სასჯელს ასაჩივრებს.როგორ მოკლეს კუს ტბის მეწილე, ცნობილი ქართველი ბიზნესმენი - დანაშაულის გეგმა 2015 წლის 13 იანვარს ამოქმედდა.საქართველოში ყალბი პასპორტით ჩამოფრინდნენ აზერბაიჯანის მოქალაქე ფარიდ გურბანოვი და რუსეთის მოქალაქე ოლეგ დოევი. კილერი დამხმარესთან ერთად კონსპირაციულ ბინაში დაბინავდა. ისინი ქუჩებში 4 მარტიდან გამოჩნდნენ, ჯერ ფეხით, შემდეგ კი მოპედით. გამოძიების მასალების მიხედვით, 28 მარტს, ბესო ხარძიანის სიცოცხლის ბოლო დღეს, დაქირავებული მკვლელი და მისი დამხმარე ქუჩაში ისევ ერთად, სხვადასხვა ტრანსპორტით გადაადგილდებოდნენ.ვაკე, მარაბდის ქუჩა, შუადღე - ბესო ხარძიანი სამსახურიდან სახლში სასადილოდ ბრუნდება. ჩასაფრებული "კილერი" მას სადარბაზოში მიჰყვება და ზურგიდან მაყუჩიანი იარაღით ცეცხლს უხსნის. მკვლელი ადგილიდან მოპედით გარბის.ბიზნესმენი კლინიკაში მიყვანისთანავე გარდაიცვალა, მკვლელმა კი, მტკიცებულებები მოიშორა. კეკელიძის ქუჩაზე მოპედი და ნიღაბი დატოვა. იარაღი მტკვარში ჩააგდო. ქურთუკი ამოაბრუნა, დამხმარე ოლეგ დოევთან ერთად აჭარისკენ წავიდა. საზღვარი თურქეთის მიმართულებით ისევ ყალბი პასპორტით, ისევ მოკავშირე დოევთან ერთად გადაკვეთა.გამოძიებამ მკვლელების ვინაობა მალევე დაადგინა. ძებნილი დამნაშავეების მიმართ მალევე დადგა უმძიმესი განაჩენი.9 წლიანი ძებნის შემდეგ, გასული წლის ივლისში, საქართველოს პროკურატურის მოთხოვნით, ფარიდ გურბანოვი თურქეთში დააკავეს. მალევე საქართველოს გადმოსცეს. "კილერმა" ქართულ ციხეში უვადო სასჯელის ათვლა 2024 წლის 13 სექტემბერს დაიწყო.მკვლელის დამხმარე ოლეგ დოევი, რომელსაც ქართულმა სასამართლომ 19 წელი მიუსაჯა, ისევ ინტერპოლით იძებნება.დაქირავებულმა მკვლელმა დუმილი აირჩია.ის ახლა სააპელაციო სასამართლოში უმძიმეს სასჯელს ასაჩივრებს. უკვე კერძო ადვოკატიც ჰყავს, რომელიც პანკისელმა ნაცნობებმა დაუქირავეს. ის მკაცრი რეჟიმის ციხეში, სამარტოო საკანში ცხოვრობს. მკვლელმა დროის მოსაკლავად, ქართულის შესწავლა დაიწყო.გამოძიებასთან არ თანამშრომლობს, თუმცა დადასტურდა, რომ მან მკვლელობა შეკვეთით ჩაიდინა. ვინ არის დამკვეთი - ამის გასარკვევად, გამოძიება გრძელდება.სანამ გამოძიება მთავარ შეკითხვას უპასუხებს, ერთადერთი ვერსია აქვს მოკლულის ოჯახს, რომ ბიზნესმენი კუს ტბის წილებს შეეწირა.ბესო ხარძიანი მკვლელობამდე 4 წლით ადრე, ნარკოდანაშაულის ბრალდებით დააკავეს. ამტკიცებდა, რომ ციხეში ბიზნესპარტნიორების გამო ჩასვეს და წამებით დაათმობინეს კუს ტბის წილები. წამების და ქონების უკანონო ჩამორთმევის საქმეზე ბრალი, ძებნილებს - გია უდესიანს და გლდანის ციხის ყოფილ დირექტორს წარუდგინეს. გია უდესიანი ბრალსაც უარყოფს და ბესო ხარძიანის მკვლელობასთან კავშირსაც.მოკლულის ოჯახი ბესო ხარძიანის ერთადერთ მტრად უდესიანს და მის ნათესავს, რეზო ქურასბედიანს ასახელებს.ციხეში ახლა მხოლოდ "კილერი" ზის, დამკვეთი თუ დამკვეთები მან უნდა დაასახელოს. უნდა თქვას ისიც, რა ფასად მოკლა ბესო ხარძიანი. 

1744398777

ქალმა შეცდომით სხვა წყვილის შვილი გააჩინა - ხელოვნური განაყოფიერების კლინიკაში მომხდარის გამო ბოდიში მოიხადეს (ავსტრალია)

ავსტრალიის უმსხვილესი ხელოვნური განაყოფიერების კლინიკამ ბოდიში მოიხადა მას შემდეგ, რაც მათმა კლიენტმა ქალმა სხვა წყვილის შვილი გააჩინა.კონკრეტულად როგორ მოხდა ემბრიონების არევა ცნობილი არ არის, თუმცა გამოძიება გრძელდება. კომპანია Monash IVF-ს ავსტრალიის ტერიტორიაზე ასზე მეტი კლინიკა აქვს. კომპანიაში განაცხადეს, რომ თანამშრომლები განადგურებულები არიან მომხდარის გამო და ეს პირველი შემთხვევაა მათ პრაქტიკაში.„Monash IVF-ის სახელით მინდა გამოვხატო ჩემი გულწრფელი წუხილი მომხდარის გამო. ჩვენ ვაგრძელებთ პაციენტების მხარდაჭერას ამ ძალიან რთულ დროს“, - განაცხადა კომპანიის გენერალურმა დირექტორმა მაიკლ კნააპმა.ხელოვნური განაყოფიერების დროს დაშვებული შეცდომის შესახებ მას შემდეგ გახდა ცნობილი, რაც თებერვალში ბავშვის მშობლებმა დარჩენილი ემბრიონების სხვა კომპანიაში გადატანა გადაწყვიტეს. შედეგად, მათ ერთით ზედმეტი ემბრიონი აღმოაჩინეს. მოკვლევის შედეგად გაირკვა, რომ მათ სხვისი ემბრიონი გამოიყენეს.

1743799860

ხანმოკლე წვიმა და ელჭექი - სინოპტიკოსები მოსახლეობას მოსალოდნელი ამინდის შესახებ აფრთხილებენ

გარემოს ერროვნული სააგენტო 5-7 აპრილს საქართველოში მოსალოდნელი ამინდის შესახებ ინფორმაციას ავრცელებს.სინოპტიკოსების პროგნოზით, უახლოეს დღეებში საქართველოს ზოგიერთ რაიონში მოსალოდნელია ხანმოკლე წვიმა და ელჭექი. თბილისში შესაძლოა, აღინიშნოს ხანმოკლე წვიმა ელჭექით. ჰაერის ტემპერატურა დღისით +20, +22 გრადუსი დაფიქსირდება.  სანაპირო რაიონებში (ბათუმი, ქობულეთი, ანაკლია, ფოთი): ზოგან გაწვიმდება. ჰაერის ტემპერატურა დღისით +20, +22 გრადუსი დაფიქსირდება.დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) ზოგან გაწვიმდება. ჰაერის ტემპერატურა დღისით +21, +23 გრადუსი დაფიქსირდება. დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): ზოგან გაწვიმდება. ჰაერის ტემპერატურა დღისით +20, +22 გრადუსი დაფიქსირდება. დასავლეთ საქართველოს მაღალმთიან რაიონებში (მესტია, ბახმარო): ზოგან გაწვიმდება. ჰაერის ტემპერატურა დღისით +12, +14 გრადუსი დაფიქსირდება.ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +22, +24 გრადუსი დაფიქსირდება. კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +21, +23 გრადუსი დაფიქსირდება. აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +15, +20 გრადუსი დაფიქსირდება. აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): ზოგან ხანმოკლე წვიმა და ელჭექია მოსალოდნელი. ჰაერის ტემპერატურა დღისით +8, +13 გრადუსი დაფიქსირდება.

1743540762

წარწერა ჯვარზე, რომელმაც გამოძიება დამნაშავეებზე გაიყვანა - როგორ გახსნეს ქართველმა ექსპერტებმა მასშტაბური ძარცვის საქმე

ზოგიერთი მთავარი გმირის ვინაობა შეცვლილია და მათი ვინმესთან მსგავსება შემთხვევითია:1969 წლის აპრილში მოსკოვში, კრასნაია პრესნიაზე, მანამდე უპრეცედენტო დანაშაულები მოხდა. გაიძარცვა სამი შემნახველი სალარო, რომლებიც 500 მეტრის რადიუსში მდებარეობდა, ერთმანეთისგან 200-300 მეტრის მოშორებით. წაიღეს სამი უზარმაზარი სეიფი. თითოეულ მათგანში დიდი რაოდენობით ფული და ობლიგაციები იყო განთავსებული. გატაცებული ფულის საერთო რაოდენობამ ერთ მილიონ საბჭოთა მანეთს გადააჭარბა. ეს ფანტასტიკური ძარცვები განხორციელდა დღისით, მზისით, იმ დროს, როდესაც თანამშრომლები შესვენებაზე იყვნენ გასული, ანუ დღის 13-14 საათებს შორის.შემნახველი სალაროების სარდაფებში გათხრილი გვირაბები სწორედ იმ სეიფების ქვეშ იყო მიყვანილი, რომლებიც გაიტაცეს. თითოეული გვირაბი პროფესიონალურად იყო გათხრილი. ეს კი იმაზე მითუითებდა, რომ ამ საქმეში ამ დარგის სპეციალისტები იყვნენ გარეული. მძიმე სეიფების გვირაბში გატანა კი სპეციალური ტროსებით განხორციელდა.ეს ტროსები სტაციონარულად დამონტაჟებულ გორგოლაჭიან ძრავაზე იყო მიმაგრებული. მართალია სეიფების დაძვრის შემდეგ არასაუწყებო დაცვის ცენტრში სიგნალიზაცია ჩაირთო და მილიციის ბრიგადებმა შემთხვევის ადგილებზე მისვლა 3 წუთში შეძლეს, მაგრამ სეიფები უკვე წაღებული იყო. იდეალური სიზუსტითა და სისწრაფით გამორჩეულმა ძარცვამ მაძებრები საგონებელში ჩააგდო და ერთადერთი ხელჩასაჭიდი სტაციონარულად დამონტაჟებული გორგოლაჭებიანი ძრავები იყო. თუმცა, ასეთი ტიპის ძრავებს საბჭოთა კავშირში ბევრგან იყენებდნენ და მათი მეშვეობით დამნაშავეთა კვალზე გასვლის შანსი მიზერული იყო.ალუმინის ჯვარიძარცვების საქმეს „მურის“ სპეციალური საგამოძიებო ჯგუფი ახორციელებდა. ამ ჯგუფს ქართველი გამომძიებელი, კონსტანტინე (კოკა) რუსაძე ხელმძღვანელობდა. მას ჯგუფში თავისი თანამემამულე, ძალიან გამოცდილი ექსპერტ-კრიმინალისტი, ვარლამ კუჭავა ჰყავდა. მიუხედავად ხანდაზმული ასაკისა (ვარლამი 70 წელს იყო მიტანებული), კუჭავა შეუცვლელი იყო თავის საქმეში. ვარლამს განსაცვიფრებელი ინტუიცია ჰქონდა და რუსაძეს შემსთავაზა, რომ სტაციონარულად დამონტაჟებული სამივე ძრავა დაეშალათ.– რას მოგვცემს „მოტორების“ დაშლა, ივანიჩ? – ჰკითხა რუსაძემ. კუჭავამ კი უპასუხა:– ვნახოთ, იქნებ მოგვცეს კიდეც. რა იცი, რა ხდება?კუჭავამ სპეციალისტები მოიწვია და ძრავები დიდი აკურატულობით დააშლევინა. ერთ-ერთი მათგანის ფსკერზე ალუმინისგან დამზადებული პატარა ჯვარი და გაწყვეტილი ძეწკვი აღმოაჩინა. აშკარა იყო, რომ ეს ჯვარი მის მფლობელს გაუწყდა და ძრავას ნაპრალში ჩაუვარდა. ჯვარს უკანა მხარეს წარწერა ჰქონდა: „შემეწიე და დამიფარე“. ასეთი უბრალო ჯვრები იმ მცირერიცხოვან მრევლიან ეკლესიებში მზადდებოდა და იყიდებოდა, რომლებიც მაშინ ფუნქციონირებდა.კუჭავას აღმოჩენა კოკა რუსაძისთვის მნიშვნელოვანი ხელჩასაჭიდი სამხილი იყო. მისი მეშვეობით უშუალო მძარცველებზე თუ არა, მათ ხელისშემწყობებზე შეიძლებოდა გასვლა. კოკა რუსაძემ მოქმედების გეგმა შეიმუშავა და მისი განხორციელება დაიწყო. ეკლესიების საქმიანობას უშიშროების კომიტეტი, ანუ „კაგებე“ კურირებდა.ამ უწყებას დაწვრილებითი დოსიეები ჰქონდა ყველა რელიგიის მსახურზე და მათ არცთუ ისე მრავალრიცხოვან მრევლზე. სწორედ ამ ორგანოს მიმართა დახმარებისთვის კოკამ და იქიდან იმ ადამიანების (ძირითადად, მრევლის) დოსიეები გამოითხოვა, ვისაც ტექნიკურ მოწყობილობებთან მცირე შეხება მაინც ჰქონდა.ასეთი ადამიანი სულ 14 აღმოჩნდა. მათ შორის იყო ორი ქალი. რუსაძემ თავის ხელქვეითებს ამ ადამიანებისა და მათი საახლობლო წრის შესწავლა დაავალა, რაც ძალიან შრომატევადი საქმიანობა იყო.მაძებრები გამორიცხვის პრინციპით მოქმედებდნენ და ეჭმიტანილთა შორის სამი ადამიანი დარჩა – ლიფტების ინჟინერი სევა ლოგინოვი, ამწყობი ინჟინერ-ინსტრუმენტალისტი ბორის ვოლხოვი და მოსკოვის მეორე ტაქსომოტორის ელეტრომონტიორი, 27 წლის ალა კასატონოვა.როგორც შემოწმებით გაირკვა, კასატონოვას მეუღლე მიხეილ ბოგდანოვი მოსკოვის „გვირაბმშენის“ ინჟინერი იყო და ამ საქმეში უმაღლეს კვალიფიკაციას ფლობდა. სწორედ ისინი გახდნენ მთავარი ეჭვმიტანილები და მილიცია მათ „კუდზე დააჯდა“. ორკვირიანი თვალთვალის შედეგად გაირკვა, რომ არც თუ ისე დიდი შემოსავლის მქონე ცოლ-ქმარმა ბოლო ერთი თვის განმავლობაში საკმაოდ ძვირად ღირებული ავეჯი და იმპორტული ტანსაცმელი შეიძინეს. ასევე, ხშირად სტუმრობდნენ რესტორნებს.აქედან გამომდინარე, რუსაძემ ცოლ-ქმრის დაკავების გადაწყვეტილება მიიღო და ისინი იმ დროს „აიყვანეს“, როდესაც გვიან ღამით რესტორან „არაგვიდან“ გამოდიოდნენ. წყვილს ჩხრეკისას ჯიბეებში 25-მანეთიანების შეკრული, საბანკო დასტა აღმოაჩნდათ, რაც მნიშვნელოვანი სამხილი იყო.დაკითხვაზე ცოლ-ქმარმა დანაშაული აღიარეს და ექვსი თანამონაწილეც დაასახელეს. როგორც გაირკვა, რაც უნდა გასაკვირი იყოს, ძარცვის გეგმა სწორედ 27 წლის ალა კასატონოვას მიერ იყო მოფიქრებული.

1743095889

პომიდვრის უნიკალური თვისებები - როგორ უნდა მივიღოთ პროდუქტი, რომ სასარგებლო იყოს

ბევრმა არ იცის, რომ  მაღალი წნევა ან ჰიპერტენზია ძირითადად დაავადებაა, რომელიც გამოწვეულია ცხოვრების არასწორი არჩევანით.ევროპის პრევენციული კარდიოლოგიის ჟურნალში გამოქვეყნებულმა კვლევამ აჩვენა, რომ ისინი, ვინც ყოველდღიურად ჭამდნენ ყველაზე მეტ პომიდორს ან პომიდვრის პროდუქტს, უფრო ნაკლებად ჰქონდათ მაღალი წნევა. ასეთ შემთხვევაში დაავადების განვითარების რისკი 36%-ით ნაკლებია.ამიტომ ექიმები ხშირად ურჩევენ პაციენტებს მარილის შეზღუდვას. ნატრიუმის საერთო რაოდენობა დღეში არ უნდა აღემატებოდეს 1500-2000 მგ. თქვენ შეგიძლიათ აკონტროლოთ ნატრიუმის გავლენა არტერიულ წნევაზე  კალიუმით მდიდარი საკვებით. პომიდორი კალიუმის ხელმისაწვდომი წყაროა.პომიდორი ასევე მდიდარია ლიკოპენით, რომელიც ასტაბილურებს ენდოთელიუმის და არტერიის კედლებს, აუმჯობესებს სისხლის ნაკადს და ამცირებს არტერიულ წნევას.რა თქმა უნდა, პომიდორი სწორად უნდა იქნას მოხმარებული. თუ მათ მარილი მოაყარეთ ან მაღალ ცეცხლზე მოხარშეთ, მისი თვისებები უბრალოდ გაქრება. პომიდვრის სალათზე ან წვენზე მარილის მოყრაც კი ართმევს მას კვებით ღირებულებას. 

1743087741

მეცნიერებმა დაადგინეს, როგორი ამინდი ზრდის ინსულტის რისკს

მეცნიერებმა დაადგინეს, როგორი ამინდი ზრდის ინსულტის რისკს.კვლევაში მონაწილეობდა 82 ათასი პაციენტი ჩინეთიდან მწვავე იშემიური ინსულტით. მონაცემები შეგროვდა 2019 წლიდან 2021 წლამდე. მეცნიერებმა შეკრიბეს შემდეგი მონაცემები:ასაკი, მოწევის ისტორია, ალკოჰოლის მოხმარება, სქესი, საცხოვრებელი რეგიონი, პაციენტების დაავადებები.მკვლევრებმა დაადგინეს, რომ მწვავე იშემიური ინსულტის რისკი უფრო მაღალი იყო გარემოს მაღალ ტემპერატურაზე. რაც უფრო გრძელია ექსპოზიცია, მით უფრო მაღალია ინსულტის შანსი.როგორც აღმოჩნდა, ინსულტისგან უფრო დაუცველები იყვნენ:ქვეყნის ჩრდილოეთის მცხოვრები მამაკაცები;ასევე პაციენტები, რომლებსაც აქვთ დისლიპიდემია (სისხლში ცხიმების ნორმალური თანაფარდობის დარღვევა) ან წინაგულების ფიბრილაცია.ნაშრომი იძლევა დამაჯერებელ მტკიცებულებას, რომ მაღალი ტემპერატურა მწვავე იშემიური ინსულტის მნიშვნელოვანი რისკფაქტორია. შედეგები ხაზს უსვამს ხანდაზმული ადამიანების დაცვას მაღალი ტემპერატურისგან გლობალური კლიმატის ცვლილების ფონზე. წყარო

1742894238

რაც დრო გადის, ორი რამ მკაფიო ხდება, ქვეყანა რა უბედურებას გადაურჩა და დასავლეთში ზოგიერთს როგორი აგდებული დამოკიდებულება ჰქონდა საქართველოს მომავალზე - ლევან მახაშვილი

დრო რაც გადის, ორი რამ მკაფიო ხდება – ქვეყანა რა უბედურებას გადაურჩა და დასავლეთში ზოგიერთს როგორი ზერელე და აგდებული დამოკიდებულება ჰქონდა საქართველოს მომავალზე, – ამის შესახებ საქართველოს პარლამენტის ევროინტეგრაციის კომიტეტის თავმჯდომარე ლევან მახაშვილმა საქართველოს პირველ არხს განუცხადა.მახაშვილის თქმით, ახალი ინფორმაციების ფონზე ეს ორი რაღაც მკაფიოდ იკვეთება.„ფაქტია, რომ საქართველოს ხელისუფლებამ ქვეყანას დიდი უბედურება ააცილა და მეორე მხრივ, ის უპასუხისმგებლო დამოკიდებულება დავინახეთ, რაც დასავლეთის ზოგიერთ არაფორმალურ გავლენას ჰქონდა და აქვს საქართველოს მიმართ. მთელი ამ პერიოდიდან მთავარი გაკვეთილია ის, რომ საქართველოს ხელისუფლებასა და ხალხზე მეტად ამ ქვეყნის ბედი არავის აღელვებს. ამიტომ, ჩვენს თავს თავად უნდა მოვუაროთ და ქვეყნის მომავალზე ვიფიქროთ, რადგან ჩანს, საქართველოს მომავალს როგორ ზერელედ უყურებენ“, – განაცხადა ლევან მახაშვილმა.

1742197800

სასამართლოს გადაწყვეტილებით, სააკაშვილს განაჩენთა ერთობლიობით სასჯელის ვადად 12 წელი და ექვსი თვე განესაზღვრა

თბილისის საქალაქო სასამართლოს გადაწყვეტილებით, სახელმწიფო საზღვრის უკანონოდ კვეთის ფაქტზე მიხეილ სააკაშვილს 4 წლითა და 6 თვის ვადით თავისუფლების აღკვეთა მიესაჯა. მას ასევე დაემატა საბიუჯეტო თანხების გაფლანგვიდან სასჯელი 8 წლით და საერთო ჯამში მას თავისუფლების აღკვეთა 12 წლითა და 6 თვის ვადით განესაზღვრა.საკუთარი ბრალდების სისხლის სამართლის საქმეზე განაჩენის გამოცხადებას ექსპრეზიდენტი კლინიკა „ვივამედიდან“ დისტანციურადაც არ დასწრებია.ეს განაჩენი უკვე მეორეა, რომელიც თბილისის საქალაქო სასამართლომ ბოლო დღეების განმავლობაში სააკაშვილის საქმეზე გამოიტანა. მას ახლა მხოლოდ ერთი ბრალდების სისხლის სამართლის საქმე დარჩა, რომელიც 7 ნოემბრის ეპიზოდს ეხება.

1741945003

17 ავტომობილის შეჯახების შედეგად, 5 ადამიანი დაიღუპა, მათ შორის ორი ბავშვია (აშშ)

აშშ-ში, ტეხასის შტატში, 17 ავტომობილის შეჯახების შედეგად, 5 ადამიანი დაიღუპა და 11 დაშავდა.გარდაცვლილებს შორის 3 ზრდასრული, ერთი მოზარდი და ერთი ჩვილია.ავარია ხუთშაბათს საღამოს, ადგილობრივი დროით 23:23 საათზე, ქალაქ ოსტინში მოხდა.დაშავებულების ჯანმრთელობის მდგომარეობის შესახებ ინფორმაცია ჯერჯერობით არ ვრცელდება.

1741207938

კაცმა მეუღლე და 2 წლის შვილი გველის დახმარებით მოკლა - გამოძიების დეტალები (უცხოეთი)

ინდოეთში კაცმა აღიარა, რომ გველის დახმარებით მოკლა ცოლ-შვილი. ინფორმაციას News9Live ავრცელებს.ბასანტი პატრა და მისი ორი წლის ქალიშვილი 7 ოქტომბერს ოდიშაში, სოფელ ადჰეიგაონში საკუთარ სახლში გარდაცვლილები იპოვეს. ორივეს გველის ნაკბენი აღმოაჩნდა. ოთახში ქვეწარმავალიც იყო. ექიმებმა დაზარალებულებს ვეღარ უშველეს. პოლიციამ გადაწყვიტა, რომ საქმე ჰქონდათ ველური კობრის თავდასხმასთან და გამოძიება აღარ გააგრძელა.თუმცა, მალე ქალის მამამ სიძე ფულის გულისთვის მეუღლის და ქალიშვილის კობრის გამოყენებით მკვლელობაში დაადანაშაულა, რადგან ინდოეთში კობრის თავდასხმის მსხვერპლთა ნათესავებს უფლება აქვთ მიიღონ კომპენსაცია 400 ათასი რუპიის ოდენობით თითო მსხვერპლზე.გამოძიებაში გველის გამწვრთნელი ჩართეს, რომელმაც საქმეში ბევრი უცნაური მომენტი დააფიქსირა. მათ შორის გასაკვირი იყო ისიც, რომ ველური კობრა თავდასხმის შემდეგ ოთახში აღარ ჩერდება. დადგინდა ასევე, რომ გარდაცვლილებს სიკვდილამდე საძილე საშუალება მიაღებინეს.მალე ეჭვმიტანილმა ქმარმა აღიარა დანაშაული და თქვა, რომ კობრა რელიგიური რიტუალის შესასრულებლად იყიდა, თუმდა დაავიწყდა და ოთახში დატოვა. ახლა გამოძიება არკვევს იცოდა თუ არა გველის გამყიდველმა, თუ რა მიზნით იყიდეს მისგან საშიში ქვეწარმავალი და ჰყავდა თუ არა ცოლ-შვილის მკვლელობაში ბრალდებულს თანამზრახველები.

1741031692

34 წლის ცნობილი ბლოგერი ქორწილამდე 2 კვირით ადრე ტრაგიკულად დაიღუპა (უცხოეთი)

ჩილეში, 34 წლის ცნობილი ბლოგერი, ხავიერა ორტიზა, სერფინგის დროს ტრაგიკულად დაიღუპა. ახალგაზრდა ქალს სათევზაო ნავმა გადაუარა. ინფორმაციას Dailymail-ი ავრცელებს.ქალმა შეჯახების შედეგად თავისა და კიდურების არეში მძიმე დაზიანებები მიიღო. ის საავადმყოფოში გადაიყვანეს, თუმცა მიღებული ტრავმების შედეგად ის მალევე გარდაიცვალა.ახალგაზრდა ქალი 2 კვირაში უნდა დაქორწინებულიყო.

1740523653

VIDEO: დაუჯერებელი კადრები - ნახეთ, როგორ ასუფთავებს ტვინი საკუთარ თავს მკვდარი ნეირონებისგან

ცნობილია, რომ ჩვენს თავის ტვინს აქვს ნარჩენების მოსუფთავების ვრცელი სისტემა, რომელიც ბიოლოგიურ გზებს მკვდარი და ტოქსიკური ნეირონებისგან წმენდს. ახლახან, პირველად ისტორიაში, ლაბორატორიაში თაგვებზე ცდისას მეცნიერებმა ამ პროცესს ვიდეო გადაუღეს.ჯერ კიდევ ბევრი რამ არ ვიცით იმის შესახებ, როგორ წმენდს ტვინი საკუთარ თავს მკვდარი ნეირონებისგან, როგორ რეაგირებს მათთან; შესაბამისად, ახალი კვლევა შეიძლება, წინგადადგმული დიდი ნაბიჯი იყოს ამ მიმართულებით, მიუხედავად იმისა, რომ ჯერ ისიც არ არის დადასტურებული, ასეთივე გზით მოქმედებს თუ არა ადამიანის თავის ტვინიც.„პირველი შემთხვევაა, როდესაც ცოცხალი ძუძუმწოვრის ტვინში ეს პროცესი ვიხილეთ“, — ამბობს იელის უნივერსიტეტის მედიცინის სკოლის ნევროლოგი ხაიმე გრუცენდლერი.გარდა ამისა, აღმოჩენამ შეიძლება გაგვიადვილოს ასაკთან დაკავშირებული ნევროლოგიური აშლილობების სამკურნალო საშუალებათა შექმნაც; ამისათვის კი მეცნიერებმა უფრო მეტი უნდა იცოდნენ როგორ მოქმედებს ტვინის გასუფთავების სისტემა.