ყველა სიახლე

1745389258

მძიმე ავტოსაგზაო შემთხვევა კახეთში - დაღუპულია ცოლ-ქმარი

ავტოსაგზაო შემთხვევა კახეთში. გარდაცვლილია ცოლ-ქმარი. შემთხვევა წუხელ, ყვარლის მუნიციპალიტეტის სოფელ საბუეში მოხდა.ადგილობრივების ინფორმაციით, გადაჭარბებული სიჩქარით მოძრავი ავტომანქანა საკუთარი სახლის წინ მჯდომ ცოლ-ქმარს დაეჯახა.ძლიერი შეჯახების შედეგად, ორივე ადგილზე გარდაიცვალა. მომხდარ ფაქტზე გამოძიება უკვე დაწყებულია.

1745336693

VIDEO: „სეტყვა და ქარი დაახლოებით 15 წუთს გაგრძელდა“ - ვრცელდება კადრები გურჯაანიდან

გურჯაანის მუნიციპალიტეტის სოფლებში, ვაჩნაძიანში კალაურში, ვაზისუბანში, მუკუზანსა და შაშიანში სტიქია დაახლოებით 15 წუთს გაგრძელდა.ადგილობრივების ინფორმაციით, წვიმის გამო, ვენახებისა და სასოფლო- სამეურნეო სავარგულების მდგომარეობა ჯერ არ იციან.„სეტყვა და ქარი დაახლოებით 15 წუთს გაგრძელდა. ძირითადად, ერთ ზოლზეა დასეტყვილი სოფლები. ნაკვეთები რა მდგომარეობაშია, ჯერ არ გვინახავს“, - აცხადებენ ადგილობრივები.როგორც გურჯაანის მუნიციპალიტეტის მერიაში განმარტავენ, შესაბამისი სამსახურების წარმომადგენლები ვითარებას ადგილზე ეცნობიან.ნონა მელექსიშვილის ვიდეო:

1745335858

სტიქია კახეთში - გურჯაანის მუნიციპალიტეტის სოფლები დაისეტყვა

1745304346

უბედური შემთხვევა კახეთში - დაღუპულია მამაკაცი

უბედური შემთხვევა კახეთში. ლაგოდეხში, არხში მამაკაცი ჩავარდა და დაიღუპა. ადგილობრივების ინფორმაციით, სავარაუდოდ, ნასვამ მდგომარეობაში მყოფ მამაკაცს ფეხი აუცდა და წყლიდან ამოსვლა ვეღარ შეძლო.შემთხვევის ადგილზე მობილიზებულია პოლიცია და სამაშველო სამსახური.

1745224246

მამაკაცი, რომელსაც ორი დღე ეძებდნენ, გარდაცვლილი იპოვეს

კახეთში ორდღიანი ძებნის შემდეგ, 54 წლის მამაკაცი გარდაცვლილი იპოვეს. თელავის მუნიციპალიტეტის სოფელ კისისხევში მცხოვრებ მერაბ ხუციშვილს, საკუთარი სახლის მარანში მიაგნეს.ახლობლების ინფორმაციით, მამაკაცი ჩამომხრჩვალი ნახეს, თუმცა მისი თვითმკვლელობის არ სჯერათ.„თითქოს მამამისის ცოლმა იპოვა მარანში, მაგრამ არ გვჯერა, რომ თავი მოიკლა. ვფიქრობთ, მოკლეს და მერე ჩამოკიდეს. იმედი გვაქვს დაადგენს პოლიცია"- ამბობენ ახლობლები.54 წლის მერაბ ხუციშვილს, სოფელ კისისხევში ორი დღის განმავლობაში ეძებდნენ. ძიების პროცესში ჩართული იყო პოლიცია.

1745220202

მკვლელობა კახეთში - გურჯაანის მუნიციპალიტეტში ახალგაზრდა მამაკაცი მოკლეს

კიდევ ერთი მკვლელობა კახეთში- გურჯაანის მუნიციპალიტეტში ახალგაზრდა მამაკაცი მოკლეს.შემთხვევა გვიან ღამით, სოფელ ჩუმლაყში მოხდა.ადგილობრივების ინფორმაციით, სავარაუდოდ, შურისძიების ნიადაგზე, მოკლულია 31 წლის დიმიტრი ჯავახიშვილი.მკვლელობა სოფლის ცენტრში მოხდა სადაც ერთ -ერთმა ადგილობრივმა, ახალგაზრდა კაცს რამდენჯერმე ესროლა და მიიმალა.სროლის დროს მსუბუქად დაიჭრა კიდევ ერთი ახალგაზრდა, რომელსაც გურჯაანის საავადმყოფოში შესაბამისი სამედიცინო დახმარება ჩაუტარდა და უკვე სახლშია გაწერილია.სოფელში ფიქრობენ, რომ მკვლელობა მხარეებს შორის წარსულში არსებულ კონფლიქტს უკავშირდება. რა გახდა მკვლელობის ზუსტი მიზეზი, გამოძიება დაადგენს.გამოძიება, 108-ე მუხლით დაიწყო, რაც განზრახ მკვლელობას გულისხმობსზ

1745215944

მკვლელობა კახეთში - რა მოხდა აღდგომის ღამეს

ახმეტაში კაცი მოკლეს. მოკლულია აჩიკო ჯაბანიშვილი.შემთხვევა 19 აპრილს ახმეტაში მოხდა.ადგილობრივების თქმით, ჯაბანიშვილს უცნობმა პირმა საკუთარ საცხოვრებელ სახლთან რამდენჯერმე ესროლა და მიიმალა.მიღებული დაზიანებებით ახალგაზრდა მამაკაცი ადგილზე გარდაიცვალა.მომხდარზე მიმდინარეობს გამოძიება. რა გახდა მკვლელობის ზუსტი მოტივი გამოძიება დაადგენს.

1743967933

უბედური შემთხვევა პანკისის ხეობაში - გარდაცვლილია მეთერთმეტე კლასის მოსწავლე

უბედური შემთხვევა მოხდა პანკისის ხეობაში - გარდაცვლილია მეთერთმეტე კლასის მოსწავლე.შემთხვევა სოფელ ომალოში მოხდა. ადგილობრივების ინფორმაციით, მეთერთმეტე კლასელი ბიჭი სოფლის სპორტულ დარბაზში შეუძლოდ გახდა, რის შემდეგაც ის საავადმყოფოში გადაიყვანეს.ექიმებმა არასრულწლოვანის გადარჩენა ვერ შეძლეს.სოფელში ამტკიცებენ, რომ მოზარდმა ენერგეტიკული სასმელი დალია და სპორტულ დარბაზში ფიზიკური დატვირთვა ვერ აიტანა.რა გახდა მოსწავლის გარდაცვალების რეალური მიზეზი, გამოძიება დაადგენს.

1743437746

კახეთში, 6 წლის ბავშვი სასტუმროს წყალსაცავში დაიხრჩო

კახეთში, ერთ-ერთ საგანმანათლებლო ცენტრში უბედური შემთხვევა მოხდა. 6 წლის ბიჭი სასტუმროს ტერიტორიაზე არსებულ წყალსაცავში ჩავარდა და დაიღუპა. ცენტრში, სადაც შემთხვევა მოხდა, ბოლო დღეების განმავლობაში პედაგოგიკის საერთაშორისო კონფერენცია მიმდინარეობდა, რომელსაც რამდენიმე ათეული სტუმარი ესწრებოდა. მათ შორის იყვნენ პედაგოგები, ფსიქოლოგები და სკოლების ხელმძღვანელები სხვადასხვა ქვეყნიდან.ცენტრის გაფრთხილების მიუხედავად, ერთ-ერთი მონაწილე უცხოეთიდან, კონფერენციაზე მცირეწლოვან შვილთან ერთად ჩამოვიდა. კონფერენციის მსვლელობის დროს ბავშვი უმეთვალყურეოდ დარჩა და სასტუმროს ტერიტორიაზე არსებულ წყალსაცავში ჩავარდა.ცენტრის თანამშრომლებმა ყველაფერი გააკეთეს, მაგრამ სამწუხაროდ, ბავშვის გადარჩენა ვერ მოხერხდა. კონფერენციამ მუშაობა შეწყვიტა.კონფერენციის ყველა მონაწილე მომხდარის გამო ღრმა მწუხარებას გამოთქვამს.

1743280709

სამი მცირეწლოვანი შვილი დარჩა - თელავში, ავარიის დროს დაშავებული 28 წლის ახალგაზრდა გარდაიცვალა

თვე-ნახევრის მანძილზე კომატოზურ მდგომარეობაში მყოფი, 28 წლის თელაველი სამხედრო გარდაიცვალა.თელავის ეროვნული გვარდიის მე-20 ბრიგადის თანამშრომელი ჯემალ ბეგლარიშვილი მძიმე ავარიის შემდეგ, თელავის რეფერალურ საავადმყოფოს რეანიმაციაში ხელოვნურად კომატოზური მდგომარეობაში იმყოფებოდა.შემთხვევის შემდეგ, სამხედროს დაემტვრა სახის ძვლები, მიღებული ტრავმის გამო, დაუზიანდა თავის ტვინი.საზოგადოების ფინანსური დახმარებით, ჯემალ ბეგლარიშვილს ერთი კვირის წინ, რთული ოპერაცია ჩაუტარეს, თუმცა მისი გადარჩენა ვერ მოხერხდა.ახალგაზრდა მამაკაცს სამი მცირეწლოვანი შვილი დარჩა. ავტოსაგზაო შემთხვევა, ქალაქ თელავში, მშვიდობის ქუჩაზე, 17 თებერვალს მოხდა.

1742214166

სოფელ ჩუმლაყში, წმინდა გიორგის სახელობის ეკლესია გაქურდეს

სოფელ ჩუმლაყში წმინდა გიორგის სახელობის ეკლესია გაქურდეს. გურჯაანის მუნიციპალიტეტის სოფელ ჩუმლაყში წმინდა გიორგის სახელობის ეკლესიიდან მოსახლეობის მიერ გაღებული შესაწირი, უკვე მეორედ მოიპარეს.ჯერჯერობით დაუდგენელმა პირებმა ეკლესიაში წირვა- ლოცვის შემდეგ შეაღწიეს. ეკლესიის სტიქაროსანი უჩა ქემაშვილი ამბობს, რომ მომხდარის შესახებ პოლიციას აცნობა.,,გუშინწინ, შაბათს ამ ეკლესიაში ჩატარდა წირვა-ლოცვა, რის შემდეგაც სასულიერო პირებმა მიცვალებულთა მოხსენიების პანაშვიდი გადაიხადეს, საკმაოდ ბევრი ხალხი იყო ტაძარში მოსული და იფიქრეს შესაწირიც ბევრი იქნებოდა. ტაძრის შესაწირი ორივე ყუთი მოგლეჯილია და თანხაა წაღებული“,- ამბობს ქემაშვილი.ჩუმლაყის წმინდა გიორგის სახელობის ეკლესია უკვე მეორედ გაქურდეს.პირველი შემთხვევის დროს, დაუდგენელმა პირებმა ხატები და საეკლესიო ნივთებიც დააზიანეს.

1742068753

ვირუსული ინფექციის გართულებით, სიღნაღში 13 წლის გოგონა გარდაიცვალა

ვირუსული ინფექციის შემდგომი გართულებით, სიღნაღში 13 წლის გოგონა გარდაიცვალა.სოფელ ჯუგაანში მცხოვრები, მეშვიდე კლასის მოსწავლე ანი კიკილაშვილი წნორის "არქიმედეს" კლინიკაში შოკურ მდგომარეობაში შეიყვანეს.კლინიკის დირექტორის, ოთარ რუაძის განმარტებით, მანამდე მოზარდს ექიმის კონსულტაცია არ გაუვლია." ჩვენთან შემოიყვანეს შოკურ მდგომარეობაში. დედის ინფორმაციით, ჰქონდა მაღალი ტემპერატურა და ვირუსისთვის დამახასიათებელი ყველა სიმპტომი, თუმცა ექიმისათვის არ მიუმართავთ. ჩვენთან შემოყვანილი უკვე მძიმე იყო და განხორციელდა რეფერალი თბილისში, თუ არ ვცდები, ინგოროყვას კლინიკაში. სავარაუდოდ, ეს იყო H1N1 ვირუსით გამოწვეული გართულება, თუმცა ალბათ მიმღებ საავადმყოფოში, უფრო დააზუსტებდნენ "- განაცხადა რუაძემ.გარდაცვლილი გოგონა, საავადმყოფოდან უკვე სახლში, სოფელ ჯუგაანშია გადასვენებული.