fbpx
19:50 | 2020-10-21 ავტორი: მირიან ბოქოლიშვილი

ზუგდიდში განვითარებულ მოვლენებს საერთაშორისო მედია ეხმაურება

ზუგდიდში განვითარებულ მოვლენებს საერთაშორისო მედია ეხმაურება

ამ წუთებში ზუგდიდის ცენტრში განვითარებულ მოვლენებს უცხოური მედია ეხმაურება.

 

„საქართველოში, ყოფილ საბჭოთა ქვეყანაში შეიარაღებულმა თავდამსხმელმა ბანკში რამდენიმე ადამიანი მძევლად აიყვანა“, – იუწყება ABC news. 

 

აღნიშნული მედიასაშულება წერს, რომ ერთ-ერთი მძევალი „მთავარ არხს“ დაუკავშირდა და თავდამსხმელის მოთხოვნა – 500 000 დოლარის გადაცემა, გააცნო.

 

ფაქტს სხვა მედიასაშაულებებთან ერთად ეხმაურება გამოცემა Thestar.com-ც, რომელიც საქართველოს შინაგან საქმეთა სამინისტროზე დაყრდნობით იუწყება, რომ ამ წუთებში თავდამსხმელის განიარაღების ღონისძიება მიმდინარეობს.

 

Associated Press-ზე დაყრდნობით მომხდარის შესახებ ინფორმაციას ავრცელებს US.news-იც, სადაც აღნიშნულია, რომ თავდამსხმელმა ბანკში 19 ადამიანი აიყვანა მძევლად და გამოსასყიდის სახით 500 000 დოლარს ითხოვს. გამოცემა იქვე აღნიშნავს, რომ ბოროტმოქმედი ხელყუმბარებით არის აღჭურვილი.

 

 

ავტორი: მირიან ბოქოლიშვილი

0
კომენტარი - +

სხვა სიახლეები

X