11:37 | 2020-09-22 ავტორი: მირანდა ტყემალაძე

ვცდილობ ნერვებს არ ავყვე, დიდი ხანი დამჭირდება ფსიქიკის მოსაწესრიგებლად – თეონა ცხომელიძე

ვცდილობ ნერვებს არ ავყვე, დიდი ხანი დამჭირდება ფსიქიკის მოსაწესრიგებლად – თეონა ცხომელიძე

კოვიდინფიცირებული ჟურნალისტი, თეონა ცხომელიძე ჯანმრთელობის მდგომარეობის შესახებ ახალ ინფორმაციას ავრცელებს.

 

„აღარ მინდოდა წერა ჩემს ამბებზე, მაგრამ თურმე იმდენი ადამიანი ელოდება და მკითხულობს, სად დაიკარგე, რატომ არ წერო… ამიტომ მოგიყვებით რა ხდება კორონას მეორე, არანაკლებ მძიმე ეტაპზე.

 

#კოვიდინფიცირებული დღე 12

 

დღეს რომ გავიღვიძე და ისევ ამ კედლებში ვიყავი, ყვირილი მომინდა. კოვიდინფიცირებულების კარანტინში ვრჩები და ვცდილობ, ძალიან ვცდილობ ნერვებს არ ავყვე, მაგრამ რთულია. არანაირი სიმპტომი აღარ მაქვს და ოთახიდან ვერ გავდივარ. ვგრძნობ, როგორ ვსუსტდები ამ უმოძრაობისგან. თავს ვგრძნობ რადიაციულ ცხოველად. დღეში სამჯერ შეფუთული ადამიანი აკაკუნებს და საკვებს მაწვდის – ესაა მთელი ჩემი ურთიერთობა გარესამყაროსთან. ალბათ ძალიან დიდი ხანი დამჭირდება ფსიქიკის მოსაწესრიგებლად, შეუძლებელია ამ ყველაფერში მოხვდე და მენატლურად ჯანმრთელი დარჩე.

 

​საქართველოში კორონავირუსის 218 ახალი შემთხვევა გამოვლინდა
2020-09-22​საქართველოში კორონავირუსის 218 ახალი შემთხვევა გამოვლინდა

 

ამდენი დრო უსაქმურობისთვის არასდროს მქონია. 3 წიგნი წავიკითხე, 15 ფილმს ვუყურე და თვალები მტკივა უკვე. აღმოვაჩინე აზერბაიჯანული არხი სადაც ეთერში ქორწილის ჩანაწერებს უშვებენ და რუსული, სადაც ექსტრასენსი ზის პირდაპირ ეთერში და მაყურებლებს მკითხაობს, ჯადოს ხსნის-უკეთებს, მოკლედ შელოცვამდე გავუძელი.

 

სასტუმრო სავსეა ჩემნაირებით, მაგრამ ისეთი სიჩუმეა თითქოს მარტო ვარ. მგონია რომ
ჯეკ ნიკოლსონმა უნდა მომიკაკუნოს ნაჯახით, თუმცა კაკუნი საჭირო არაა, აქ არცერთი კარი არ იკეტება. იმაზე რომ სხვა ადამიანებიც არიან, მხოლოდ კარებთან დატოვებული ნაგვის პარკები მიანიშნებს.

 

სავარაუდოდ, ხვალ გამიკეთებენ ტესტს, ორჯერ უნდა მოვიდეს უარყოფითი პასუხი, რის შემდეგაც გამომიშვებენ. წარმოდგენა არ მაქვს, რა დრო დასჭირდება. დიმოს რომ ველაპარაკე გუშინ, მთხოვა, არ იტიროო, აქეთ მაწყნარებს თვითიზოლაციაში გამოკეტილი 10 წლის ბავშვი“, – წერს ცხომელიძე.

 

შეგახსენებთ, „რუსთავი 2-ის“ ეთერში, 4 სექტემბერს, გადაცემაში ინფიცირებული თაკო ჩარკვიანი იმყოფებოდა, რომელსაც თეონა ცხომელიძესთან ჰქონდა შეხება.

 

ჟურნალისტს 11 სექტემბერს PCR ტესტით ვირუსი დაუდასტურდა. რის შემდეგად, ტელეკომპანიის ყველა იმ თანამშრომელს ჩაუტარდა ტესტი, რომლებსაც ცხომელიძესთან შეხება ჰქონდა, თუმცა მათ ვირუსი არ დაუდასტურდათ.

ავტორი: მირანდა ტყემალაძე

0
კომენტარი - +

სხვა სიახლეები