fbpx
21:57 | 2020-10-06 ავტორი: სალომე ნეფარიძე

ვის ადებს ხელს საბედისწერო წვეულების იუბილარი – გაბეჩავას ჩვენება, რომელიც მან სასამართლოს მისცა

ვის ადებს ხელს საბედისწერო წვეულების იუბილარი – გაბეჩავას ჩვენება, რომელიც მან სასამართლოს მისცა

საბედისწერო წვეულების იუბილარმა ანა გებაჩავამ დახურულ სასამართლო სხდომაზე გაიხსენა ვინ ვის ურტყამდა 18 ივნისის ღამეს და როგორ დაიწყო დაპირისპირება საბურთალოელებსა და ნახალოვკელებს შორის.

 

VIDEO: შაქარაშვილის საქმე – გასაჯაროვდა ჩანაწერი, რომელსაც წვეულებაზე ნახალოვკელების გაღიზიანება მოჰყვა
2020-10-06VIDEO: შაქარაშვილის საქმე – გასაჯაროვდა ჩანაწერი, რომელსაც წვეულებაზე ნახალოვკელების გაღიზიანება მოჰყვა

 

სასამართლო სხდომაზე მიცემულ ჩვენებას „ტვ პირველი“ ავრცელებს.

 

„წვეულება კარგად მიდიოდა სანამ საბურთალოელები მოვიდოდნენ. არაფერი არ არეულა, ყველაფერი კარგად იყო, ვერთობოდით და როდესაც საბურთალოელები მოვიდნენ, ერთ-ერთ მათგანს, კოკო ღიბრაძეს, თითქოს, ვიღაცამ მიაყენა შეურაცხყოფა – დიჯეით მიმართა, ეგ არ ესიამოვნათ და მაგის შემდეგ დაძაბულობა იყო ნახალოვკელებსა და საბურთალოელებს შორის.

 

ეს მოხდა დაახლოებით 6-7 საათისკენ, როდესაც საბურთალოელები მოვიდნენ და ჩხუბი დაიწყო 4 საათის შემდეგ“,- ამბობს გაბეჩავა.

 

გებეჩავამ სხდომაზე ნარეკვავში მომხდარი სისხლიანი გარჩევა გაიხსენა და თქვა, რომ არასრულწლოვან ნ.ხ -ს თავში ქვები ურტყეს.

 

„როდესაც გავედი, კიბესთან იდგნენ ნიკა ხეჩოშვილი და საბა ჩხარტიშვილი. დავინახე როგორ ჩაარტყა ქვა საბა ჩხარტიშვილმა ნიკა ხეჩოშვილს, და ასევე საბა გოგშელიძე. ამის შემდეგ წაქაძე ირაკლი და ხოჯევანიშვილი ნიკა სცემდნენ ნიკა ხეჩოშვილს. ეს იყო პირველი ჩხუბი, კიბის ეპიზოდი და უკვე შემდეგ ქვემოთ იწყებენ ჩხუბს. ასევე ვნახე ვახო ჩიქოვანი ძალიან ნაცემი. თავის არეში ჰქონდა დაზიანებები, ასევე, თუ სწორად მახსოვს მაიკა ჰქონდა შემოხეული“, – ამბობს ანა გებეჩავა.

 

იხილეთ ვიდეო : შაქარაშვილის საქმე – მუსიკა, რომლის გამოც დაპირისპირება დაიწყო

ავტორი: სალომე ნეფარიძე

0
კომენტარი - +

სხვა სიახლეები

X