fbpx
18:40 | 2020-03-17 ავტორი: რუსა ღვანიძე

ვინც ამ სიტუაციას არ აღიქვამდა სერიოზულად, ლანძღავდა ამ საოცარ თავდადებულ ხალხს! – ანიტა რაჭველიშვილი ქართველ მედპერსონალს მადლობას უხდის

ვინც ამ სიტუაციას არ აღიქვამდა სერიოზულად, ლანძღავდა ამ საოცარ თავდადებულ ხალხს! – ანიტა რაჭველიშვილი ქართველ მედპერსონალს მადლობას უხდის

გერმანიაში მოღვაწე ქართველი მეცო-სოპრანო ანიტა რაჭველიშვილი, კორონავირუსის პანდემიის გამო, რამდენიმე დღეა საქართველოში დაბრუნებას ვერ ახერხებდა.

 

მომღერალი საქართველოში დაბრუნდა და სოციალურ ქსელში მადლობის პოსტი გამოაქვეყნა:

 

“We are home,all healthy in Self quarantine! Everything is going to be ok! Take care my dear friends and stay home!

 

უკვე სახლში ვართ და ძალიან ბედნიერები ვართ, რომ სამშობლოში დაბრუნება მოვახერხეთ.

 

აეროპორტში შემოწმება იყო ისეთი, როგორიც არც ერთ სხვა ქვეყანაში არ ყოფილა და მეამაყება, რომ ჩვენი ქვეყანა ასე სერიოზულად მოეკიდა ამ საკითხს! გულდასმით ამოწმებდნენ ყველას! ექიმები, აეროპორტის თანამშრომლები და მესაზღვრეები, ყველა ვინც იქ მუშაობდა იყო უკიდურესად გადაღლილი და მაინც არ იშურებდნენ ძალ-ღონეს, რომ მაქსიმალურად გაეკონტროლებინათ სიტუაცია. უზარმაზარი რიგი იყო და ამ რიგში ბევრი ადამიანი, ვინც ამ სიტუაციას არ აღიქვამდა სერიოზულად და ლანძღავდა, ამ საოცარ თავდადებულ ხალხს!

 

ამ მომენტში, მეტი ადამიანობა უნდა გამოვიჩინოთ და ყველას შრომა დავაფასოთ ისე, როგორც არასდროს!

 

თვითიზოლაცია, არის ძალიან მნიშვნელოვანი და ამ რეგულაციის დარღვევა, არის დაუშვებელი!

 

ადამიანები, ვინც ამ სიტუაციაში ცდილობენ მაქსიმალური პროფესიონალიზმით გაუმკლავდნენ ყველაფერს, ჩემთვის არიან გმირები!

 

ძალიან დიდი მადლობა პირველ რიგში Teona Jorbenadze-ს, რომელმაც გვიპატრონა ბოლომდე და გვერდში გვედგა. Nikoloz Rachveli, რომელიც ასევე ზრუნავდა ჩვენს სახლში დაბრუნებაზე.

 

უდიდესი მადლობა დაავადებათა კონტროლის ცენტრს, ამირან გამყრელიძეს და მის პასუხისმგებლიან თანამშრომლებს ნინო მამუკაშვილს და გვანცა გასვიანს! ძალიან დიდი მადლობა ყველას, მოქალაქეობრივი ვალის შესრულებისთვის, პროფესიონალიზმისთვის და უდიდესი პასუხისმგებლობის გრძნობისთვის. თავს გაუფრთხილდით მეგობრებო და ჯანმრთელობას გისურვებთ! ოთო,ანიტა და ჩვენი ოჯახი!ფრენკიტოც რა თქმა უნდა“, – წერს რაჭველიშვილი.

 

შეგახსენებთ, რომ ოპერის მომღერალმა, რამდენიმე დღის წინ სოციალურ ქსელში პოსტი გამოაქვეყნა, სადაც წერს, რომ საკუთარ სამშობლოში დაბრუნება უნდა: „უკვე მერამდენე დღეა სახლში დაბრუნებას ვცდილობთ! აბსოლუტური ქაოსია ევროპის ავიახაზებში. ყველა აუქმებს ახსნა-განმარტების გარეშე და ტელეფონზეც არ პასუხობენ არსად! ხვალინდელ დღეზე სამი სხვადასხვა ფრენა მაქვს აღებული იმ
იმედით რომ ერთი მაინც დაგვაბრუნებს სახლში! ჯანმრთელები ვართ და ჩემს საქართველოში მინდა!“

ავტორი: რუსა ღვანიძე
X