12:55 | 2020-04-04 ავტორი: სალომე ნეფარიძე

ვინ არის საქართველოში კორონავირუსის პირველი მსხვერპლი

ვინ არის საქართველოში კორონავირუსის პირველი მსხვერპლი

საქართველოში კორონავირუსით გარდაცვალების პირველი შემთხვევა დაფიქსირდა. გარდაცვლილი 79 წლის ქალია, რომელიც ე.წ. მარნეულის კლასტერიდან იყო. ამის შესახებ პირველი საუნივერსიტეტო კლინიკის დირექტორმა, ლევან რატიანმა განაცხადა.

 

მისივე თქმით, პაციენტი კლინიკაში 31 მარტს შეიყვანეს და მას თანმხლები მძიმე დაავადებები ჰქონდა.

 

„31 მარტს ჩვენს კლინიკაში შემოყვანილი იქნა კრიტიკული მედიცინის დეპარტამენტში კრიტიკული პაციენტი, 79 წლის, რომელთანაც დადასტურებული იყო კოვიდ ინფექცია. ასევე მინდა გითხრათ ამ პაციენტის შესახებ, რომ მისი ანამნეზის მიხედვით, დაფიქსირებული იყო ბოლო 6 თვის განმავლობაშია მკვეთრი წონის დეფიციტი, ჩატარებული კლინიკური კვლევების შედეგად, გამოვლინდა ორმხრივი პნევმონია, ასევე დადასტურდა პნევმოთორაქსი, მწვავე რესპირატორული დისტრესი.

 

შემოყვანისთანავე დადასტურდა მწვავე სეფსისი ჰემოდინამიკის რღვევით. ამ კვლევების შემდეგ, პაციენტი მოთავსდა რეანიმაციულ განყოფილებაში, დაწყებული იქნა სიმპტომური და პათოგენეზური მკურნალობა, მაგრამ ჩატარებული ღონისძიებები ამ ეტაპზე აღმოჩნდა უეფექტო. მისი სომატური პათოლოგიებიდან გამომდინარე დღეს დილით 9 საათზე, სამწუხაროდ, დაფიქსირდა ლეტალობა,“ – განაცხადა ლევან რატიანმა.

 

ამავე თემაზე:               

 

კორონავირუსის პირველი მსხვერპლი საქართველოში
2020-04-04კორონავირუსის პირველი მსხვერპლი საქართველოში
ავტორი: სალომე ნეფარიძე

0
კომენტარი - +

სხვა სიახლეები