fbpx
16:52 | 2020-09-29 ავტორი: თამარ ბუჩუკური

უპრეცედენტო გადაწყვეტილება ფსიქიატრიულში მყოფი 14 წლის ლუკას საქმეზე

უპრეცედენტო გადაწყვეტილება ფსიქიატრიულში მყოფი 14 წლის ლუკას საქმეზე

ორგანიზაცია „პარტნიორობა ადამიანის უფლებებისთვის“ განცხადებას ავრცელებს, სადაც ნათქვამია, რომ დღეს სასამართლოს მიერ მიღებული გადაწყვეტილების შემდეგ 14 წლის ლუკა ფსიქიატრიულ საავადმყოფოს დატოვებს.

 

სასამართლომ დააკმაყოფილა ლუკას დედის მოთხოვნა და ბავშვისთვის ადეკვატური სარეაბილიტაციო სერვისის შექმნამდე ყოველ დღე, 12 საათის განმავლობაში მთავრობას ორი პერსონალური დამხმარის უზრუნველყოფა დაავალა.

 

PHR-ის შეფასებით, სასამართლოს გადაწყვეტილება წარმოადგენს დღემდე უპრეცედენტო შემთხვევას და შეზღუდული შესაძლებლობის მქონე ბავშვისთვის მართლმსაჯულების ხელმისაწვდომობის, სიცოცხლის, უსაფრთხოების და თანასწორობის უფლების, თემში ცხოვრების შესაძლებლობის დაცვის მაგალითს.

 

ორგანიზაციის განცხადებით, ლუკა, 14 წლის ბავშვი, ფსიქიატრიულ საავადმყოფოში 2020 წლის 28 აგვისტოდან იმყოფება.

 

„პრაიმტაიმში“ გამოქვეყნებული სტატიის შემდეგ ყოფილმა მაღალჩინოსანმა ცოლს პროსტიტუციაში დასდო ბრალი და პოლიციაში უჩივლა
2020-09-03„პრაიმტაიმში“ გამოქვეყნებული სტატიის შემდეგ ყოფილმა მაღალჩინოსანმა ცოლს პროსტიტუციაში დასდო ბრალი და პოლიციაში უჩივლა

 

„ლუკას გამოკეტვის ერთადერთი მიზეზი საავადმყოფოს გარეთ, თემში, ადეკვატური სერვისის არქონაა. ამ სარეაბილიტაციო სერვისის გარეშე ლუკას ოჯახი ვერ იცავდა ბავშვის უსაფრთხოებას და სიცოცხლეს, შესაბამისად, იძულებული გახდა, სასწრაფო დახმარება გამოეძახა მის გადასარჩენად, რომელმაც იგი ფსიქიატრიულ საავადმყოფოში გადაიყვანა, ვინაიდან არ მოიძებნა მისთვის სხვა ალტერნატიული სერვისი მთელ საქართველოში.

 

ლუკა ფსიქიატრიულ საავადმყოფოში განიცდიდა იზოლაციით და ოჯახისგან იძულებით დაშორებით გამოწვეულ ტანჯვას და უარს ამბობდა დედის გარეშე კვებაზე. დედა, ყველა უწყებას სთხოვდა დახმარებას ბავშვის გამოყვანაში და უარის მიღების შედეგად, იძულებული გახდა, მიემართა სასამართლოსთვის.

 

სასამართლომ გაითვალისწინა ოჯახის და PHR-ის ადვოკატების მოთხოვნა: ლუკასთვის ადეკვატური სარეაბილიტაიცო სერვისის შექმნამდე, მთავრობას დაავალა, ოჯახისთვის გამოეყოთ ორი პერსონალური ასისტენტი, თერაპიული კვალიფიკაციით, 12 საათის განმავლობაში, უქმე დღეების ჩათვლით.

 

სწორედ ამ დახმარების საფუძველზე შეძლებს ლუკა უახლოეს პერიოდში ფსიქიატრიული საავადმყოფოს დატოვებას და ოჯახში დაბრუნებას.“ – ნათქვამია განცხადებაში.

ავტორი: თამარ ბუჩუკური

0
კომენტარი - +

X