10:19 | 2020-08-24 ავტორი: Prime Time

თერჯოლაში 11 წლის ბავშვის გარდაცვალების საქმეზე მამა დააკავეს

თერჯოლაში 11 წლის ბავშვის გარდაცვალების საქმეზე  მამა დააკავეს

11 წლის ბავშვის თვითმკვლელობამდე მიყვანის ბრალდებით რაჭაში ერთი პირი დააკავეს. ინფომრაციას ამის შესახებ შინაგან საქმეთა სამინისტრო ავრცელებს.

 

როგორც განცხადებაშია აღნიშნული, დაკავებული შვილზე სისტემატიურად ძალადობდა, რამაც, სავარაუდოდ, არასროლწლოვნის თვითმკვლელობა გამოიწვია.

 

„შინაგან საქმეთა სამინისტროს იმერეთი, რაჭა-ლეჩხუმისა და ქვემო სვანეთის პოლიციის დეპარტამენტის თანამშრომლებმა ოჯახური დანაშაულის ნიშნით ჩადენილ თვითმკვლელობამდე მიყვანის ბრალდებით იმერეთში 1 პირი – 1971 წელს დაბადებული ფ.ა. დააკავეს.

 

გამოძიებით დადგინდა, რომ თერჯოლის მუნიციპალიტეტის ერთ-ერთ სოფელში, მიმდინარე წლის 23 აგვისტოს, საკუთარ საცხოვრებელ სახლში 2009 წელს დაბადებული ა.ა. გარდაცვლილი იპოვეს. მომხდარ ფაქტზე ჩატარებული საგამოძიებო ღონისძიებებით, გაირკვა რომ ბრალდებული მის არასრულწლოვან შვილზე სისტემატურად ძალადობდა, რამაც სავარაუდოდ არასრულწლოვანის თვითმკვლელობა გამოიწვია. მომხდარ ფაქტთან დაკავშირებით მიმდინარეობს გამოძიება, დანიშნულია შესაბამისი ექსპერტიზები.

 

ოჯახური ნიშნით ჩადენილ თვითმკვლელობამდე მიყვანის ფაქტზე გამოძიება სისხლის სამართლის კოდექსის 11 პრიმა 115 მუხლის პირველი ნაწილი მიმდინარეობს“,- ნათქვამია შსს-ის მიერ გავრცელებულ განცხადებაში.

ავტორი: Prime Time

X