09:47 | 2020-07-23 ავტორი: Prime Time

არ არის სიმართლე, რომ ბაჩალიაშვილის ოჯახს ყინული არ გადავეცით – ექსპერტიზის ბიურო

არ არის სიმართლე, რომ ბაჩალიაშვილის ოჯახს ყინული არ გადავეცით – ექსპერტიზის ბიურო

ექსპერტიზა ჩაატარეს ექსპერტიზის ეროვნული ბიუროს ექსპერტებმა და მას ესწრებოდა თამარ ბაჩალიაშვილის ოჯახის მიერ წარდგენილი პირი – ამის შესახებ ლევან სამხარაულის სახელობის სასამართლო ექსპერტიზის ბიუროს განცხადებაშია ნათქვამი.

 

ბიურო თამარ ბაჩალიაშვილის ​ექსპერტიზის და მისი გადასვენების პროცედურებს სპეციალური განცხადებით განმარტავს.

 

„სსიპ ლევან სამხარაულის სახელობის სასამართლო ექსპერტიზის ბიურო უპირველეს ყოვლისა, გამოვთქვამთ მწუხარებას თამარ ბაჩალიაშვილის გარდაცვალების გამო და ვუსამძიმრებთ ოჯახს.

Exclusive: ვისთვის ვმუშაობდით მე და თამარი, კონფიდენციალურია - ბაჩალიაშვილის თანამშრომელი გარდაცვლილი პროგრამისტის საქმიანობაზე
2020-07-22Exclusive: ვისთვის ვმუშაობდით მე და თამარი, კონფიდენციალურია - ბაჩალიაშვილის თანამშრომელი გარდაცვლილი პროგრამისტის საქმიანობაზე

 

ექსპერტიზის ეროვნული ბიურო განმარტავს, რომ ბიუროს სამედიცინო ექსპერტიზის დეპარტამენტში ამ დრომდე მიმდინარეობდა გვამის სასამართლო-სამედიცინო ექსპერტიზა და ამჟამად დასრულებულია. ექსპერტიზა ჩაატარა ექსპერტიზის ეროვნული ბიუროს ექსპერტებმა და ესწრებოდა ოჯახის მიერ წარდგენილი პირი“, – აღნიშნულია ექსპერტიზის ბიუროს განცხადებაში.

 

მათივე ცნობით, ამ მომენტისთვის ბიურო მზად არის, ოჯახს გადასცეს გარდაცვლილის ცხედარი.

 

„სიმართლეს არ შეესაბამება გავრცელებული ინფორმაცია, რომ თითქოს ბიუროს გარდაცვლილის ახლობლებმა მოსთხოვეს ყინული და მათ ბიუროს მხრიდან ეთქვათ უარი. ასეთი შინაარსის კომუნიკაცია ბიუროს ექსპერტებსა და ოჯახის წარმომადგენლებს შორის არ შემდგარა.

 

აქვე განვმარტავთ, რომ ექსპერტიზის ეროვნული ბიუროს სამედიცინო ექსპერტიზის დეპარტამენტს აქვს სპეციალური, შესაბამისი დანადგარები, რომლებშიც ხდება გვამის განთავსება იმ დრომდე, ვიდრე ოჯახის წევრების მიერ არ მიიღება გადაწყვეტილება გარდაცვლილის გადასვენების შესახებ.

მეზობელი შეხვედრია... უხუმრიათ კიდეც - ბაჩალიაშვილის მამა შვილის დაკარგვის დღეს იხსენებს
2020-07-22მეზობელი შეხვედრია... უხუმრიათ კიდეც - ბაჩალიაშვილის მამა შვილის დაკარგვის დღეს იხსენებს

 

პროცედურა არაერთხელ განხორციელებულა ბიუროში. ამ შემთხვევაშიც, რა თქმა უნდა, ბიურო მზად არის, განათავსოს გარდაცვლილის ცხედარი სპეციალურ სივრცეში ოჯახის მხრიდან გადასვენების მზაობის გამოთქმამდე.

 

ბიურო არის საექსპერტო დაწესებულება და არც ამ და არც სხვა შემთხვევაში, საექსპერტო დაწესებულებას არ გამოუყენებია ყინული, ან სხვა რაიმე სახის ე.წ. სარიტუალო აღჭურვილობა“, – აცხადებენ ექსპერტიზის ეროვნულ ბიუროში.

 

ამავე თემაზე:

 

 

 

 

 

 

 

 

 

 

ავტორი: Prime Time

0
კომენტარი - +

სხვა სიახლეები