13:25 | 2021-07-28 ავტორი: მირანდა ტყემალაძე

საშემოდგომო გაწვევა 2 აგვისტოდან დაიწყება

საშემოდგომო გაწვევა 2 აგვისტოდან დაიწყება

სამხედრო სავალდებულო სამსახურში მოქალაქეთა საშემოდგომო გაწვევა, 2021 წლის 2 აგვისტოდან დაიწყება და 2021 წლის 25 დეკემბრამდე გაგრძელდება. შესაბამისი დადგენილება საკანონდებლო მაცნეზე დღეს გამოქვეყნდა, რომელსაც ხელს პრემიერ-მინისტრი, ირაკლი ღარიბაშვილი აწერს.

 


⇒ ვინ მოაწერა ხელი სინამდვილეში ნამახვანში მიწების გაყიდვას – ნახეთ დოკუმენტი 

 

დადგენილების მიხედვით, საქართველოს თავდაცვის სამინისტროს მოთხოვნის შესაბამისად, საქართველოს თავდაცვის ძალებში გასაწვევ მოქალაქეთა მაქსიმალური რაოდენობა 1 400-ით განისაზღვრა, სპეციალურ პენიტენციურ სამსახურში – 684-ით, შსს-ს მოთხოვნის შესაბამისად, უწყებაში სამხედრო სავალდებულო სამსახურს 1 395 მოქალაქე გაივლის, სახელმწიფო დაცვის სპეციალურ სამსახურში კი – 200 მოქალაქე.

 

⇒ კახა კალაძე მიმართვას ავრცელებს

 

სამხედრო სავალდებულო სამსახურში გასაწვევ მოქალაქეთა ასაკი 18-დან 27 წლამდეა და რომლებსაც საქართველოს კანონმდებლობით გათვალისწინებული წესით არ აქვთ სამხედრო სამსახურში გაწვევის გადავადების ან სამხედრო სამსახურში გაწვევისაგან გათავისუფლების მოთხოვნის უფლება.

ავტორი: მირანდა ტყემალაძე


X