20:16 | 2020-05-27 ავტორი: თორნიკე ყაჯრიშვილი

რა მოხდა ბათუმში რეალურად? – შსს კადრებს ავრცელებს

რა მოხდა ბათუმში რეალურად? – შსს კადრებს ავრცელებს

მაღალი საზოგადოებრივი ინტერესიდან გამომდინარე, შინაგან საქმეთა სამინისტრო ასაჯაროებს კადრებს, სადაც ასახულია ხულიგნობის ფაქტი, რის საფუძველზეც, მიმდინარე წლის 7 მაისს, აჭარის პოლიციის დეპარტამენტის თანამშრომლებმა ბათუმში 2 პირი დააკავეს, ხოლო 4 პირს წარედგინა ბრალდება, საქართველოს სისხლის სამართლის კოდექსის 239-ე მუხლით.

 

დაკავებულები ამ დროისთვის წინასწარ პატიმრობაში იმყოფებიან.

 

ბათუმში ათამდე პირია დაკავებული - პროტესტი გრძელდება
2020-05-27ბათუმში ათამდე პირია დაკავებული - პროტესტი გრძელდება

 

შეგახსენებთ, დღეს, დაკავებულების ოჯახის წევრებმა და ახლობლებმა, ბრალდებულების გათავისუფლების მოთხოვნით, ბათუმში საპროტესტო აქცია გამართეს, რომლის მსვლელობისას შეეცადნენ ცენტრალური გზის გადაკეტვას. პოლიციის არაერთი კანონიერი მოთხოვნის მიუხედავად, აქციის მონაწილეებმა განაგრძეს საზოგადოებრივი წესრიგის დარღვევა და ძალადობრივი მეთოდებით შეეცადნენ გზის გადაკეტვას.

 

პოლიციის მიერ, ბათუმში მიმდინარე აქციის დროს, ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (წვრილმანი ხულიგნობა) მუხლებით გათვალისწინებული სამართალდარღვევებისთვის სულ დაკავებულია 30 პირი.

ავტორი: თორნიკე ყაჯრიშვილი

0
კომენატარი - +

მსგავსი სიახლეები

X