fbpx
13:45 | 2020-08-15 ავტორი: ალექსი ქამადაძე

პრემიერ-მინისტრი სამებაში აფხაზეთის შეიარაღებული კონფლიქტის დროს დაღუპული 13 პირის სამოქალაქო პანაშვიდზე იმყოფებოდა

პრემიერ-მინისტრი სამებაში აფხაზეთის შეიარაღებული კონფლიქტის დროს დაღუპული 13 პირის სამოქალაქო პანაშვიდზე იმყოფებოდა

საქართველოს პრემიერ-მინისტრი გიორგი გახარია სამების საკათედრო ტაძარში აფხაზეთის შეიარაღებული კონფლიქტის დროს დაღუპული 13 პირის სამოქალაქო პანაშვიდზე იმყოფებოდა.

 

მთავრობის მეთაურმა მინისტრთა კაბინეტის წევრებთან და თბილისის მერ კახა კალაძესთან ერთად პატივი მიაგო დაღუპულთა ხსოვნას და თითოეული მათგანის ოჯახს კიდევ ერთხელ მიუსამძიმრა.

 

სიმსივნით დაავადებული ქალის დასახმარებლად, თელავში ფოტოგამოფენა მოეწყო
2020-08-15სიმსივნით დაავადებული ქალის დასახმარებლად, თელავში ფოტოგამოფენა მოეწყო

 

გიორგი გახარიამ აღნიშნა, რომ ყველა მათგანმა თავგანწირვის უდიდესი მაგალითი აჩვენა, ისინი გმირები არიან და მნიშვნელოვანია, რომ წლების განმავლობაში მათი საფლავების შესახებ ინფორმაციის არარსებობის შემდეგ, დღეს შესაძლებელი გახდა მათი პატივით დაკრძალვა.

 

პრემიერის შეფასებით, ქართულ-აფხაზური საკოორდინაციო მექანიზმი, უგზო-უკვლოდ დაკარგულთა გადმოსვენების საკითხზე, წლებია, მუშაობს და ეს ძალიან მნიშვნელოვანი პლატფორმაა ამ საკითხის საბოლოოდ გადასაჭრელად, რისთვისაც გიორგი გახარია აფხაზ ძმებს მადლობას უხდის.

 

პრემიერ-მინისტრმა ასევე განსაკუთრებული მადლობა გადაუხადა წითელ ჯვარს, საერთაშორისო პარტნიორებს და ყველას, ვინც აფხაზეთის შეიარაღებული კონფლიქტის დროს დაღუპულთა გადმოსვენების საქმეში თუნდაც მცირედი წვლილი შეიტანა.

 

ინფორმაციას საქართველოს პრემიერ-მინისტრის პრესსამსახური ავრცელებს.

ავტორი: ალექსი ქამადაძე

0
კომენტარი - +

სხვა სიახლეები

X