19:44 | 2020-07-23 ავტორი: თამთა თორდია

პირველადი დათვალიერებით, გარდაცვლილს სხეულზე ძალადობის კვალი არ აღენიშნება – მამუკა ჭელიძე

პირველადი დათვალიერებით, გარდაცვლილს სხეულზე ძალადობის კვალი არ აღენიშნება – მამუკა ჭელიძე

შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორის, მამუკა ჭელიძის განცხადებით, 17 ივლისს თამარ ბაჩალიაშვილმა აფთიაქში შეიძინა გარკვეული მედიკამენტები.

 

როგორც ჭელიძემ ბრიფინგზე განაცხადა, გამოძიების მიერ დგინდება, არის თუ არა აფთიაქში ნაყიდი მედიკამენტები მისი ჩანთიდან ამოღებული წამლების იდენტური.

 

ჭელიძე: ადგილი, სადაც ავტომანქანა კამერამ დააფიქსირა, შემთხვევის ადგილიდან, დაახლოებით, 15 კილომეტრითაა დაშორებული
2020-07-23ჭელიძე: ადგილი, სადაც ავტომანქანა კამერამ დააფიქსირა, შემთხვევის ადგილიდან, დაახლოებით, 15 კილომეტრითაა დაშორებული

 

„პირველადი დათვალიერებით, გარდაცვლილს სხეულზე ძალადობის კვალი არ აღენიშნება. საქმეზე ინტენსიურად მიმდინარეობს საგამოძიებო მოქმედებები, მათ შორის, დადგენილია, რომ 17 ივლისს თამარ ბაჩალიაშვილმა აფთიაქში შეიძინა გარკვეული მედიკამენტები, რაც გამოძიების მიერ დგინდება, არის თუ არა მისი ჩანთიდან ამოღებული მედიკამენტების იდენტური.

 

ამოღებულია ასევე წერილი, სადაც საუბარია ანაბარის გამოყენებაზე, რასთან დაკავშირებითაც გამოთხოვილია ინფორმაცია თამარ ბაჩალიაშვილის საბანკო ანგარიშების შესახებ.

 

ასევე, თამარ ბაჩალიაშვილის სამუშაო ადგილიდან ამოღებულია კომპიუტერული ტექნიკა, გამოიკითხნენ მისი თანამშრომლები, ოჯახის წევრები, გამოთხოვილია ვიდეოკამერის ჩანაწერები,“ – განაცხადა მამუკა ჭელიძემ.

ავტორი: თამთა თორდია

0
კომენტარი - +

სხვა სიახლეები