fbpx
19:52 | 2020-11-08 ავტორი: თამარ ბუჩუკური

პარლამენტში შესვლა პარლამენტში შესვლა კი არ არის, „ქართულ ოცნებაში“ შესვლაა – გიგი უგულავა

პარლამენტში შესვლა პარლამენტში შესვლა კი არ არის, „ქართულ ოცნებაში“ შესვლაა – გიგი უგულავა

„ევროპული საქართველოს“ ერთ-ერთმა ლიდერმა, გიგი უგულავამ რუსთაველის გამზირზე, პარლამენტის წინ საპროტესტო აქციაზე განაცხადა, რომ „პარლამენტში შესვლა პარლამენტში შესვლა კი არ არის, „ქართულ ოცნებაში“ შესვლაა“.

 

„ადამიანებმა, იმიტომ, რომ საკუთარი პროპაგანდისტული არხების ეთერზე დაეწერათ „გარეჯი საქართველოა“, ამისთვის ციხეში ორი ადამიანი დაიჭირეს. მარტო ამისთვის. სად არის ახლა „გარეჯი საქართველოა“, მაგრამ თქვენ არ ხართ საქართველო, თქვენ ხართ იუმორინა, უბედურება, შავი ჭირი, რომელსაც ჩამოირეცხავს ქართველი ხალხი.

 

ეს არის რეჟიმი, რომელმაც გუშინ ორ ადამიანს საკუთარი ძმაკაცის მკვლელობა დააბრალა, რადგან ამ ხალხს აჭამოს და კვებოს თავისი პროპაგანდისტული საშუალებებით. მეგობრებო, სირცხვილია, ვინც ამ პროპაგანდაში ხართ. სირცხვილია, შვილები გყავთ, რას აკეთებთ. გარეჯი მართლაც საქართველოა, სად არის, რატომ აღარ წერია თქვენს ეკრანზე, თუ ეს არჩევნებისთვის არ იყო გამიზნული, თქვენ ხართ აფერისტები.

 

ფეხებზე მკიდია კორონა, გაუმარჯოს მიხეილ სააკაშვილს - აქციაზე კასრები მიიტანეს
2020-11-08ფეხებზე მკიდია კორონა, გაუმარჯოს მიხეილ სააკაშვილს - აქციაზე კასრები მიიტანეს

 

მინდა, ყველა პოლიტპატიმარი გავამხნევო, მალე გათავისუფლდებით მეგობრებო, არ შეშინდეთ და არ შედრკეთ, რადგან ხალხმა გაიღვიძა. დიდი ხანი ითმინა საზოგადოებამ. ჩვენ ვართ კანონმორჩილი, მშვიდობიანი, ვარდების რევოლუციის თაობა, რომელიც სიყალბეს არ მიიღებს არასდროს, რომელიც დიდი ხანი მოითმენს, მაგრამ თუ შედგა ერთობა, ეს ერთობა გადახაზავს ყველაფერს.

 

მეგობრებო, ჩვენ ვიბრძვით ჩვენი თავისუფლებისთვის, ჩვენი დემოკრატიისთვის, მშვიდობისთვის, რადგან ამ ქვეყანაში იყოს კეთილდღეობა. ოპოზიციის ერთობა უმნიშვნელოვანესია დღეს, როგორც არასდროს. ყველას ესმის, რომ ამ პარლამენტში შესვლა პარლამენტში შესვლა კი არ არის, „ქართულ ოცნებაში“ შესვლაა. პირდაპირ კომპარტიაში შესვლაა.

 

ივანიშვილის საქართველო არის ჩრდილოეთ კორეა. დღეს კობახიძე გამოვიდა და დააანონსა, რომ აპირებდა ჩვენი თავების დათვლას. მაშინ მეგობრებო, ხელებაწეულები, როგორც მშვიდობიანი, შეუპოვარი ხალხი, დავენახოთ ამ უბადრუკებს“, – განაცხადა გიგი უგულავამ.

პარლამენტთან ოპოზიციის საპროტესტო აქცია მიმდინარეობს. ლიდერებმა ხელისუფლებას ულტიმატუმი წაუყენეს:

 

31 ოქტომბრის არჩევნების შედეგების არალეგიტიმურად ცნობა, რიგგარეშე არჩევნების ჩატარება და ცენტრალური საარჩევნო კომისიის ხელახალი დაკომპლექტება.

 

ასევე ლიდერებმა იმ მსჯავრდებულების გათავისუფლება მოითხოვეს, რომლებსაც პოლიტპატიმრებად მიიჩნევენ. ამ მოთხოვნების შესასრულებლად მათ ხელისუფლებას დრო საღამოს 8 საათამდე მისცეს.

 

ავტორი: თამარ ბუჩუკური

0
კომენტარი - +

X