fbpx
23:31 | 2020-10-19 ავტორი: Prime Time

ნუ გაიმეტებთ იმ ექიმებს სალანძღავად, ვისი ღირსების დასაცავადაც ყელს გამოღადრავდით ნებისმიერ უცხოელს! – ზურაბ გურული 

ნუ გაიმეტებთ იმ ექიმებს სალანძღავად, ვისი ღირსების დასაცავადაც ყელს გამოღადრავდით ნებისმიერ უცხოელს! – ზურაბ გურული 

პატივცემულო თანამემამულენო. ნუ გაიმეტებთ იმ ექიმებს სალანძღავად, ვისი ღირსების დასაცავად სულ რამდენიმე თვის წინ ყელს გამოღადრავდით ნებისმიერ უცხოელს. ისინი ისევ თქვენი ექიმები არიან და ახლა განსაკუთრებით სჭირდებათ თანადგომა. – ამის შესახებ საკუთარ facebook გვერდზე აშშ-ში მცხოვრები ქართველი ექიმი, ზურაბ გურული წერს.

„ორმხრივი კოვიდ-პნევმონია და ციტოკინური შტორმის ნიშნები“ - ექიმმა ზურაბ გურულმა კორონავირუსი გადაიტანა
2020-10-04„ორმხრივი კოვიდ-პნევმონია და ციტოკინური შტორმის ნიშნები“ - ექიმმა ზურაბ გურულმა კორონავირუსი გადაიტანა

 

მისი თქმით, უმრავლესობა ამ დაავადებას გადაიტანს მხოლოდ მაღალი ტემპერატურით, კუნთების, სახსრებისა და თავის ტკივილით, დიარეით, ზოგადი სისუსტით და მსუბუქი ქოშინით დატვირთვისას.

 

„ნუ მიეცემით პანიკას. აბსოლუტური უმრავლესობა ამ დაავადებას გადაიტანს მხოლოდ მაღალი ტემპერატურით, კუნთების, სახსრებისა და თავის ტკივილით, დიარეით, ზოგადი სისუსტით და მსუბუქი ქოშინით დატვირთვისას.

 

თუ მხოლოდ ეს სიმპტომები გაწუხებთ, ნუ გაიქცევით საავადმყოფოში დასატესტად. ძალიან დიდი ალბათობით კორონა გაქვთ და ტესტის დადებითი პასუხი არაფერს შეცვლის. ქართული ინტერნეტი სავსეა ექიმების რეკომენდაციებით, თუ როგორ უმკურნალოთ გაურთულებელ კორონას სახლში.

 

ამობეჭდეთ და დაურიგეთ იმათ, ვისაც კომპიუტერთან წვდომა არა აქვს. ჩვენი ერთობლივი ამოცანაა, რომ კლინიკები შევინახოთ განსაკუთრებით მძიმე პაციენტებისათვის, რომლებიც აუცილებლად დაიღუპებიან ჰოსპიტალიზაციის გარეშე.

 

ატარეთ ნიღაბი!!! ატარეთ წესიერად! როგორმე მოითმინეთ საჯარო გართობის გარეშე ცოტა ხანი, სანამ სიტუაცია კონტროლს არ დაექვემდებარება. ვისთვისაც გარეთ გასვლა სასიცოცხლოდ მნიშვნელოვანია, აუცილებლად უნდა გავიდეს; ოღონდ უსაფრთხოების წესების მაქსიმალური დაცვით.

 

თუ ამას გავაკეთებთ, ნელნელა ყველა ბიზნესს ავამუშავებთ, რესტორნების ჩათვლით. სასწავლო დაწესებულებებმა როგორმე გადაწყვიტეთ ონლაინ სწავლების მაქსიმალურად ეფექტურად გამოყენების საკითხი. სამედიცინო ინსტიტუტების სტუდენტებს ნუ ატარებთ კოვიდიან კლინიკებში, თუ მათ სპეციალური წვრთვნა და აღჭურვილობა არა აქვთ!

 

გავრცელება უნდა შევაჩეროთ რაც შეიძლება სწრაფად და ამას მარტო ვერავინ შეძლებს“, – წერს ზურაბ გურული.

ავტორი: Prime Time

0
კომენტარი - +

სხვა სიახლეები

X