„ყველანი ძალიან მიყვარხართ!" - ჯიმ კერი Twitter-ს ტოვებს

მას შემდეგ, რაც Twitter-ის მფლობელი ილონ მასკი გახდა, სხვადასხვა ვარსკვლავმა, მათ შორის, შონდა რაიმსმა და ვუპი გოლდბერგმა,  პლატფორმის დატოვება დაუყოვნებლივ გადაწყვიტეს. როგორც ჩანს, მათ რიგებს ახლა უკვე ცნობილი მსახიობი და კომიკოსი ჯიმ კერიც უერთდება. 

„ტვიტერს ვტოვებ, თუმცა, მანამდე ამ ანიმაციას გიზიარებთ, რომელიც ჩემს მეგობართან, ჯიმი ჰეივარდთან ერთად შევქმენი. ის შეიქმნა ჩემი ნახატის მიხედვით, სადაც მოხუცი გიჟი შუქურას მცველია გამოსახული, შტორმში რომ შიშველი დგას, ანგელოზებს ეძახის და თავისი ნათურით ბნელ მოღალატე ღამეში გზის გასაკვლევად მიგვიძღვის. ყველანი ძალიან მიყვარხართ!"- დაწერა კერიმ. 

I’m leaving Twitter, but 1st here’s a cartoon I made with my friend Jimmy Hayward. It’s based on my painting of a crazy old Lighthouse Keeper, standing naked in a storm, summoning the angels and shining his lamp to guide us through a treacherous night. I love you all so much! ;^j pic.twitter.com/Cqmp74A87r

— Jim Carrey (@JimCarrey) November 29, 2022