კარიერა 3 წლის ასაკში დაიწყო... - რა ვიცით გარდაცვლილი მსახიობის შესახებ

26 თებერვალს მსახიობი მიშელ ტრახტენბერგი გარდაიცვალა. იგი ცნობილია სატელევიზიო და კინო როლების ფართო სპექტრით, მათ შორის "ვამპირის მკვლელი ბაფი", ''ევრო ტური'' და "ჭორიკანა". მსახიობი 39 წლის ასაკში გარდაიცვალა.

წყაროების თქმით, მსახიობი დედამ იპოვა One Columbus Place-ში, 51-სართულიან ძვირად ღირებულ კომპლექსში, მანჰეტენის ცენტრალური პარკის სამხრეთ უბანში.

როგორც წყაროები აცხადებენ, მსახიობს ცოტა ხნის წინ ღვიძლის გადანერგვა ჩაუტარდა. გარდაცვალების ზუსტი მიზეზი ამ ეტაპზე უცნობია. 

ნახეთ, როგორი იყო მსახიობის ცხოვრება - მიშელ ტრახტენბერგის ბავშვობა და ადრეული კარიერა

მიშელი დაიბადა 1985 წელს ნიუ-იორკში, ემიგრანტი მშობლების ოჯახში. მამა წარმოშობით გერმანიიდან იყო და მუშაობდა ოპტიკურ ბოჭკოვან ინდუსტრიაში. მსახიობის დედა ლანა არის უკრაინიდან, კერძოდ ოდესიდან. ქალი საბანკო საქმიანობით იყო დაკავებული, მაგრამ უცნობია რა ასაკში გაემგზავრა შეერთებულ შტატებში.

მსახიობის ბებია და ბაბუა ისრაელში ცხოვრობდნენ და ებრაული ფესვები ჰქონდათ.

მიშელი ბავშვობიდან შემოქმედებითი გოგონა იყო და ბალეტს სწავლობდა. ტელევიზიაში პირველად 3 წლის ასაკში გამოჩნდა. შემდეგ მან ითამაშა Wisk-ის სარეცხი საშუალების რეკლამაში. მოგვიანებით მას 100-ზე მეტი სარეკლამო რგოლი ჰქონდა.

9 წლის ასაკში მან ითამაშა ნონა მეკლენბერგის როლი საბავშვო ტელესერიალში „პიტის თავგადასავალი" და პარალელურად მონაწილეობდა სერიალში „ყველა ჩემი შვილი". მას ყოველთვის მხარს უჭერდნენ დედა და უფროსი და ირინე. 

მიშელის კარიერაში ყველაზე საკულტო როლი იყო დონა სამერსის როლი სერიალში "Buffy the Vampire Slayer", რომელიც პოპულარული იყო 2000-იან წლებში. მსახიობი პროექტს სამი წლის განმავლობაში იღებდა.

„ვფიქრობ, ბაფი პოპულარული გახდა, რადგან მისი დებიუტის დროს არ იყო არც ერთი შოუ, რომელიც ქალს აფასებდა, როგორც მთავარ გმირს. ჩარლის ანგელოზების გოგონებიც კი უფრო მიდრეკილნი იყვნენ დემონსტრირებისკენ და შემდეგ ჩხუბისკენ. ბაფი უფრო მიდრეკილია პასუხისმგებლობისკენ", - ამბობდა მიშელი სერიალზე.

2004 წელს მსახიობმა ერთ-ერთი მთავარი როლი შეასრულა ახალგაზრდულ კომედიაში „ევროტური“. 

რამდენიმე წლის შემდეგ მიშელი სერიალ Gossip Girl-ში ჯორჯინა სპარკსად გარდაიქმნა. ამ როლმა მას წარმატებაც მოუტანა.