Dior-ის გაზეთის პრინტიანი კაბა აუქციონზე გაიყიდა

აუქციონის სახლ Bonhams-ში დიორის „გაზეთის კაბა“ , ჯონ გალიანოს 2000 წლის შემოდგომა/ზამთრის კოლექციიდან, 15.300 ფუნტად გაიყიდა. სიახლე აუქციონის სახლის წარმომადგენელმა პრესის გავლენიან გამოცემებს, მათ შორის WWD-ის დაუდასტურა. კაბის საკულტო სტატუსის მიუხედავად, ვარაუდობდნენ, რომ დიორის ეს გახმაურებული მოდელი საწყის ფასად – 800 ფუნტად გაიყიდებოდა.

პოპ-კულტურაში დიორის კაბას კიდევ უფრო მეტი ცნობადობა სარა ჯესიკა პარკერის პერსონაჟმა, ქერი ბრედშოუმ მოუტანა, სერიალიდან – სექსი დიდ ქალაქში.