ვარშავაში გამართული ჩელენჯერის სერიის საერთაშორისო ტურნირი ფიგურულ ციგურაობაში ანასტასია მეტელკინასა და ლუკა ბერულავას წყვილმა მოიგო

ვარშავაში გამართული ჩელენჯერის სერიის საერთაშორისო ტურნირი ფიგურულ ციგურაობაში, ანასტასია მეტელკინასა და ლუკა ბერულავას წყვილმა მოიგო. სპორტულ წყვილებში 14 ქვეყნის 15 წყვილი გამოდიოდა.

ქართველების დუეტმა პოლონეთში ორი პროგრამის ჯამში 202 მთელი სამი ქულით პირველი ადგილი და ოქროს მედალი მოიპოვა, რაც საფრანგეთში გრან პრის ეტაპების ფინალურ ასპარეზობამდე რამდენიმე დღით ადრე, მნიშვნელოვანი შედეგია.