„ქართველებს მხოლოდ მე არ ვუყვარვარ, „ნაპოლიც“ შეუყვარდათ“ - ხვიჩა კვარაცხელია

ხვიჩა კვარაცხელიამ სეზონის დასრულებისა და ტურნირის MVP-ის ჯილდოს ჩაბარების შემდეგ ემოციები ცნობილ იტალიურ DAZN-ს გაუზიარა.

„პირველ რიგში, მინდა მადლობა გადავუხადო თანაგუნდელებს. ამ ჯილდოს მხოლოდ მე არ ვიმსახურებ. მათ გარეშე ამას ვერასდროს მოვიგებდი. ისინი მაძლევდნენ თავდაჯერებულობას, რომ გუნდს მაქსიმალურად მოვრგებოდი.

ქართველი გულშემატკივარი? მათთვის მადლობის მეტი არაფერი მეთქმის. თუმცა, ისინი მხოლოდ იმიტომ არ დამყვებიან ყველგან, რადგან ვუყვარვარ, მათ ყველაზე მეტად გუნდი და ქალაქი შეუყვარდათ. არ ვიცი, როგორ გადავუხადო მათ მადლობა იმ მხარდაჭერისთვის, რომელსაც ისინი ყოველდღიურად იჩენენ ჩემს მიმართ.“ - თქვა ხვიჩა კვარაცხელიამ.