„ამ მძიმე წუთებში ვიზიარებთ თქვენს მწუხარებას" - ილჰამ ალიევი საქართველო-თურქეთის საზღვართან მომხდარ ავიაკატასტროფას გამოეხმაურა

აზერბაიჯანის პრეზიდენტი ილჰამ ალიევი საქართველო-თურქეთის საზღვართან მომხდარ ავიაკატასტროფას გამოეხმაურა.

ადგილობრივი მედიის ცნობით, ილჰამ ალიევმა თურქეთის პრეზიდენტ, რეჯეფ თაიფ ერდოღანს საქართველოს ტერიტორიაზე სამხედრო სატვირთო თვითმფრინავის ჩამოვარდნასთან დაკავშირებით სამძიმარი გამოუცხადა.

"საქართველოს ტერიტორიაზე ავარიის შედეგად სამხედრო მოსამსახურეთა დაღუპვის ამბავმა ჩვენ უკიდურესად შეგვძრა. ამ მძიმე წუთებში ვიზიარებთ თქვენს მწუხარებას," - წერს ილჰამ ალიევი.