გივი მიქანაძე

პოლიტიკა 1711014757

ოპოზიციამ რატომ არ მოაწერა ტექსტს ხელი, რომელიც ჩვენი ქვეყნისთვის უმნიშვნელოვანესია, საბოლოოდ ნიღაბი ჩამოიხსნეს და თქვეს, მათი ინტერესი რა არის - მიქანაძე

მიზანმიმართული მცდელობაა, რომ ოპოზიციამ თავისი სამარცხვინო საქციელი ისრებით ისევ მმართველ პარტიაზე გადაიტანოს და როგორმე, ის მძიმე მდგომარეობა აიცილოს, რომელშიც ისინი გუშინ ჩავარდნენ, როცა რეზოლუციის პროექტს არ დაუჭირეს მხარი, რომელიც ჩვენი ქვეყნისთვის უმნიშვნელოვანეს კომპონენტს ეხებოდა, ქვეყნის ევროინტეგრაციას და ტერიტორიული მთლიანობის მხარდაჭერას – ამის შესახებ „ქართული ოცნების“ წევრმა, გივი მიქანაძემ განაცხადა.მიქანაძის თქმით, ოპოზიციას თავიანთი ქვეყნისთვის გული როგორ შესტკივა, კარგად გამოჩნდა.„ამ სამარცხვინო ლაქას ვერასოდეს ჩამოირეცხნენ. რაც შეეხება ევროპარლამენტარებთან კომუნიკაციას, მათთან დიალოგი იყო; რომ მსგავსი რეზოლუცია მხარდაჭერილი იქნებოდა, თუ ის დაინიცირდებოდა. პოზიციონირება იყო, რომ უნდა მომხდარიყო ასოცირებული ტრიოს წევრების მიერ ამ რეზოლუციის დაინიცირება. მოლდოვის დელეგაციამ ინიციატივას ხელი მოაწერა, უკრაინელებმა თავი შეიკავეს. ჩვენი მეგობრული განწყობის საპასუხოდ მათი მხრიდან ასეთ გადაწყვეტილებებს ვიღებთ. ისინი უნისონში მოქმედებდნენ რადიკალური ოპოზიციის წარმომადგენლებთან ერთად. ქართველმა დეპუტატებმა რეზოლუციას ხელი არ მოაწერეს, რაც იმას ნიშნავს, მათ საკუთარი ქვეყნისთვის სიკეთე არ უნდათ. რატომ არ მოაწერეს ტექსტს ხელი, რომელიც ჩვენი ქვეყნისთვის უმნიშვნელოვანესია? – საბოლოოდ ნიღაბი ჩამოიხსნეს და თქვეს, მათი ინტერესი რა არის“, – განაცხადა მიქანაძემ.„ევრონესტის“ ასამბლეაზე საქართველოს, უკრაინისა და მოლდოვის ევროპულ პერსპექტივაზე რეზოლუციის ინიცირება ვერ მოხერხდა ქართული ოპოზიციისა და უკრაინის დელეგაციის უარის გამო. ოპოზიციიდან დელეგაციაში შედიოდნენ: გიორგი ვაშაძე, გიორგი ბოტკოველი, ანა წითლიძე და თამარ კორძაია.

მამუკა მდინარაძე

პოლიტიკა 1710923335

უკრაინელებმა კვლავ ტყუილი გამოიყენეს არგუმენტად, რომ ევროინტეგრაციის გზაზე საქართველოს, უკრაინის და მოლდოვის მხარდასაჭერი რეზოლუციისთვის მხარი არ დაეჭირათ - მამუკა მდინარაძე

„ქართული ოცნების“ აღმასრულებელი მდივნის, საპარლამენტო უმრავლესობის ლიდერის, მამუკა მდინარაძის განცხადებით, უკრაინელებმა კვლავ ტყუილი გამოიყენეს არგუმენტად, რომ ევროინტეგრაციის გზაზე საქართველოს, უკრაინის და მოლდოვის მხარდასაჭერი რეზოლუციისთვის მხარი არ დაეჭირათ.„წარმოიდგინეთ, რა უხერხულ მდგომარეობაში იგდებენ თავს. არ არსებობს მსოფლიოში მტკიცებულება იმისა, რომ ერთი ფაქტიც კი, მცდელობა იყო, საქართველო გამოყენებულიყო თავის არიდებისათვის, საქართველოს მხრიდან მცდელობაზეა საუბარი. ჯგუფმა, რომელიც სპეციალურად ამ საკითხებზე მუშაობს, თქვა, რომ არც ერთი ასეთი მტკიცებულება და ფაქტი არ დასტურდება, მაგრამ უკრაინელების არგუმენტი აღმოჩნდა ის, რომ მაინც ეს ტყუილი უნდა გამოიყენონ, რომ იმის არგუმენტად, რომ საკუთარი ქვეყნის ევროინტეგრაციის აქტზე, რეზოლუციაზე ხელს არ აწერენ“, - აღნიშნა მდინარაძემ.ქართველი ოპოზიციონერებისა და უკრაინის დელეგაციის უარის გამო, საქართველოს, უკრაინისა და მოლდოვის ევროინტეგრაციის შესახებ რეზოლუციას ევრონესტზე ვერ მიიღებენ.

მამუკა მდინარაძე

პოლიტიკა 1710923258

გვითხრას მაინც რადიკალურმა ოპოზიციამ, რას ავალებენ, ვინ ავალებს, რა პატრონები ჰყავთ ასეთი, რომ ევროპულ რეზოლუციებზეც კი ვერ ბედავენ ხელის მოწერას - მამუკა მდინარაძე

გვითხრას მაინც რადიკალურმა ოპოზიციამ, რას ავალებენ, ვინ ავალებს, რა პატრონები ჰყავთ ასეთი, რომ ევროპულ რეზოლუციებზეც კი ვერ ბედავენ ხელის მოწერას, – ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა.როგორც მამუკა მდინარაძემ აღნიშნა, ევრონესტის საპარლამენტო ასამბლეაში საქართველოს დელეგაციის ხელმძღვანელის, მაკა ბოჭორიშვილის ინიციატივით შემუშავდა საგანგებო რეზოლუციის პროექტი საქართველოს, მოლდოვის და უკრაინის ევროკავშირში გაწევრიანების შესახებ, რაც მიზნად ისახავდა ევრონესტის საპარლამენტო ასამბლეის პლატფორმის გამოყენებას საქართველოს ევროკავშირში გაწევრიანების საკითხის მხარდასაჭერად ევროპარლამენტის მხრიდან.მისივე თქმით, პროექტში ხაზგასმულია სამივე ქვეყნის ევროკავშირში გაწევრიანების მნიშვნელობა და პროცესის დროულად წარმართვის, მათ შორის ევროკავშირში გაწევრების შესახებ მოლაპარაკების დაწყების აუცილებლობა.„პროექტში დაგმობილია რუსეთის აგრესიული ქმედებები უკრაინაში, საქართველოს რეგიონების ოკუპაცია და გამოხატავს ჩვენი ქვეყნის ტერიტორიული მთლიანობისა და სუვერენიტეტის მიმართ მტკიცე მხარდაჭერას.  აღნიშნულ ინიციატივას საპარლამენტო ასამბლეის გუშინდელ სხდომაზე განსახილველად წარდგენისთვის პროცედურის თანახმად, ესაჭიროებოდა საპარლამენტო დელეგაციებიდან ათი დეპუტატის ხელმოწერა. ინიციატივას მხარი დაუჭირა მოლდოვის დელეგაციის სამმა დეპუტატმა, რომლებიც იმყოფებოდნენ ბრიუსელში, უკრაინის დელეგაციის მხრიდან გამოხატული თავდაპირველი მხარდაჭერის მიუხედავად, უკრაინელმა დეპუტატებმა უარი თქვეს რეზოლუციის თანასპონსორობაზე და პროექტის წარსადგენად ხელმოწერაზე. ქართულ დელეგაციაში „ქართული ოცნების“ ხუთი დეპუტატის გარდა, იყვნენ „ნაცმოძრაობის“ და რადიკალური ოპოზიციის წარმომადგენლები, ოთხი წარმომადგენელი იყო, მათ არაერთხელ ეთხოვათ საქართველოს, უკრაინის და მოლდოვის ევროკავშირში გაწევრიანების შესახებ რეზოლუციის პროექტის ინიცირების მხარდაჭერა. მიუხედავად ამისა, ოპოზიციის წარმომადგენლებმა რეზოლუციის პროექტის ინიცირებას ხელი არ მოაწერს“, – განაცხადა მდინარაძემ.მისივე თქმით, „მიუხედავად ოპოზიციის დესტრუქციული ქმედებებისა, ქვეყნის შიგნით თუ გარეთ ეს იყო კიდევ ერთი შესაძლებლობა, საერთაშორისო პარტნიორებისთვის გვეჩვენებინა ევროკავშირში გაწევრიანების საკითხზე ერთიანი პოზიცია, მიუხედავად ჩვენი ასეთი დაპირისპირებისა, რაც როგორც ჩანს, ქართული რადიკალური ოპოზიციის მიზნებში არ ჯდება და ეს როგორც ქართულმა ისე საერთაშორისო საზოგადოებამ უნდა იცოდეს“მისივე თქმით, ოპოზიციას გარკვეული თავის მართლების ეპიზოდები ჰქონდა, ამბობდნენ, რომ არ იცოდნენ, ვერ გაიგეს, რაღაც უნდოდათ ჩაეწერათ თუ არ უნდოდათ ჩაეწერათ.„თქვენ შეგიძლიათ აიღოთ მთლიანი ტექსტი და თავიდან ბოლომდე არის დეკლარირება, თავმოყრა იმ ნარატივისა, რაც არის ყველაზე პროევროპული იქ იყო საუბარი ასევე იმაზე, რომ ერთხელ და სამუდამოდ ევროსტრუქტურებს თავის ვორდინგში შეეტანათ სიტყვა ოკუპაცია საქართველოს ოკუპირებული ტერიტორიებთან მიმართებაში და ა.შ. რეზოლუცია გამოხატავდა სამივე ქვეყნის გაწევრიანების შესახებ ურყევ ნებას და მხარდაჭერას. პარადოქსი იმაში მგდომარეობს, რომ ოთხი ოპოზიციონერი იყო და ორი დეპუტატის ხელმოწერაც კი საკმარისი იყო, რათა ეს რეზოლუცია დაინიცირებული, რაც არ მოხდა მათი უარის გამო.ყოველგვარი ირონიისა და ნიშნის მოგების გარეშე – გვითხრან მაინც რას ავალებენ, ვინ ავალებს რა პატრონები ჰყავთ ასეთი, რომ ვერ ბედავენ ფეხის გადადგმას, ერთი სიტყვის თქმას და ერთ ხელმოწერას ასეთ პროაქტიულ ევროპულ რეზოლუციებზეც კი. მივეხმარებით იმაში, რომ თავი დაიხსნან მათ დავალებების მიღებისგან. წარმოიდგინეთ, ოთხი დეპუტატიდან ორმაც კი ვერ გაბედა იმ რეზოლუციაზე ხელმოწერა, რომელზეც ვერ იტყვიან ვერც ერთ სიტყვას, რატომ არ მოაწერეს ხელი. ათას თავის მართლებას მოიფიქრებენ, ან არ ვიცოდით, ან რაღაც, მაგრამ დარიგებულ ტექსტზეა საუბარი, რომელზეც ასევე დამატებით პირდაპირი კომუნიკაცია ჰქონდა ოპოზიციის წარმომადგენლებთან მაკა ბოჭორიშვილს და მათ ვერ გაბედეს ხელმოწერა. ძალიან სამწუხაროა, რომ უკრაინელებმაც ხელი არ მოაწერეს რეზოლუციას, სადაც საქართველოს გარდა, უკრაინაზეც იყო საუბარი“, – განაცხადა მამუკა მდინარაძემ.„ევრონესტის“ ასამბლეაზე საქართველოს, უკრაინისა და მოლდოვის ევროპულ პერსპექტივაზე რეზოლუციის ინიცირება ვერ მოხერხდა ქართული ოპოზიციისა და უკრაინის დელეგაციის უარის გამო. ოპოზიციიდან დელეგაციაში შედიოდნენ: გიორგი ვაშაძე, გიორგი ბოტკოველი, ანა წითლიძე და თამარ კორძაია.

მეთიუ მილერი

მსოფლიო 1709709633

უკრაინელებს შეუძლიათ ბრძოლის ველზე გამარჯვების მოპოვება - მილერი

სახელმწიფო დეპარტამენტის სპიკერი მეთიუ მილერი აცხადებს, რომ უკრაინელებს შეუძლიათ ბრძოლის ველზე გამარჯვების მოპოვება.„უკრაინელებმა ახლახან ჩაძირეს კიდევ ერთი რუსული გემი შავ ზღვაში. ამიტომ, ვფიქრობ, მათ მარაგში კიდევ აქვთ მოულოდნელობები. ჩვენ მოუთმენლად ველოდებით მათ“, – აღნიშნა მილერმა.მანამდე ცნობილი გახდა, რომ ქერჩში რამდენიმე აფეთქება მოხდა, ხოლო ყირიმის ხიდი რვა საათზე მეტი ხნის განმავლობაში იყო გადაკეტილი.მოგვიანებით გავრცელდა ინფორმაცია, რომ უკრაინის მხრიდან თავდასხმის შედეგად რუსეთის შავი ზღვის ფლოტის საპატრულო გემი ჩაიძირა. ოფიციალური პირების განცხადებით, არიან დაღუპულები და დაჭრილები.

შაჰიდი

მსოფლიო 1708668590

რუსეთმა ღამით უკრაინას 31 "შაჰიდით" და 6 რაკეტით შეუტია - უკრაინის ცნობით, ჩამოაგდეს 23 დრონი

კრაინის საჰაერო ძალები აცხადებენ, რომ გასულ ღამეს რუსებმა უკრაინას 31 "შაჰიდის" ტიპის უპილოტო საფრენი აპარატითა და 6 რაკეტით შეუტიეს. უწყების თქმით, უკრაინელებმა 23 დრონი ჩამოაგდეს."საჰაერო თავდაცვამ გაანადგურა 23 თავდასხმის დრონი ოდესის, მიკოლაევის, პოლტავის, დნიპროპეტროვსკისა და ხარკოვის რეგიონებში", - ნათქვამია განცხადებაში.უკრაინის საჰაერო ძალები ასევე აღნიშნავენ, რომ ოკუპანტებმა დრონები რუსეთის ტერიტორიიდან და დროებით ოკუპირებული ყირიმიდან გაუშვეს. S-300, Kh-22 და Kh-31P ტიპის რაკეტები კი დონეცკიდან.

ვოლნოვახი

მსოფლიო 1708499411

უკრაინელმა სამხედროებმა იერიში მიიტანეს პოლიგონზე, სადაც რუს გენერალს ელოდებოდნენ - BBC

უკრაინის არმიის შეტევის შედეგად სულ მცირე 60 რუსი სამხედრო დაიღუპა დონეცკის ოლქის ოკუპირებულ ნაწილში, ვოლნოვახის რაიონის სოფელ ტრუდოვსკოესთან მდებარე პოლიგონზე. ამის შესახებ BBC-ს რუსული სამსახური იუწყება რამდენიმე ინფორმირებულ წყაროზე დაყრდნობით.უკრაინელებმა პოლიგონს 20 თებერვალს, დღის პირველ ნახევარში დაარტყეს სავარაუდოდ, ზალპური ცეცხლის რეაქტიული სისტემის HIMARS-ის 2 რაკეტით. წყაროთა თანახმად, დარტყმის მომენტში, რუსეთის აღმოსავლეთის სამხედრო ოლქის 29-ე არმიის სარდლის, გენერალ-მაიორ ოლეგ მოისეევის დასახვედრად პოლიგონზე მოწყობილი ჰყავდათ 36-ე მოტომსროლელი ბრიგადის სამხედროები.BBC-ს რუსულ სამსახურს აქვს ერთ-ერთი გადარჩენილი სამხედროს ვიდეოჩანაწერი, რომელშიც ამბობს, რომ „მეთაურებმა ტრიალ მინდორში მოაწყეს“, ასევე პოლიგონზე გადაღებული 10-ზე მეტი სხვა ვიდეოჩანაწერი და ფოტო, რომლებზეც ათეულობით მოკლულია ასახული.უკრაინის შეიარაღებულ ძალებში პოლიგონზე დარტყმის შესახებ ჯერჯერობით არაფერი უთქვამთ.BBC-ს რუსული სამსახური ყურადღებას ამახვილებს, რომ ვოლნოვახის რაიონის სოფელ ტრუდოვსკოესთან მდებარე პოლიგონზე უკრაინელების შეტევიდან რამდენიმე საათში რუსეთის პრეზიდენტს შეხვდა თავდაცვის მინისტრი შოიგუ, რომელმაც პუტინს მოახსენა ავდეევკასა და უკრაინის სხვა რაიონებში რუსეთის არმიის წარმატებების შესახებ.

რაკეტა

მსოფლიო 1708172010

უკრაინელებმა ერთდროულად სამი რუსული თვითმფრინავი ჩამოაგდეს

უკრაინის შეიარაღებულმა ძალებმა დღეს აღმოსავლეთ ფრონტზე ერთდროულად სამი რუსული საბრძოლო თვითმფრინავი გაანადგურეს. ამის შესახებ უკრაინული მედია წერს.უკრაინის სამხედრო-საჰაერო ძალების სარდლის, ნიკოლაი ოლეშუკის ცნობით, უკრაინის ძალებმა ორი გამანადგურებელ-ბომბდამშენი „სუ-34“ და ერთი ავიაგამანადგურებელი „სუ-35“ ჩამოაგდეს.როგორც უკრაინის შეიარაღებული ძალების მთავარსარდალმა ალექსანდრე სირსკიმ განაცხადა, თვითმფრინავები უკრაინულ პოზიციებზე იერიშების დროს ჩამოაგდეს.უკრაინის გენერალური შტაბის ინფორმაციით, 2022 წლის თებერვლის შემდეგ, როდესაც რუსეთმა უკრაინის წინააღმდეგ სრულმასშტაბიანი სამხედრო აგრესია დაიყო, უკრაინის ძალებმა 332 რუსული თვითმფრინავი ჩამოაგდეს.

ცეზარ კუნიკოვი

მსოფლიო 1707898897

უკრაინის გენშტაბის ცნობით, უკრაინელებმა რუსეთის შავი ზღვის ფლოტის დიდი სადესანტო ხომალდი „ცეზარ კუნიკოვი“ გაანადგურეს

უკრაინის შეიარაღებული ძალების გენერალური შტაბის ცნობით, უკრაინელებმა რუსეთის შავი ზღვის ფლოტის დიდი სადესანტო ხომალდი „ცეზარ კუნიკოვი“ გაანადგურეს.„უკრაინის შეიარაღებულმა ძალებმა უკრაინის თავდაცვის სამინისტროს დაზვერვის მთავარი სამმართველოს ქვედანაყოფებთან ერთად გაანადგურეს ოკუპანტების დიდი სადესანტო ხომალდი „ცეზარ კუნიკოვი“, რომელიც უკრაინის ტერიტორიულ წყლებში, ქალაქ ალუპკის მახლობლად იმყოფებოდა“, - აღნიშნავენ უწყებაში.რუსეთის შავი ზღვის ფლოტის ინფორმაციით, „ცეზარ კუნიკოვი“ 112 მეტრის სიგრძის გემია, რომელიც საარტილერიო დანადგარებითაა აღჭურვილი და მისი ეკიპაჟი 87 ადამიანისგან შედგება.

 ჟოზეფ ბორელი

მსოფლიო 1705922954

ღაზაში ჰუმანიტარული ვითარება ამაზე უარესი ვერ იქნებოდა, ამის აღსაწერად სიტყვები არ არსებობს - ბორელი

ღაზაში ჰუმანიტარული ვითარება ამაზე უარესი ვერ იქნებოდა, არ არსებობს სიტყვები იქ შექმნილი სიტუაციის აღსაწერად, – ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა საგარეო საქმეთა მინისტერიალის დაწყების წინ მედიასთან განაცხადა.ბორელის თქმით, ევროკავშირის მინისტერიალზე ასევე მიწვეული არიან ისრაელის, არაბული და მუსლიმური ქვეყნების საგარეო საქმეთა მინისტრები და არაბთა ლიგის გენერალური მდივანი.„ღაზაში ჰუმანიტარული ვითარება ამაზე უარესი ვერ იქნებოდა, არ არსებობს სიტყვები იქ შექმნილი სიტუაციის აღსაწერად, რა დროსაც ასობით ათასი ადამიანი თავშესაფრის, საკვების, მედიკამენტების გარეშეა დარჩენილი ბომბების ქვეშ. ყოველდღე დიდი რაოდენობის მოქალაქეებს კლავენ. რამდენ ხანს უნდა გაგრძელდეს ეს? ეს არის საკითხი, რომელსაც მინისტრები დღეს განიხილავენ, ასე რომ, ეს ძალიან მნიშვნელოვანი შეხვედრაა“, – განაცხადა ბორელმა.ევროკავშირის უმაღლესი წარმომადგენლის თქმით, მშვიდობის დამყარება ახლო აღმოსავლეთში ორი სახელმწიფოს არსებობის პრინციპზეა შესაძლებელი.„ვფიქრობ, ჩვენ უნდა შევწყვიტოთ საუბარი „სამშვიდობო“ პროცესზე და საუბარი უნდა დავიწყოთ უფრო კონკრეტულად „ორი სახელმწიფოს გამოსავლის“ პროცესზე, რადგან შესაძლებელია, არსებობდეს ბევრნაირი მშვიდობა. რა სახის მშვიდობაზე საუბრობთ თქვენ? მოდით, ვისაუბროთ იმაზე, რისი გაკეთება გვსურს. ის, რისი გაკეთებაც გვსურს, არის ორი სახელმწიფოს პრინციპზე დაფუძნებული გამოსავალი, ასე რომ, ვისაუბროთ ამაზე“, – განაცხადა ბორელმა.ბორელის თქმით, მინისტრების შეხვედრის დღის წესრიგში ასევე არის უკრაინის საკითხი.„ის ფაქტი, რომ ჩვენ ჩართული ვართ ახლო აღმოსავლეთში გამოსავლის ძიებაში, არ ნიშნავს, რომ ჩვენ არ ვაგრძელებთ უკრაინის მხარდაჭერას. პირველი, ვისთანაც დღეს საუბარი გვექნება, არის უკრაინის საგარეო საქმეთა მინისტრი და ჩვენ მინისტრებთან განვიხილავთ უკრაინისადმი მხარდაჭერის გაგრძელებას. მოგვიანებით ასევე იქნება თავდაცვის მინისტრების ცალკე შეხვედრა ჩვენი მხარდაჭერის გაძლიერების განსახილველად. ნუ იღელვებთ, უკრაინელებმა არ უნდა იღელვონ, ევროპის მხარდაჭერა ისევ მტკიცედ გრძელდება“, – განაცხადა ბორელმა.

ლუცენკო

ომი უკრაინაში 1704647271

უკრაინის ყოფილი გენერალური პროკურორის თქმით, ქვეყანა ომში ყოველთვიურად 30 ათას ადამიანს კარგავს

უკრაინელმა პოლიტიკოსმა იური ლუცენკომ პრეზიდენტ ვოლოდიმირ ზელენსკის, თავდაცვის მინისტრ რუსტემ უმეროვსა და მთავარსარდალ ვალერი ზალუჟნის ომში დაღუპული უკრაინელების რიცხვის გაჟღერებისკენ მოუწოდა. ამის შესახებ მან ერთ-ერთი ტელეკომპანიის ეთერში განაცხადა.„ეს სამი თანამდებობის პირი, რომლებიც აწარმოებენ ომს, უნდა გამოვიდნენ უკრაინელების წინაშე და თქვან, რომ კანონი მობილიზაციის შესახებ არ გვჭირდება. ამასთან, მათ უნდა დაასახელონ დაღუპულთა რიცხვი. ვიცი, როგორ არ უნდათ ამის გაკეთება, ვიცი რომ ამას ძალიან მძიმედ მიიღებენ.უნდა თქვან, რომ თუ იმ 500 ათას დაღუპულს, რომლებზეც ახლა საუბრობენ, გავყოფთ თვეების რაოდენობაზე, თვეში 30 ათასს მივიღებთ. და მაშინ დაახლოებით მივხვდებით, რა ხდება ფრონტზე. საუბარია დაღუპულებსა და მძიმედ დაჭრილებზე. ხალხს სიმართლე უნდა უთხრან. დარწმუნებული ვარ, უკრაინელებმა ეს სიმართლე დაიმსახურეს“, - განაცხადა მან.ყოფილი გენპროკურორის თქმით, სწორედ ასეთმა შოკმა გამოიწვია ის, რომ 24 თებერვალს, ომის დაწყების დღეს სამხედრო კომისარიატებში მილიონობით უკრაინელი მივიდა. მისივე თქმით, იმან, რომ უკრაინული ტელეკომპანიები დიდი ხნის განმავლობაში ამშვიდებდნენ მოსახლეობას შეტყობინებებით იმის შესახებ, რომ საფრთხე არ არსებობს.„ამან გამოიწვია, რომ მილიონობით ადამიანი საზღვარგარეთ გაიქცა, კიდევ რამდენიმე მილიონი სახლში ზის და ამბობს: ვისაც უნდა იომოს, ჩემი და ჩემი ვაჟის გარდა“, - განაცხადა პოლიტიკოსმა.

ხერსონი

მსოფლიო 1703757942

რუსეთმა, გასული დღე-ღამის განმავლობაში, ხერსონი შვიდჯერ დაბომბა

რუსეთმა გასული დღე-ღამის განმავლობაში ხერსონი შვიდჯერ დაბომბა მართვადი საავიაციო ბომბებით, – ამის შესახებ ინფორმაციას უკრაინის თავდაცვის ძალების სამხრეთის მიმართულების გაერთიანებული საკოორდინაციო პრესცენტრის უფროსი ნატალია გუმენიუკი ავრცელებს.მისი ინფორმაციით, შედეგად დაღუპულია ერთი ადამიანი, დაშავდა კიდევ ორი პირი, დაზიანებულია რეგიონის ინფრასტრუქტურა და საცხოვრებელი სახლები.როგორც უკრაინის შეიარაღებულ ძალებში აცხადებენ, რუსეთი მდინარე დნიპროს მარჯვენა სანაპიროზე მდებარე ინფრასტრუქტურაზე ახორციელებს დარტყმებს, რათა უკრაინელი ძალების მომარაგების ჯაჭვი დაარღვიოს.ამასთან, გუშინ ღამით რუსეთის შეიარაღებულმა ძალებმა უკრაინის მიმართულებით რვა კამიკაძე დრონი გაუშვეს, რომელთაგან შვიდის ჩამოგდება უკრაინელებმა შეძლეს.პარალელურად, ცნობილი ხდება, რომ რუსეთის მიერ ანექსირებულ ყირიმში კვლავაც ისმოდა აფეთქებების ხმა, მათ შორის სევასტოპოლში. ამის გამო ყირიმის ხიდზე დროებით შეწყვეტილი იყო გადაადგილება.რუსეთის თავდაცვის სამინისტროში განაცხადეს, რომ ყირიმის ტერიტორიაზე ორი უკრაინული დრონი ჩამოაგდეს. 

პუტინი

მსოფლიო 1703399726

პუტინი ომის გაყინვისთვის მზაობის შესახებ სიგნალებს აგზავნის - მედია

„საჯაროდ რუსეთის პრეზიდენტი ვლადიმერ პუტინი განცხადებას აკეთებს, რომ მზადაა ომი განუსაზღვრელი ვადით განაგრძოს. მაგრამ სხვადასხვა შუამავლების მეშვეობით ის დასავლეთს მიანიშნებს, რომ მას სურს სამშვიდობო შეთანხმების რაც შეიძლება მალე დადება“, - ამის შესახებ უცხოური მედია წერს.ამერიკულმა გამოცემამ ინფორმაცია კრემლთან დაახლოებული ორი ყოფილი მაღალჩინოსნისა და ამერიკისა და სხვა ქვეყნების წარმომადგენლების ანონიმური საუბრების დაყრდნობით გაავრცელა.გამოცემის წყაროების თქმით, პუტინმა შუამავლების საშუალებით გამოთქვა მზადყოფნა, შეწყვიტოს ცეცხლი და „გაყინოს“ საომარი მოქმედებები დღევანდელ საზღვრებში.„ისინი ამბობენ, რომ მზად არიან მოლაპარაკებებისთვის. მზად არიან დარჩნენ იქ, სადაც ახლა არიან“, - ანონიმურად განაცხადა ერთ-ერთმა მაღალჩინოსანმა, რომელიც ამ შემოდგომაზე მაღალი რანგის რუს ჩინოვნიკებს შეხვდა.ამერიკელი მაღალჩინოსნები ამბობენ, რომ პუტინი ასეთი წინადადებით 2022 წლის შემოდგომაზეც გამოდიოდა, როდესაც უკრაინელებმა ხარკოვისა და ხერსონის ოლქში ტერიტორიების ნაწილი დაიბრუნეს.მათი განცხადებით, პუტინი ნათლად მიანიშნებდა, რომ მზად არის ცეცხლი შეწყვიტოს, თუ რუსეთი დაკავებულ ტერიტორიებს შეინარჩუნებს.ზოგიერთი ანალიტიკოსი აცხადებს, რომ პუტინი სარგებლობს გაჭიანურებული ომით და სურს გადადოს ნებისმიერი მოლაპარაკება 2024 წელს აშშ-ის ყოფილი პრეზიდენტის დონალდ ტრამპის თანამდებობაზე შესაძლო დაბრუნებამდე. მაგრამ ყოფილი რუსი ოფიციალური პირი აღნიშნავს, რომ პუტინი რეალურად ამჯობინებს შეთანხმებას უფრო ადრე.ამერიკელი ოფიციალური პირები უკვე ხედავენ ცვლილებებს პუტინის პოზიციაში, რომელიც აღარ ითხოვს კიევში არსებული ხელისუფლების გადაყენებას. პუტინის წინადადების მიღების შემთხვევაში უკრაინა შეინარჩუნებს სუვერენულ სახელმწიფოს, თუმცა რუსეთის კონტროლის ქვეშ უკრაინის ტერიტორიის თითქმის 20% იქნება.გარდა ამისა, დასავლეთში ბევრი სკეპტიკურად უყურებს ცეცხლის შეწყვეტის შეთანხმებას, რადგან ეს მხოლოდ პუტინს აძლევს დროს ხელახლა შეიარაღებისთვის მომავალი ახალი თავდასხმისთვის.„მათ (რუსებს) არასოდეს შეუსრულებიათ არანაირი შეთანხმება. დაარღვიეს ისინი, როგორც კი დაინახეს, რომ ეს შესაძლებელი იყო“, - განაცხადა ლატვიის პრეზიდენტმა ედგარ რინკევიჩმა და აღნიშნა, რომ პუტინი „იმპერიის აღდგენაზე“ ოცნებობს.ზოგიერთი ამერიკელი ოფიციალური პირი, ასევე, ამბობს, რომ კრემლის სიგნალები, რომ ის მზად არის შეთანხმებისთვის, შეიძლება იყოს მხოლოდ შეცდომაში შეყვანის მცდელობა და არა კომპრომისზე წასვლის სურვილის ნიშანი. ყოფილი რუსი ოფიციალური პირები დასძენენ, რომ პუტინმა, შესაძლოა, გადაიფიქროს და მიატოვოს შეთანხმება, თუ რუსული ძალები ფრონტზე მნიშვნელოვან უპირატესობას მოიპოვებენ.