ავტობუსი

საზოგადოება 1711699509

ნახეთ მარშრუტები, სადაც 30 მარტიდან ავტობუსები დაემატება

დედაქალაქში მოქმედ მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება.თბილისის მერიის ინფორმაციით, ავტობუსების რაოდენობა N309, N310, N370, N381 და N388 მარშრუტებზე იზრდება. პირველი ორი მარშრუტის შემთხვევაში, მოლოდინის დრო შემცირდება რვა წუთამდე, N370-ზე – 15 წუთამდე, N381-ზე – 17 წუთამდე, ხოლო N388-ზე – 10 წუთამდე.„აღსანიშნავია, რომ მას შემდეგ, რაც დედაქალაქის მოსახლეობას 50 ერთეული 18-მეტრიანი ავტობუსი ემსახურება, გამოთავისუფლებული რესურსი სწორედ იმ მარშრუტებზე ნაწილდება, სადაც ყველაზე დიდი დატვირთვა ფიქსირდება. ეს ის 12-მეტრიანი ავტობუსებია, რომლებიც მანამდე N301, N302, N308-სა და N3014-ზე მოძრაობდნენ. 24 სხვადასხვა მარშრუტზე ავტობუსების დამატების პროცესი 23 მარტიდან დაიწყო და 6 აპრილს დასრულდება“, – აღნიშნულია თბილისის მერიის ინფორმაციაში.

მამარდა

საზოგადოება 1711699408

საქართველოს ეროვნული გმირი, რომელიც მალე ევროპის საუკეთესო მეკარე გახდება - ესპანური მედია

ესპანური გამოცემა Diario AS გიორგი მამარდაშვილის გმირობაზე წერს და მის ვალენსიაში ტრანსფერს იხსენებს.,,გიორგი მამარდაშვილი საოცარი კაცია ვალენსიასთვის და ეროვნული გმირი საქართველოსთვის. 23 წლის გოლკიპერმა თავისი გუნდი ისტორიაში პირველად ევროპის ჩემპიონატზე გაიყვანა, როცა პენალტების სერიაში ერთი თერთმეტმეტრიანი მოიგერია. მისი პროგრესი იმდენად აშკარაა, რომ დიდი ევროპული კლუბების ინტერესი გამოიწვია.“ანტონიო ლოპესი არის ის აგენტი, ვინც გიორგი მაშინ აღმოაჩინა, როცა ის თბილისის ლოკომოტივში თამაშობდა. 2020 წლის 24 სექტემბერს, ქართული გუნდი ევროპა ლიგის საკვალიფიკაციოზე გრანადას ეთამაშა, 0:2 დამარცდა, თუმცა მამარდამ ბრწყინვალე მატჩი ჩაატარა.„მას იქამდე რვა თვე ვაკვირდებოდი და მან იმ შეხვედრაში, როგორც ფეხბურთელმა, იფეთქა." - აღნიშნა ლოპესმა, რომელმაც დაამატა, რომ სხვადასხვა გუნდებს სთავაზობდა მის შეძენას და პასუხად იღებდა: "ქართველი, ანტონიო?"საბოლოოდ, მისი ტრანსფერს მწვანე ვალენსიას აკადემიის დირექტორმა, ლუის მარტინესმა აუნთო: ,,ძალიან რთული მოლაპარაკებები იყო, რომელიც 350 ათასი ევროთი დაიწყო და 850 ათასით დასრულდა იმის გამო, რომ თავად ფეხბურთელის სურვილი იყო გუნდში გადასვლა.“საინტერესოა, რომ მამარდაშვილს ვალენსიას სარეზერვო გუნდში არასდროს უთამაშია, იმიტომ რომ მაშინდელმა მწვრთნელმა, ხოსე ბორდალასმა, იასპერ სილესენის და ხაუმე დომენეკის ტრავმების გამო, ფსონი მაშინვე მასზე გააკეთა. მან პირველ გუნდში წარმოაჩინა თავი და ბოლომდე იქ დარჩა. პირველი კონტრაქტი მან როგორც მეორე გუნდის ფეხბურთელმა გააფორმა და ვალენსიას ძირითად გუნდში თამაშით სხვადასხვა ბონუსები გამოიმუშავა.მისი დებიუტი 2021 წლის 13 აგვისტოს, ხეტაფესთან მოგებულ მატჩში შედგა და მან ზედიზედ შვიდ მატჩში ითამაშა, სანამ სევილიასთან ცუდი თამაში შედგებოდა, რომელმაც მისი სკამზე გადაჯდომა გამოიწვია: "პირველ მატჩებში მას იღბალი აკლდა, თუმცა საკმარისი სიძლიერე გამოაჩინა და გაუმჯობესებისთვის იბრძოლა. ის ბინაში მარტო ცხოვრობდა და საბუთები მე შევუგროვე. მას საქართველოში მხოლოდ 800 ევრო ჰქონდა გამომუშავებული." - ამბობს აგენტი, რომელმაც გიორგი აღმოაჩინა.მოსვლის შემდეგ ძალიან მალე, ყველასთვის უცნობი მეკარე ვალენსიას კარის მესაკუთრე გახდა - მან ზედიზედ 67 მატჩში მიიღო მონაწილეობა და 2022-ში ბეტისთან თასის ფინალშიც ითამაშა. მისი ფასი 35 მილიონ ევრომდე გაიზარდა და ის ლა ლიგის ყველაზე ძვირადღირებული მეკარეა - ისეთ მეკარეებს უსწრებს, როგორებიც კურტუა, ობლაკი და ტერ შტეგენი არიან.„წინ დიდი გზაა გასავლელი. მე მგონია, რომ ის სულ მალე ევროპის საუკეთესო მეკარე გახდება. ის დღითიდღე უმჯობესდება." - ამბობს ანტონიო ლოპესი და ამატებს, რომ მამარდას ინგლისური ფეხბურთი ძალიან მოსწონს.იმავე აგენტის თქმით, კვარაცხელიაც ახლოს იყო ვალენსიაში გადასვლასთან, როცა უკრაინა-რუსეთის ომის გამო რუბინთან კონტრაქტი გაწყვიტა და უკლუბოდ იყო. ანტონიო ლოპესი ხვიჩას მამას შეხვდა, თუმცა შეთანხმების მიღწევა ვერ მოხერხდა.

საქართველოს საგარეო საქმეთა მინისტრი ილია დარჩიაშვილი არგენტინაში ოფიციალური ვიზიტის ფარგლებში ეწვია ქ. ბუენოს-აირესის საკანონმდებლო ორგანოს

პოლიტიკა 1711697906

საქართველოს საგარეო საქმეთა მინისტრი ილია დარჩიაშვილი არგენტინაში ოფიციალური ვიზიტის ფარგლებში ეწვია ქ. ბუენოს-აირესის საკანონმდებლო ორგანოს

საქართველოს საგარეო საქმეთა მინისტრი ილია დარჩიაშვილი  არგენტინაში ოფიციალური ვიზიტის ფარგლებში  ეწვია ქ. ბუენოს-აირესის საკანონმდებლო ორგანოს,  სადაც, ავტონომიური ქალაქის ხელმძღვანელობის გადაწყვეტილებით, მას ბუენოს-აირესის საპატიო სტუმრის ტიტული მიენიჭა. დაჯილდოების ცერემონიაზე სიტყვით გამოვიდა ქ. ბუენოს-აირესის ვიცე-პრეზიდენტი მატიას ლოპესი.  ღონისძიების მონაწილეებს ასევე მიმართეს საქართველოს საგარეო საქმეთა მინისტრმა, ილია დარჩიაშვილმა და არგენტინაში საქართველოს საგანგებო და სრულუფლებიანმა ელჩმა, გვარამ ხანდამიშვილმა.ილია დარჩიაშვილმა მადლობა გადაუხადა ქალაქის საკანონმდებლო ორგანოსა და ბუენოს-აირესის პირველ ვიცე-პრეზიდენტს, მატიას ლოპესს. მან ისაუბრა საქართველოსა და არგენტინის ისტორიულ კავშირებზე, რომლებიც თანამედროვე ეპოქაში მტკიცე მეგობრობასა და პარტნიორობაში გადაიზარდა.ბუენოს-აირესის საკანონმდებლო ორგანოში სტუმრობის ფარგლებში, ხელი მოეწერა თანამშრომლობის მემორანდუმს თბილისის მუნიციპალიტეტის საკრებულოსა და ავტონომიურ ქალაქ ბუენოს-აირესს შორის. დოკუმენტი ხელს უწყობს თბილისის საკრებულოსა და ბუენოს-აირესის საკანონმდებლო ორგანოს შორის ურთიერთობების გაღრმავებას, მუნიციპალური განვითარებისა და თვითმმართველობის საკითხებზე თანამშრომლობის გამყარებას.

შუქი

საზოგადოება 1711658443

თბილისში, შუქი 3 რაიონს გაეთიშება - გადაამოწმეთ თქვენი მისამართი

29 მარტს თბილისის ნაწილს ელექტრომომარაგება დროებით შეუწყდება. თელასი მიზეზად გადაუდებელ სამუშაოებს ასახელებს.კრწანისის რაიონიგადაუდებელი სამუშაოების გამო 11:00 საათიდან 12:00 საათამდე შეზღუდვა შეეხება:  გორგასალის ქუჩის მოსახლეობას.ჩუღურეთის რაიონიგადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: დავით აღმაშენებლის გამზირის (ნაწილობრივ), უზნაძის და დგებუაძის ქუჩების მოსახლეობას.ნაძალადევის რაიონიგადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: ბეჟანიშვილის, ნათაძის, ხვინგიას, წიწამურის, ჭყონდიდელის, დადიანის და ჭილაიას  ქუჩების მოსახლეობას."კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება" - აცხადებს თელასი.

სპორტსმენი

საზოგადოება 1711658382

გაიცანით სპორტსმენი, რომელმაც ეგვიპტის მსოფლიო თასზე ოქროს მედალი მოიპოვა

რამდენიმე დღის წინ, ქართველმა სპორტსმენმა იაგო გორგოძემ, ეგვიპტის ქალაქ შარმ-ელ-შეიხში მიმდინარე მსოფლიო თასზე, გამარჯვება მოიპოვა. პარაძალოსანმა სამივე ცდა წარმატებით დაძლია და საქართველოს ნაკრებს ტურნირზე პირველი ოქროს მედალი მოუტანა.ვინ არის იაგო გორგაძე, რა გზა გაიარა წარმატებამდე და როგორ იხსენებს საბედისწერო დღეს, რომელმაც ეტლს მიაჯაჭვა, სწორედ ამ სტატიიდან შეიტყობთ.მასთან ინტერვიუ წლების წინათ, გაზეთ „პრაიმტაიმში“ ჩაწერე. მაშინ უკვე არაერთი გამარჯვება ჰქონდა მოპოვებული და ლონდონის პარაოლიმპიადისთვის ემზადებოდა. წინ კიდევ დიდი მიზნები ჰქონდა...მისი სახელი და გვარი ქართული პარაოლიმპიური სპორტის ისტორიაში ოქროს ასოებით ჩაიწერა. ის პირველი ქართველი სპორტსმენია, ვინც 2008 წლის პეკინის პარაოლიმპიადაზე გამოვიდა. წოლჭიმის სახეობაში მოასპარეზე იაგო გორგაძე 1999 წელს მომხდარმა ავარიამ ინვალიდის ეტლს მიაჯაჭვა... მაშინ 22 წლის სტუდენტს მეგონა, რომ სიარულს ისევ შეძლებდა...აი რას უყვებოდა 2011 წელს „პრაიმტაიმს“  პირველი ქართველი პარაოლიმპიელი. „1999...“ სპორტით ბავშვობაში დაინტერესდა. როცა მეხუთეკლასელს მამამ ჰანტელები უყიდა, პატარა იაგო კულტურისტობაზე ოცნებობდა... სკოლის დამთავრების შემდეგ, სწავლა აგრარულ უნივერსიტეტში განაგრძო, პარალელურად პოლიციის აკადემიაში ჩაირიცხა...იაგო გორგოძე: „1999 წლის 19 სექტემბერს ავარიაში მოვყევი... კახეთში მეგობართან რთველში ვიყავი დაპატიჟებული, უკან რომ ვბრუნდებოდით, მძღოლის დაუდევრობის გამო ბადიაურის ხიდიდან გადავვარდით... მანქანაში სულ ექვსნი ვიყავით. მე უკან ვიჯექი... ჩემ გვერდით 3 ადამიანი იჯდა, ქალბატონი, ახალგაზრდა გოგონა და 12 წლის ბავშვი. სამივე დაიღუპა... როცა მანქანა ხრამში გადავარდა, მეძინა, არაფერი გამიგია... მძიმედ დავშავდი. ხერხემალზე ორი ოპერაცია გამიკეთეს, რამდენიმე მალა მქონდა დაზიანებული... მოტეხილი მქონდა ფეხი, ლავიწის ძვალი... რამდენიმე დღის შემდეგ, ღმერთის დახმარებით, კომიდან გამოვედი... რეანიმაციაში გავახილე თვალი. როდესაც მითხრეს, რომ ავარიაში მოვყევი, მაშინვე მანქანაში მჯდომი სხვა ადამიანები მოვიკითხე. მითხრეს, რომ ყველა მძიმედ იყო...1999 წლის 19-მა სექტემბერმა რადიკალურად შეცვალა ჩემი ცხოვრება, უფრო სწორად ახალი ცხოვრება დავიწყე. 22 წლის სტუდენტი ბიჭი, რომელიც აქტიური ცხოვრების რეჟიმიდან უცებ სავარძელში აღმოვჩნდები... ვერ გადმოვცემ, რას გრძნობ, რა გემართება და რა მდგომარეობაში ვარდები... თავიდან საერთოდ არ ვფიქრობდი იმაზე, რომ სიარულს ვეღარ შევძლებდი. ოქტომბერში დაბადების დღე მაქვს და ექიმს ვეკითხებოდი, ჩემი დაბადების დღისთვის ხომ გავივლი-მეთქი... მაშინ ყველა მაიმედებდა, რომ გავივლიდი... სამი თვის შემდეგ გამომწერეს საავადმყოფოდან მაშინ მივხდი, რომ ყველაფერი ისე არ იყო, როგორც ვფიქრობდი... ეს დროის ფაქტორია, მაგრამ იმედი ახლაც მაქვს, რომ რაღაც შეიცვლება და მედიცინაში მიღწეული შედეგებით, დამოუკიდებლად სიარულს ისევ შევძლებ...“„გზა პარაოლიმპიადამდე“ საავადმყოფოდან გამოწერის შემდეგ, რეაბილიტაციას ყირიმში გადიოდა. ამბობს, ფიზიკურად იქ მომაძლიერესო. საქართველოში დაბრუნებულმა აქტიურად დაიწყო ვარჯიში.„თბილისში დაბრუნების შემდეგ, მეგობრის მოცემული გირებით დავიწყე ვარჯიში. მაშინ ჩემი ძმა ოლიმპიურ სკოლაში სწავლობდა და პარალელურად მასთან დარბაზში დავიწყე ტრენაჟორებზე სიარული. ასეთ მდგომარეობაში დავამთავრე ორივე უნივერსიტეტი...როცა 2004 წელს ათენის ოლიმპიადა ჩატარდა, პირველად მაშინ გამიჩნდა სურვილი, რომ მეც მიმეღო მონაწილეობა... მაშინ უკვე აქტიურად ვვარჯიშობდი წოლჭიმში.მივმართე თბილისის პარაოლიმპიურ კომიტეტს, სამხრეთ კორეაში მსოფლიო ჩემპიონატი იმართება, მონაწილეობის მიღება მინდა და იქნებ დამეხმაროთ-მეთქი. მითხრეს, რომ უსახსრობის გამო ისინი ვერ დააფინანსებდნენ ჩემი გამგზავრების ხარჯებს. იმედი არ დამიკარგავს, ვარჯიში გავაგრძელე, მერიისა და სპორტისა და ახალგაზრდობის სამინისტროს დახმარებით, 2006 წელს სრულიად მარტო, ტრენერის გარეშე, გავემგზავრე სამხრეთ კორეაში. 82 კილოგრამ წონით კატეგორიაში 122 კილო ავწიე, ეს იყო ჩემი პირველი ნაბიჯები წარმატებისკენ გადადგმული.“ „შეუძლებელი არაფერი, მთავარია მიზანი“ 2008 წელს, როცა გორში ჯერ კიდევ რუსი ჯარისკაცები მარადიორობდნენ, იაგო გორგოძე საქართველოს ღირსებას პეკინის პარაოლიმპიადაზე იცავდა... „მიდი იაგომ შენ ამას შეძლებ!“- ამ სიტყვებით ამხნევებდა პეკინში მწვრთნელი 31 წლის წოლჭიმის სახეობაში მოასპარეზე ქართველ პარაოლიმპიელს.„2008 წელს პეკინის პარაოლიმპიადაზე მერვე ადგილზე გავედი, 145 კილო ავწიე. მიხარია, რომ ყველაზე ძლიერი ქართველი ვარ ასეთ მდგომარეობაში. თავიდან 100 კილოგრამით დავიწყე, მაგრამ ახლა ბევრად ბევრს ვეწევი. კვირაში ოთხ დღეს, სამ-ოთხ საათს ვვარჯიშობ.“ „სიზმარში ხშირად ვხედავ, რომ დავდივარ...“  „დიდი სურვილი მაქვს, შეიქმნას ცენტრი სადაც ჩემს მდგომარეობაში მყოფი ადამიანები შევიკრიბებით, ერთმანეთს გავიცნობთ და ვისაუბრებთ... ბევრი მეგობარი მყავს, რომლებიც ჩემსავით სავარძელში სხედან და არ აქვთ საშუალება, საკუთარი თავის რეალიზება მოახდინონ...ადრე მშობლებს ეტლში მჯდომი შვილების რცხვენოდათ და ცდილობდნენ, არსად გამოეჩინათ. ჩემი ოჯახის შემთხვევაში პირიქით იყო, მშობლები ყოველთვის ცდილობდნენ, რომ სადმე გავსულიყავი, მაგრამ მე არ მინდოდა, ჩემი მდგომარეობით ვინმე შემეწუხებინა. ახლა სხვანაირად ვფიქრობ, ყველაფერს ვაკეთებ იმისათვის, რომ რეალიზებული ვიყო.“უბედური შემთხვევიდან თითქმის სამი წლის განმავლობაში, ყოველდღე ერთსა და იმავე სიზმარს ხედავდა... ახლაც ხშირად ესიზმრება, რომ დადის... „მაგრამ რეალობა სხვა არის და ამას ვერსად გავექცევი. მე მომავალს იმედით ვუყურებ. ჩვენ მედიცინამ უნდა გვიშველოს. კარგი სამეგობრო წრე მყავს და მათი დახმარებით კვირაში ერთი დღე სანადიროდ ან სათევზაოდ დავდივარ. ცხოვრებას ვიმრავალფეროვნებ, ვცდილობ, აქტიური ვიყო...“- ამბობდა „პრაიმტაიმთან ინტერვიუში იაგო გორგაძე.

ენერგო პრო ჯორჯია

საზოგადოება 1711654530

„ენერგო-პრო ჯორჯია“ აბონენტებს აფრთხილებს

 „ენერგო-პრო ჯორჯიას“ ინფორმაციით, ქსელის გეგმური სარეაბილიტაციო სამუშაოების გამო, 29 მარტს, 11:00-დან 18:00 საათამდე ელექტროენერგიის მიწოდება აბონენტებს მცხეთის რაიონის სოფლებში: მისაქციელი, ნატახტარი, წეროვანი, ახალუბანი და მიმდებარე სოფლებში შეეზღუდებათ.მათივე ცნობით, 12:10-დან 18:30 საათამდე ელექტროენერგიის მიწოდება აბონენტებს თბილისის მუნიციპალიტეტში: ნაფეტვრებში, ლისზე, მსხალდიდსა და მიმდებარე ტერიტორიაზე შეეზღუდებათ.ინფორმაციის თანახმად, სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.

გია აბაშიძე

პოლიტიკა 1711641923

გია აბაშიძე - როცა ყალბი ამბებისა და მანიპულაციების ტირაჟირება ვითომ ნორმად გექცევა, აღარ ხარ ჟურნალისტი და არც გამოცემა, ხარ რევანშისტთა მარიონეტი

 “როცა ყალბი ამბების და მანიპულაციების ტირაჟირება ვითომ ნორმად გექცევა, აღარ ხარ ჟურნალისტი და არც გამოცემა, ხარ რევანშისტთა მარიონეტი”- წერს ანალიტიკოსი გია აბაშიძე იმ სტატიის შესახებ, რომლის მიხედვითაც გამოცემა “ნეტგაზეთმა” თბილისის საქალაქო სასამართლოს მოსამართლის, გიორგი ებანოიძის კომენტარის დამახინჯება მოახდინა.როგორც ანალიტიკოსი წერს, სირცხვილია სააკაშვილის მედია-ადეპტობა. “როცა ყალბი ამბების და მანიპულაციების ტირაჟირება ვითომ ნორმად გექცევა, აღარ ხარ ჟურნალისტი და არც გამოცემა, ხარ რევანშისტთა მარიონეტი. ეს ეხება როგორც "ნეტგაზეთს", ასევე ფსევდოლიბერალურ "რადიო თავისუფლების" ქართულ რედაქციასაც და კიდევ რამდენიმე ონლაინ მედიასაშუალებას. რამდენიმე წლის წინ ერთ-ერთმა სამარცხვინო სააგენტომ, რომელიც კარგია რომ აღარ არსებობს, ჩემთან ინტერვიუს სათაურში დაწერა - "ქართული ოცნების" მთავრობა უნდა გადადგეს". გესმით ხომ, რა იაფფასიანი 'ფეიკი' იყო?! ყველა მედიასაშუალებას, რომელსაც ჩვეულ პრაქტიკაში აქვს 'ფეიკნიუსერობა' გაქრობას ვუსურვებ საჯარო სივრციდან. ამ ე.წ. ვეტინგის და ნაცსექტის დღის წესრიგის სხვა თემებს ნუ გადაყვებით "ჟურნალისტებო"! სირცხვილია სააკაშვილის მედია-ადეპტობა!”- წერს გია აბაშიძე სოციალურ ქსელში.

გიორგი ებანოიძე

პოლიტიკა 1711635310

მოსამართლე გიორგი ებანოიძე - არასოდეს მითქვამს, რომ რაიმე ფორმით ვეტინგის მომხრე ვარ, პირიქით, ნებისმიერი საკითხი, რომელიც კანონმდებლობის ფარგლებს სცილდება, მიუღებელია

თბილისის საქალაქო სასამართლოს მოსამართლე გიორგი ებანოიძე ინტერნეტგამოცემა „ნეტგაზეთს“ სიცრუეში და მისი კომენტარის შეგნებულად დამახინჯებაში ადანაშაულებს. აღნიშნული ფაქტის შესახებ მოსამართლე საკუთარ ფეისბუკ გვერდზე წერს. „სამწუხაროდ, ჩემი კომენტარის შეგნებულად არასწორად ინტერპრეტაციის გამო, აქაც დავწერ და აღნიშნულ საკითხთან დაკავშირებით კომენტარს აღარ გავაკეთებ. არასოდეს მითქვამს, რომ რაიმე ფორმით ე.წ. ვეტინგის მომხრე ვარ და იგივე აზრზე ვარ ამჟამადაც. პირიქით, ნებისმიერი საკითხი, რომელიც კანონმდებლობის ფარგლებს სცილდება, ჩემთვის, როგორც მოსამართლისთვის მიუღებელია“,- წერს ებანოიძე.მოვლენებს ქრონოლოგიურად, რომ გავყვეთ 2024 წლის 15 მარტს, გამოცემა „ნეტგაზეთმა“ გამოაქვეყნა ჟურნალისტ მარიამ ბოგვერაძის ავტორობით სტატია „ათი მოსამართლე კეთილსინდისიერების შემოწმების მექანიზმს ემხრობა“.სტატიაში ვკითხულობთ, რომ „არსებული მონაცემებით, საქართველოს საერთო სასამართლოების სისტემაში, სულ მცირე, 10 მოსამართლეა, ვინც არ ეწინააღმდეგება საკვანძო თანამდებობებზე მომუშავე მოსამართლეების კეთილსინდისიერების შემოწმების მექანიზმს“ .ჟურნალისტს ერთ-ერთ ასეთ მოსამართლედ წარმოდგენილი ჰყავს თბილისის საქალაქო სასამართლოს მოსამართლე გიორგი ებანოიძე, რომელზედაც მტკიცებით ფორმაში წერს, რომ ის „საკუთარი კეთილსინდისიერების შემოწმებისთვის მზაობას გამოხატავს“. აქვე იშველიებს ებანოიძის ციტატას, რომელსაც უცვლელად გთავაზობთ: „შეფასებისგან თავს შევიკავებ. რაც შეეხება შემოწმებას, კანონიერების ფარგლებში ნებისმიერ დროს“. სწორედ აღნიშნული კომენტარის შეგნებულად არასწორად ინტერპრეტაციის შესახებ წერს ებანოიძე. მოსამართლე ჟურნალისტისთვის მიწერილ კომენტარში წერს, „შემოწმება კანონიერების ფარგლებში ნებისმიერ დროს“. სწორედ ეს უკანასკნელი დაამახინჯა გამოცემამ განზრახ, რადგან „ ვეტინგი“ დარგის სპეციალისტების თუ მმართველი გუნდის წარმომადგენლების მხრიდან უკვე არაერთხელ შეფასდა, როგორც არაკონსტიტუციური. განცხადება გაავრცელა საქართველოს უზენაესმა სასამართლომაც, სადაც ვკითხულობთ : ,,ვეტინგი“ არ მიეკუთვნება საერთაშორისო სტანდარტს, უხეშად ლახავს სახელმწიფოს სუვერენიტეტს, ითვალისწინებს რა სახელმწიფო ხელისუფლების ერთ-ერთი შტოს - სასამართლოს დაკომპლექტების მექანიზმების გარე აქტორების ხელში გადატანას“.,,ვეტინგი“ ერთმნიშვნელოვნად, არსებითად და პრინციპულად ლახავს სასამართლოსა თუ ინდივიდუალური მოსამართლის დამოუკიდებლობას, ძირს უთხრის საზოგადოების ნდობას მართლმსაჯულების სისტემისადმი და მიზნად ისახავს ,,კეთილსინდისიერების’’ შემოწმების საჭიროების თაობაზე უარყოფითი საზოგადოებრივი აზრის კონსოლიდაციას, რათა გაადვილდეს პოლიტიკური კონტროლის განხორციელება სასამართლო ხელისუფლებაზე“.სასამართლოს დაკომპლექტების მექანიზმების გარე აქტორების ხელში გადატანა ყველასთვის ადვილი მისახვედრია რასაც უნდა ემსახურებოდეს. ეს სასამართლო ხელისუფლებაზე პოლიტიკური კონტროლის განხორციელების პირდაპირი მცდელობაა, რასაც როგორც მმართველი გუნდის წარმომადგენლები ამბობენ არ დაუშვებენ და სასამართლო სისტემაში 2012 წლამდე არსებულ პერიოდს აღარასდროს დაუბრუნდებიან .ალბათ ყველასთვის ადვილად მისახვედრია რაში აწყობს „გლობალურ ომის პარტიას“ საქართველოში „ვეტინგის“ ამოქმედება ან ვინ უნდა შეამოწმოს საქართველოს სასამართლო სისტემა მაშინ, როდესაც ავტორიტეტული კვლევითი ორგანიზაციების მიერ გამოქვეყნებული სხვადასხვა ინდექსების მიხედვით, ქართული სასამართლო მოწინავე პოზიციებზეა, უსწრებს ევროკავშირის ყველა კანდიდატ ქვეყანას, აშშ-ს და ევროპის მოწინავე ქვეყნებს.და თუ მაინც რომელიმე მოსამართლის კეთილსინდისიერების შემოწმება დადგება დღის წესრიგში ამას ქვეყანა თავად მოახერებს. „დღეს საქართველოში ერთადერთი ორგანო კონსტიტუციის მიხედვით, რომელიც ამოწმებს მოსამართლეების კეთილსინდისიერებას, არის იუსტიციის უმაღლესი საბჭო“,- აცხადებს ირაკლი კობახიძე.

მოსამართლე - გიორგი ებანოიძე

სამართალი 1711633421

არასოდეს მითქვამს, რომ რაიმე ფორმით ვეტინგის მომხრე ვარ, პირიქით, ნებისმიერი საკითხი, რომელიც კანონმდებლობის ფარგლებს სცილდება, მიუღებელია - მოსამართლე გიორგი ებანოიძე

„არასოდეს მითქვამს, რომ რაიმე ფორმით ე.წ.  ვეტინგის მომხრე ვარ და იგივე აზრზე ვარ ამჟამადაც“-ამის შესახებ თბილისის საქალაქო სასამართლოს მოსამართლე გიორგი ებანოიძე სოციალურ ქსელში წერს.მოსამართლე ებანოიძე „ნეტგაზეთის“ მიერ გამოქვეყნებულ იმ სტატიას გამოეხმაურა, სადაც მოსამართლეები აფასებენ ევრორეკომენდაციას, რომელიც სასამართლო სისტემაში საკვანძო თანამდებობებზე განწესებულ პირთა კეთილსინდისიერების ხელახლა შემოწმების მექანიზმს გულისხმობს.გიორგი ებანოიძე აღნიშნავს, რომ მისი კომენტარის არასწორი ინტერპრეტაცია მოხდა, რის გამოც კიდევ ერთხელ  განმარტავს, მას არასდროს უთქვამს, რომ ე.წ. ვეტინგის მომხრე ყოფილიყოს. მისივე თქმით, ნებისმიერი საკითხი, რომელიც კანონმდებლობის ფარგლებს სცილდება, მისთვის,  როგორც მოსამართლისთვის, მიუღებელია.„სამწუხაროდ, ჩემი კომენტარის შეგნებულად არასწორად ინტერპრეტაციის გამო, აქაც დავწერ და აღნიშნულ საკითხთან დაკავშირებით კომენტარს აღარ გავაკეთებ. არასოდეს მითქვამს, რომ რაიმე ფორმით ე.წ. ვეტინგის მომხრე ვარ და იგივე აზრზე ვარ ამჟამადაც. პირიქით, ნებისმიერი საკითხი, რომელიც კანონმდებლობის ფარგლებს სცილდება, ჩემთვის, როგორც მოსამართლისთვის მიუღებელია“-წერს მოსამართლე გიორგი ებანოიძე.

პროკურორი

სამართალი 1711627352

დღევანდელ სასამართლო პროცესზე ბრალდების მხარე დასკვნითი სიტყვისთვის მზად იყო, თუმცა ბრალდებულმა უარი თქვა სასამართლო პროცესზე გამოცხადებაზე - პროკურორი

დღევანდელ სასამართლო პროცესზე ბრალდების მხარე დასკვნითი სიტყვისთვის მზად იყო, თუმცა ბრალდებულმა უარი თქვა სასამართლო პროცესზე გამოცხადებაზე, - აღნიშნულის შესახებ ლაზარე გრიგორიადისის საქმის პროკურორმა თამარ იაკობიძემ თბილისის საქალაქო სასამართლოში განაცხადა.პროკურორის თქმით, არსებობს მტკიცებულებათა ერთობლიობა, რაც ბრალდებულ ლაზარე გრიგორიადისის მიმართ გამამტყუნებელი განაჩენის გამოტანისთვის საკმარისია."სისხლის სამართლის საპროცესო კოდექსი განსაზღვრავს სასამართლო პროცესზე ბრალდებულის მონაწილეობას, ეს მისი უფლებაა. დაცვის მხარემ მიუთითა 38-ე მუხლზე, რაც განსაზღვრავს ამ შემთხვევაში, ბრალდებულის უფლებებს. მას უფლება აქვს მონაწილეობა მიიღოს პროცესში. ამ შემთხვევაში, ბრალდებულს ამის სურვილი გააჩნდა, თუმცა ვინაიდან მას არც ჯანმრთელობის მდგომარეობა და არც რაიმე სხვა გარემოება უშლიდა ხელს პროცესში მონაწილეობა მიეღო და ეს უბრალოდ მისი სურვილი იყო, სასამართლომ მიიღო გადაწყვეტილება, მოკლე ვადით, რამდენიმე დღით გადაედო პროცესი”, - განაცხადა თამარ იაკობიძემ.დღევანდელ სასამართლო პროცესზე ბრალდებულმა სურვილი გამოთქვა პროცესში დისტანციურად მიეღო მონაწილეობა. მოსამართლემ პროცესი 8 აპრილისთვის გადადო და ბრალდებული დისტანციურად არ ჩართო.

ნაკრები

სპორტი 1711626236

„წარმატება შობს წარმატებას“ - UEFA-ს სტატია საქართველოს ნაკრების წარმატებაზე

საქართველოს ნაკრების წარმატება რამდენიმე დღეა ევროპის არაერთ ქვეყანაში ერთ-ერთ მთავარ სალაპარაკო თემად იქცა. ევროპის ჩემპიონატზე გასვლის შემდეგ ჩვენი გუნდის შესახებ არაერთმა გავლენიანმა სააგენტომ დაწერა, თუმცა, ბუნებრივია, ყველაზე მნიშვნელოვანი ევროპული ფეხბურთის მმართველი ორგანოს, UEFA-ს შეფასებაა.ორგანიზაციის ვებგვერდზე საქართველოს ნაკრების შესახებ ვრცელი სტატია გამოქვეყნდა:„ევრო 2024-ის საკვალიფიკაციო ეტაპზე საქართველომ ისტორია დაწერა და პირველად შეძლო დიდ საფეხბურთო ტურნირზე გასვლა. ეს არის უახლესი ეტაპი იმ მოგზაურობაში, სადაც ქართული ფეხბურთი ძლიერდება როგორც სათამაშო კუთხით, ისე გულშემატკივართა მხარდაჭერის მხრივაც.თბილისის მთავარ გამზირზე საზეიმო სცენები აერთიანებს ქართველ ფეხბურთელებს და ათასობით გულშემატკივარს, ეს კადრები ამ წარმატების სიდიადეს ასახავს. ნიკა კვეკვესკირის გადამწყვეტმა პენალტიმ საქართველოს საბერძნეთთან გამარჯვება დაადასტურა, რითაც ასევე დადასტურდა ევროპის ჩემპიონატის F ჯგუფში მათი ადგილი ჩეხეთთან, პორტუგალიასთან და თურქეთთან ერთად.ზოგიერთისთვის, მათი ევრო 2024-ზე მოხვედრა შესაძლოა მოულოდნელი აღმოჩნდეს. თუმცა, ქართული ფეხბურთის ახლო დამკვირვებლები დაადასტურებენ, რომ დიდ საფეხბურთო ტურნირზე მოხვედრა მათ დიდი ხნის წინ დაიმსახურეს.ევროპის ჩემპიონატზე კვალიფიკაცია საქართველოს ფეხბურთის ფედერაციის ამბიციური გუნდის მუშაობის შედეგია, რომელსაც ისინი წლების განმავლობაში ახორციელებენ. ეს არის მათი სწორი მენეჯმენტისა და ინოვაციის კულმინაცია, რომელმაც UEFA-ს მრავალმხრივი მხარდაჭერა მაქსიმალურად გამოიყენა.ერთა ლიგიდან ევროპის ჩემპიონატამდესაქართველო, ევრო 2024-ზე მოხვედრის კანდიდატთა შორის, ერთა ლიგის 2022/23 წლების გავლით აღმოჩნდა. მათ ჯგუფური ეტაპი მოიგეს, თუმცა, ეს არ ყოფილა ერთადერთი გზა, რაც საქართველოს ამ ტურნირმა მისცა.წარმატება შობს წარმატებას. ერთა ლიგის დაარსებამ საქართველოში საფუძველი ჩაუყარა მუდმივ იმპულსს. მათ ერთა ლიგაზე ერთ-ერთი ყველაზე მაღალი მოგების პროცენტი აქვთ.უფრო მეტიც, საქართველომ B ლიგის საგზური მოიპოვა და 2024/25 წლების სეზონიდან ექნება შესაძლებლობა, რეგულარულად გამოცადოს საკუთარი თავი კიდევ უფრო მაღალი დონის გუნდებთან. ერთა ლიგის შემოღებამდე ასეთი დონის მატჩების რეგულარულად გამართვა რთული იყო, განსაკუთრებით ევროპის მასშტაბით შედარებით პატარა საფეხბურთო ქვეყნებისთვის.პრესტიჟული ტურნირების მასპინძლობისგან მიღებული სარგებელიეროვნული ნაკრების წარმატებას წინ უძღოდა შესამჩნევი მიღწევები ასაკობრივ დონეზე. საქართველოს ფეხბურთის ფედერაციამ კარგად გამოიყენა UEFA-ს ძირითადი ტურნირების მასპინძლობის შესაძლებლობა, რითაც ინტერესი გაზარდეს და გუნდებს მნიშვნელოვანი გამოცდილება მისცეს.2017 წელს საქართველომ 19-წლამდე ფეხბურთელთა ევროპის ჩემპიონატს უმასპინძლა, სადაც ჯგუფურ ეტაპზე მათ თამაშებს 25 ათასამდე კაცი ესწრებოდა. 2023 წელს საქართველომ რუმინეთთან ერთად 21-წლამდე ევროპის ჩემპიონატს უმასპინძლა და დასწრების მხრივ ორივე ქვეყანამ რეკორდული ციფრი გვაჩვენა - 316,023 გულშემატკივარი. ტურნირის ისტორიაში საქართველომ მათი ნაკრებების თამაშზე ზედიზედ სამჯერ დაამყარა რეკორდი დასწრების თვალსაზრისით.საქართველომ ისტორია პლეი-ოფში გასვლით გადაწერა, თანაც ისეთი ჯგუფიდან, სადაც მეტოქეები ბელგიის, პორტუგალიისა და ნიდერლანდების ნაკრებები იყვნენ.ქართული ფეხბურთის განვითარების სტრატეგიაბოლო ათწლეულში, საქართველოს ფეხბურთის ფედერაციის ერთ-ერთი მთავარი მიზანი ფეხბურთის მასობრიობის გაზრდა იყო. ეს სწორედ ის ნაწილია, სადაც მათ მნიშვნელოვან წარმატებას მიაღწიეს.2015-2021 წლებში რეგისტრირებული მამაკაცი ფეხბურთელების რაოდენობა 14 676-დან 37600-მდე გაიზარდა, ქალი ფეხბურთელების რიცხვი კი გაათმაგდა.ეს პროგრესი ნაწილობრივ UEFA Grow პროგრამითაც არის განპირობებული, რაც დამატებით უნარებისა და გამოცდილების გაზიარებას ითვალისწინებს. ეს სხვადასხვა ქვეყნის ფედერაციებს განვითარებაში მნიშვნელოვნად ეხმარება.UEFA Grow-ს მხარდაჭერა საქართველოსთვის გადამწყვეტი იყო, რათა 2022-2026 წლების სტრატეგია შეემუშავებინათ, რაც უწყვეტი წარმატების ჩარჩოს აყალიბებს. ამან მნიშვნელოვანი როლი ითამაშა გასულ წელს 21-წლამდე ევროპის ჩემპიონატის თანამასპინძლობაში.UEFA-ს ჰეთთრიკის დაფინანსების ინვესტიციაUEFA grow-ს მხარდაჭერის პარალელურად, UEFA-ს ჰეთთრიკის დაფინანსებამაც მნიშვნელოვანი წვლილი შეიტანა  სფფ-ის ბოლოდროინდელ  ინფრასტრუქტურულ პროექტებშიც.  ეს მოიცავს სტადიონების რეკონსტრუქციასა და სასწავლო ცენტრების შექმნას მთელი ქვეყნის მასშტაბით. ჰეთთრიკის დაფინანსებით, საქართველომ 2014 წელს საფეხბურთო აკადემიის დაარსება შეძლო, რაც ქვეყანაში ერთ-ერთი პირველი პრეცედენტი იყო. საფეხბურთო ინფრასტრუქტურისა და ტალანტების განვითარება სასიცოცხლოდ მნიშვნელოვანია ეროვნულ ჩემპიონატში მოთამაშე გუნდებისთვის.

პროკურატურა

სამართალი 1711621173

საქართველოს გენერალური პროკურორის მოადგილე სირაკუზის საერთაშორისო ინსტიტუტის პრეზიდენტს და გენერალურ დირექტორს შეხვდა

საქართველოს გენერალური პროკურორის მოადგილე ნათია მერებაშვილი სირაკუზის სისხლის სამართლის მართლმსაჯულებისა და ადამიანის უფლებათა საერთაშორისო ინსტიტუტის პრეზიდენტს, ჟან-ფრანსუა ტონის და ინსტიტუტის გენერალურ დირექტორს, ფილიპო მუსკას შეხვდა.გენერალურ პროკურატურაში გამართულ შეხვედრას ასევე ესწრებოდნენ საქართველოს გენერალური პროკურატურის პროფესიული განვითარების ცენტრის უფროსი მირიან მეგრელიშვილი და თბილისის სახელმწიფო უნივერსიტეტის იურიდიული ფაკულტეტის დეკანის მოადგილე გიორგი დგებუაძე.შეხვედრის ფარგლებში, სირაკუზის საერთაშორისო ინსტიტუტის წარმომადგენლებმა მასპინძელ მხარეს კაცობრიობის წინააღმდეგ მიმართული დანაშაულების რეგიონული სასწავლო პლატფორმა (REACT) გააცნეს, რომლის ფარგლებშიც საქართველოს პროკურატურის პროკურორებისა და გამომძიებლებისთვის საპილოტე სასწავლო პროგრამის განხორციელება იგეგმება. სასწავლო პროგრამა მოიცავს პროკურორებისა და გამომძიებლების კვალიფიკაციის ამაღლებას სისხლის სამართლის საერთაშორისო სასამართლოს განსჯად ისეთ დანაშაულებზე, როგორებიცაა ომის დანაშაული, აგრესია, გენოციდი და ადამიანურობის წინააღმდეგ მიმართული დანაშაულები.შეხვედრის დასასრულს მხარეები საგანმანათლებლო, სასწავლო, კვლევითი და აკადემიური აქტივობების მიმართულებით თანამშრომლობის გაგრძელებაზე შეთანხმდნენ.