სინოპტიკოსების გაფრთხილება - საქართველოში ამინდი უარესდება

5 ნოემბერს დასავლეთ საქართველოში მოსალოდნელია წვიმა, მაღალმთიან რეგიონებში - თოვლი, ზოგან, შესაძლებელია ძლიერი და ქარბუქი. ინფორმაციას გარემოს ეროვნული სააგენტო ავრცელებს.

მათი ცნობით, საქართველოს ტერიტორიის უმეტეს ნაწილზე იქროლებს დასავლეთის მიმართულების ძლიერი ქარი.

სინოპტიკოსების ინფორმაციით, ზღვაზე შესაძლებელია 4-6 ბალიანი შტორმული ღელვა.

მოსალოდნელმა ნალექებმა შესაძლებელია დასავლეთ საქართველოს მდინარეებზე წყლის დონეების მატება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. (საფრთხის დონე საშუალო).