მედია

„საქართველოს მედიაგარემო კვლავ პლურალისტური და კონკურენტუნარიანია, მაგრამ ასევე ძალზე პოლარიზებული“, - ევროკომისიის აპარატი

„პლურალისტური და კონკურენტუნარიანია, მაგრამ ასევე ძალზე პოლარიზებული“ - ასეა შეფასებული საქართველოს მედია გარემო ევროკომისიის აპარატის მიერ გამოქვეყნებულ დოკუმენტში, რომელიც ევროკავშირი-საქართველოს ასოცირების შეთანხმების განხორციელების ყოველწლიურ ანგარიშს წარმოადგენს.

მათი შეფასებით, 2022 წელს საქართველოში ჟურნალისტების უსაფრთხოების საკითხები გაუარესებულია.

„საქართველომ 2022 წლის მსოფლიო პრესის თავისუფლების ინდექსის მაჩვენებლით 180 ქვეყანას შორის 89-ე ადგილი დაიკავა. ეს წარმოადგენს საქართველოში მედიის თავისუფლების მნიშვნელოვან გაუარესებას 2021 წელთან შედარებით, განსაკუთრებით ჟურნალისტების უსაფრთხოებასთან მიმართებაში. თავისუფლების სახლის (Freedom House) რეიტინგი შემცირდა და საერთო "თავისუფლების ქულა" არის 58/100 2022 წელს 60/100-თან შედარებით 2021 წელს და 61/100 2020 წელს. ულტრამემარჯვენე ჯგუფმა ალტინფომ მთელი ქვეყნის მასშტაბით სატელევიზიო მაუწყებლობის უფლება მოიპოვა“, - ნათქვამია დოკუმენტში.

 

წყარო: bm.ge

მთავარი სიახლეები