რუსთავში საცხოვრებელი კორპუსი იწვის

რუსთავში, ჭყონდიდელის დასახლებაში საცხოვრებელი კორპუსის ერთ-ერთ ბინა იწვის.

თვითმხილველების ცნობით, მაშინ როცა საცხოვრებელი კორპუსის პირველ სართულზე ხანძარი გაჩნდა, მეორე სართულზე რამდენიმე პირი იმყოფებოდა, თუმცა მეხანძრე-მაშველებმა მათი უსაფრთხო ადგილზე გადაყვანა მალევე შეძლეს.

მათივე ცნობით, ადგილზე მობილიზებულია მეხანძრე - მაშველების სამი ეკიპაჟი.

ხანძარი ამ დროისთვის ლოკალიზებულია და მისი გავრცელების საშიშროება აღარ არსებობს. ამ ეტაპისთვის მიმდინარეობს ცეცხლის სალიკვიდაციო სამუშაოები.

ხანძრის გამომწვევ მიზეზს გამოძიება დაადგენს.