როგორია ქობულეთში პიროტექნიკით დაშავებული მოზარდის მდგომარეობა

დამწვრობის ცენტრის ხელმძღვანელის, გუგა ქაშიბაძის განცხადებით, ქობულეთის მუნიციპალიტეტში პიროტექნიკის აფეთქების შედეგად დაშავებული მოზარდი დამწვრობის ცენტრის რეანიმაციულ განყოფილებაშია მოთავსებული.

როგორც ქაშიბაძემ აღნიშნა, ამ ეტაპზე მისი მდგომარეობა სტაბილურია. დამწვრობის ცენტრის ხელმძღვანელის თქმით, პაციენტს სხეულის ათი პროცენტი დაზიანებული აქვს.

„ბავშვმა ეგრეთ წოდებული პიროტექნიკა ჩააგდო საწვავით სავსე ჭურჭელში, რასაც მოჰყვა აფეთქება და აალება. პაციენტი ამჟამად მოთავსებულია დამწვრობის ცენტრის რეანიმაციულ განყოფილებაში.

დაზიანებული აქვს სხეულის ათი პროცენტი, რასაც ემატება დამწვრობითი შოკი და სასუნთქი გზების დაზიანება. ამ წუთს მდგომარეობა სტაბილურია, თუმცა დიაგნოზი ძალიან საყურადღებოა“. – განუცხადა „პირველ არხს“ გუგა ქაშიბაძემ.

ასევე ნახეთ:

დრაკონის წელი არის ცვლილებების, შესაძლებლობებისა და წარმატების დრო: 2024 წლის ჩინური ჰოროსკოპი

ბაბი კირკიტაძესთან დაკავშირებით გავრცელებულ ვიდეოჩანაწერზე გამოძიება დაიწყო