დასახელდა ხილი და ბოსტნეული, რომელიც გულს ყველაზე მეტად იცავს

 ჯანდაცვის საერთაშორისო რეკომენდაციით, დღეში ხილისა და ბოსტნეულის ხუთი პორციის მიღება აუცილებელია, თუმცა ახალი კვლევა აჩვენებს, რომ გულის. ჯანმრთელობისთვის რაოდენობაზე მეტად კონკრეტულ არჩევანს აქვს მნიშვნელობა. რედინგის უნივერსიტეტის, ჰარვარდის სამედიცინო სკოლისა და კალიფორნიის უნივერსიტეტის მეცნიერებმა დაადგინეს, რომ ადამიანების უმეტესობა ვერ იღებს გულისთვის სასარგებლო ნივთიერებების – ფლავანოლების საჭირო რაოდენობას, იმ შემთხვევაშიც კი, თუ დღიურ ნორმას კეთილსინდისიერად მიირთმევს.

საქმე ისაა,  რომ ადამიანების უმეტესობა ვერ იღებს გულისთვის ყველაზე ძვირფას მცენარეულ ნივთიერებებს – ფლავანოლებს. ჟურნალ Food & Function-ში გამოქვეყნებული ნაშრომის მიხედვით, 30 000-ზე მეტი ადამიანის რაციონის შესწავლისას აღმოჩნდა, რომ ხუთიდან მხოლოდ ერთი პაციენტი იღებს ამ ნაერთების საჭირო დღიურ ნორმას, მიუხედავად იმისა, მიირთმევენ თუ არა ისინი საერთო ჯამში ბევრ ხილსა და ბოსტნეულს.

მკითხველისთვის რომ გასაგები იყოს, კვლევის ავტორები განმარტავენ ორ მთავარ ტერმინს:

რას ნიშნავს ხუთი პორცია (5-a-day)? ეს არის ბრიტანეთის ჯანდაცვის სისტემის (NHS) მიერ რეკომენდებული დღიური ნორმა, სადაც თითო პორცია 80 გრამ ხილს ან ბოსტნეულს უდრის (ჯამში 400 გრამი დღეში).

რა არის ფლავანოლები? ეს არის მცენარეული ანტიოქსიდანტები, რომლებიც სისხლძარღვებს ელასტიურობას უნარჩუნებენ, აუმჯობესებენ სისხლის მიმოქცევას და საგრძნობლად ამცირებენ გულის დაავადებებით სიკვდილიანობის რისკს. გულის სრულფასოვანი დაცვისთვის ადამიანს დღეში 500 მილიგრამიფლავანოლი სჭირდება.

მეცნიერებმა შეადგინეს იმ პროდუქტების სრული სია, რომლებიც ყველაზე მეტ ფლავანოლს შეიცავს და რომელთა რაციონში ჩართვაც სასიცოცხლოდ მნიშვნელოვანია:

ქლიავი (დაახლოებით 450 მგ ფლავანოლი 500 გრამში)
შტოში (300 მგ 250 გრამში)
მაყვალი (250 მგ 200 გრამში)
მწვანე ჩაი (200 მგ ერთ 250-მილილიტრიან ჭიქაში)
ცერცვი / ბაღის ლობიო (140 მგ ერთ მუჭაში, ანუ 80 გრამში)
ალუბალი (130 მგ 400 გრამში)
ვაშლი კანიანად (110 მგ ერთ საშუალო ვაშლში, ანუ 200 გრამში)
მარწყვი (90 მგ 200 გრამში)
მოცვი (80 მგ 150 გრამში)
ლობიო (70 მგ ორ სუფრის კოვზ ხმელ მარცვალში)

კვლევის ავტორები აღნიშნავენ, რომ დღიურ რაციონში თუნდაც ერთი მთლიანი კანიანი ვაშლის, ერთი მუჭა მაყვალის ან მოცვის დამატებას და მათ მიყოლებას ერთ ჭიქა მწვანე ჩაისთან ერთად, შეუძლია მკაფიო და რეალური ზეგავლენა იქონიოს გულ-სისხლძარღვთა ჯანმრთელობაზე. მეცნიერები მიიჩნევენ, რომ მიღებული შედეგების საფუძველზე, მომავალში კვების ოფიციალური გაიდლაინები ბევრად უფრო კონკრეტული და ეფექტური გახდება.