მანქანის ნაწილი, რომელიც ცივი ამინდის დაწყებამდე აუცილებლად უნდა შეამოწმოთ - ექსპერტის რჩევები

გამოცდილმა მექანიკოსმა ზამთრის დაწყებამდე მანქანის შემოწმების შესახებ ისაუბრა. მან განმარტა, თუ რა ნაწილი უნდა შეამოწმოს ყველა მძღოლმა ზამთრის დადგომამდე. 

ამერიკელი მექანიკოსი, სკოტი კილმერი 55 წელზე მეტია მანქანებზე მუშაობს. ის რეგულარულად აძლევს მძღოლებს სხვადასხვა რჩევებს.

თავის ახალ ვიდეოში ექსპერტმა მძღოლებს მოუწოდა, შეამოწმონ წამყვანი ღვედი. მან ხაზგასმით აღნიშნა, რომ ეს ნაწილი დამზადებულია რეზინისგან, რომელიც კარგად ვერ იტანს ცივ ტემპერატურას.

„თუ დაბზარულია, აუცილებლად შეცვალეთ", - თქვა მექანიკოსმა.

კილმერმა დასძინა, რომ წამყვანი ღვედის მდგომარეობა რეგულარულად უნდა შემოწმდეს. თუ ის დაზიანდება, მანქანის ზოგიერთმა მნიშვნელოვანმა ნაწილმა შეიძლება შეწყვიტოს მუშაობა, მათ შორის არის საჭის ელექტროგადამცემი, გენერატორი და წყლის ტუმბო.