საქართველო მხარს უჭერს პარტნიორების ნაბიჯებს, რომელიც უკრაინის სუვერენიტეტის ხელყოფასთან დაკავშირებით იქნება გადადგმული - არჩილ თალაკვაძე

პარლამენტის თავმჯდომარის მოადგილე არჩილ თალაკვაძე აცხადებს, რომ საქართველო მხარს უჭერს უკრაინასთან დაკავშირებით, საერთაშორისო პარტნიორების მიერ სამომავლო და ამჟამინდელ გადადგმულ ნაბიჯებს. 

"რა თქმა უნდა, რუსეთს არ აქვს უფლება, რომ მეზობელი ქვეყნის ტერიტორიები დამოუკიდებელ სახელმწიფოებად გამოაცხადოს. სანქციებზე მუშაობა მიმდინარეობს და პირველი გადაწყვეტილებები უკვე მთელმა საერთაშორისო საზოგადოებამ ნახა. საქართველო მხარს უჭერს საერთაშორისო საზოგადოების და ჩვენი საერთაშორისო პარტნიორების ნაბიჯებს, რომელიც უკრაინის სუვერენიტეტის ხელყოფასთან დაკავშირებით იქნება გადადგმული,“ - აცხადებს არჩილ თალაკვაძე.