რუსთაველის გამზირზე მოძრობა აღდგა

აქცია რუსთაველის გამზირზე დასრულებულია. მეტროსადგურ „რუსთაველის“ მიმდებარე ტერიტორიაზე პოლიციამ აქციის რამდენიმე მონაწილე დააკავა.

სამართალდამცველებმა გზის სავალი ნაწილი გაათავისუფლეს. საავტომობილო მოძრაობა ნაწილობრივ აღდგენილია, პარლამენტის მიმდებარედ ტერიტორიას ასუფთავებენ.

შეგახსენებთ, რამდენიმე საათის წინ რუსთაველის გამზირზე სპეცრაზმმა აქციის მონაწილეების დაშლა დაიწყო. სპეციალურმა დანიშნულების რაზმმა ქაშვეთის ეკლესიასთან მომიტინგეების მიერ ხელოვნურად აღმართული ბარიკადები გაარღვია და აქციის მონაწილეების წინააღმდეგ წყლის ჭავლი და ცრელმსადენი გაზი კიდევ ერთხელ გამოიყენა. სასტუმრო „თბილისი მერიოტთან“ პროტესტის მონაწილეებს სხვადსხვა ნივთებით აღმართული ჰქონდათ ბარიკადები. მომიტინგეებმა ასევე დაწვეს ავტომობილი.

ამასთან, აქციის მონაწილეებმა მელიქიშვილის გამზირზე გადაინაცვლეს. აღმართეს კიდევ ერთი ბარიკადი. ამის შემდეგ აქციის მონაწილეთა ნაწილმა უკან, რუსთაველის გამზირზე დაიწყო მსვლელობა. მათ მეტროსადგურ „რუსთაველთან“ პოლიციელები დახვდნენ და აქციის რამდენიმე მონაწილე დააკავეს.