რამდენიმე წუთი დასჭირდებათ, რომ მთლიანად საქართველო თავდაყირა დააყენონ და როგორ გგონიათ, ჩვენ არ გვაქვს ინფორმაცია რას აპირებენ? - დავით ზალკალიანი

"რა გგონიათ, ჩვენ თქვენზე ნაკლები პატრიოტები ვართ? არავისზე ნაკლები პატრიოტები არ ვართ. ჩვენი საქმიანობითა და ცხოვრებით დამტკიცებული გვაქვს საქართველოს ერთგულება, იმ უკანონობის წინააღმდეგ ბრძოლა, რასაც საქართველოში ოკუპაცია ჰქვია.

როგორ გგონიათ, პასუხისმგებლიანი ხელისუფლება ასეთი სიფრთხილით არ უნდა ეკიდებოდეს პროცესს? როდესაც 40 კმ-ში დგანან ოკუპანტები, მათ არ სჭირდებათ დამატებითი მობილიზაცია, როგორც უკრაინაში განახორციელეს. აქვე არიან, მათი ოკუპაციის შედეგი ავტობანიდან ჩანს. რამდენიმე წუთი დასჭირდება, რომ მთლიანად საქართველო თავდაყირა დააყენონ და როგორ გგონიათ, ჩვენ არ გვაქვს ინფორმაცია რას აპირებენ?", - ამის შესახებ საქართველოს საგარეო საქმეთა მინისტრმა დავით ზალკალიანმა მთავრობის სხდომის დასრულების შემდეგ, განაცხადა.

„საქართველო უკან არასდროს იხევს ძალიან მკაფიო და მკაცრი ზომებისგან.  ყირიმთან დაკავშირებული სანქციები ყოველწლიურად გრძელდება 2014 წლის შემდეგ და ერთხელაც უკან არ დაგვიხევია, რომ ამ სანქციების გაგრძელებაზე უარი გვეთქვას, თუმცა როდესაც საუბარია ინდივიდუალურად ქვეყნის მიერ დაწესებულ სანქციებზე, პრემიერ-მინისტრმა ძალიან კარგად განმარტა, თუ რა საფრთხეებს ვხედავთ ჩვენ.

ამ საფრთხეებზე ვესაუბრებით ჩვენს ევროპელ და უკრაინელ კოლეგებს. რა გგონიათ, ჩვენ თქვენზე ნაკლები პატრიოტები ვართ? არავისზე ნაკლები პატრიოტები არ ვართ. ჩვენი საქმიანობითა და ცხოვრებით დამტკიცებული გვაქვს საქართველოს ერთგულება და იმ უკანონობის წინააღმდეგ ბრძოლა, რასაც საქართველოში ოკუპაცია ჰქვია. როგორ გგონიათ, პასუხისმგებლიანი ხელისუფლება ასეთი სიფრთხილით არ უნდა ეკიდებოდეს პროცესს?

როდესაც 40 კმ-ში, აქვე დგანან, მათ არ სჭირდებათ დამატებითი მობილიზაცია, როგორც უკრაინაში განახორციელეს. აქვე არიან, მათი ოკუპაციის შედეგი ავტობანიდან ჩანს. რამდენიმე წუთი დასჭირდება, რომ მთლიანად საქართველო თავდაყირა დააყენონ და როგორ გგონიათ, ჩვენ არ გვაქვს ინფორმაცია რას აპირებენ?

ბორელი რომ გამოდის და ამბობს, შემდეგი, შესაძლოა, საქართველო იყოსო, ეს ხომ არ არის ჰაერზე ნათქვამი სიტყვები? ეს ხომ ეფუძნება გარკვეულ საფრთხეებსა და მოლოდინებს, რომლებიც ჩვენ და ევროპელ პარტნიორებს აქვთ. ეს პასუხისმგებლობა გვალაპარაკებს. არ მინდა, იგივე ვიხილო საქართველოში, რაც 2008-ში ვიხილე. არ მინდა, თბილისის მიმართულებით მომავალი რუსული ტანკები. არ მინდა, დედაქალაქისა და აეროპორტების დაბომბვა. არ მინდა ის უმძიმესი მდგომარეობა, როდესაც ქართველებს სატვირთო თვითმფრინავით აძევებდნენ რუსეთიდან.

ჩასაფრებულის პოზიციიდან ნუ ველაპარაკებით ერთმანეთს, ძალიან გვტკივა გული. უმძიმესი სიტუაციაა. მინდა, რომ მთლიანად საქართველოს მოსახლეობამ ძალიან კარგად გააცნობიეროს, უმძიმესი სიტუაციაა. არავის ვაშინებ, გეუბნებით რეალობას და რეალობა რომ არ მეთქვა, ეს იქნებოდა ჩემი მხრიდან უპასუხისმგებლობა და არ ვიდგებოდი იქ, სადაც ვდგავარ. როგორ გგონიათ, საქართველოს პრემიერ-მინისტრი ნაკლები პატრიოტია სხვაზე?", - განაცხადა დავით ზალკალიანმა.