რა საკითხებს დააყენებს ერგნეთში მორიგ შეხვედრაზე ქართული მხარე - ირაკლი ანთაძის განმარტება

„ერგნეთში მორიგ შეხვედრაზე განსაკუთრებული აქცენტი გაკეთდება უკანონო პატიმრობაში მყოფ ჩვენს თანამოქალაქეებზე, რათა ისინი რაც შეიძლება მალე დაუბრუნდნენ საკუთარ ოჯახებს",- ამის შესახებ სუს-ის ანალიტიკური დეპარტამენტის უფროსის მოადგილემ ირაკლი ანთაძემ განაცხადა. 

"რა თქმა უნდა, გვერდს ვერ ავუვლით უკანონო ე.წ. ბორდერიზაციის პროცესს, საუბარი შეეხება სოფელ კირბალში მიმდინარე დესტრუქციულ და ნეგატიურ პროცესებს“, - ამბობს ირაკლი ანთაძე.

დღეს ერგნეთში ინცინდენტების პრევენციისა და მათზე რეაგირების მექანიზმის ფარგლებში, რიგით 104-ე შეხვედრა გაიმართება.