პუტინის ფინანსური მოხრჩობის ოპერაცია დაიწყო - სალომე სამადაშვილი

რუსეთის წინააღმდეგ სანქციების დაწესებას პოლიტიკოსი სალომე სამადაშვილი გამოეხმაურა.

„პუტინის ფინანსური მოხრჩობის ოპერაცია დაიწყო. ნატო და აშშ აძლიერებს ცენტრალური და აღმოსავლეთ ევროპის უსაფრთხოებას. იზოლაციაში აქცევენ ელიტას, რომელზეც დგას პუტინის რეჟიმი“, - აცხადებს სამადაშვილი.

ცნობისთვის, სანქციების პირველი პაკეტი ბანკებს, პოლიტიკოსებსა და ფინანსური სექტორის ელემენტებს მოიცავს. ეს სანქციების პირველი პაკეტია და მას ესკალაციის შემთხვევაში დამატებითი ნაბიჯები მოჰყვება.

ევროკავშირის საგარეო საქმეთა საგანგებო საბჭომ გადაწყვეტილებები ტრანსატლანტიკურ პარტნიორებთან კოორდინაციის შედეგად მიიღო.