ის ბოროტება, რომელიც დღეს ევროპის შუაგულში ხდება, უნდა შეჩერდეს - ლევან იოსელიანი

„მოქალაქეების“ ერთ-ერთი ლიდერი დეპუტატი ლევან იოსელიანი ჟურნალისტებთან საუბრისას, უკრაინაში მიმდინარე პროცესებს გამოეხმაურა.

„ის ბოროტება, რომელიც დღეს ევროპის შუაგულში ხდება, რასაც დღეს რუსეთი აკეთებს, უნდა შეჩერდეს. ამაში ჩვენ ჩვენი წილი ძალისხმევა უნდა შევიტანოთ. რიგგარეშე სხდომა, უშიშროების საბჭოს სხდომა იქნება თუ სხვა, ყველაფერი უნდა გაკეთდეს საქართველოში იმისთვის, რომ ჩვენი ქვეყანა ღირსეულად წარმოჩინდეს“, - აცხადებს ლევან იოსელიანი.