იმერეთში სახელმწიფო რწმუნებულის ადმინისტრაცია და რეგიონის 12-ვე მუნიციპალიტეტი, სამხედრო მოქმედებების შედეგად დაზარალებულუკრაინელებს დაეხმარება

,,იმერეთის მუნიციპალიტეტების მერებმა, გამოთქვეს სურვილი შეუერთდნენ პრემიერის ინიციატივას და ჰუმანიტარული ტვირთით დაეხმარონ მოძმე უკრაინას და ამას კოორდინაციას გაუწევს სახელმწიფო რწმუნებულის ადმინისტრაცია.

ჩვენ მეგობრული ურთიერთობები გვაქვს უკრაინის არაერთ ქალაქთან, ალბათ, გახსოვთ რამდენიმე წლის წინ ვიმყოფებოდი ოდესაში მერის მიწვევით, ასევე ხერსონში გუბერნატორის მიწვევით, იმერეთის მუნიციპალიტეტებსაც არაერთი დაძმობილებული ქალაქი ჰყავთ უკრაინაში და შესაბამისად ჩვენი დახმარების სურვილი ბუნებრივიცაა.

აქვე მინდა მივმართო იმერეთში მომუშავე კერძო სექტორს, თუ ვინმეს ექნება სურვილი მათაც შეუძლიათ მონაწილეობის მიღება. როგორც იცით, პრემიერის ინიციატივით უკვე გაიგზავნა პირველი ჰუმანიტარული ტვირთი და ასევე პრემიერის დავალებით, უკრაინელ ტურისტებს, რომლებიც საქართველოს ქალაქებში არიან, ხელი შევუწყოთ ყველა საჭიროებებში. აქვე მინდა, ჩვენს დაძმობილებულ ქალაქებს, ვისთანაც ჩვენს გვაქვს მეგობრული ურთიერთობა, გამძლეობა და გამარჯვება ვუსურვო“ - ზვიად შალამბერიძე.

მეგობარი უკრაინული ქალაქების დასახმარებლად, 12-ვე მუნიციპალიტეტის მიერ გამოყოფილი სახსრებით გათვალისწინებულია უკრაინელი ხალხისთვის პირველადი მოხმარების აუცილებელი ნივთების შეძენა.