"გამოვლენ და იტყვიან, რომ გამთენიისას, ოპოზიციურად განწყობილ ადამიანს შეუძლია სასამართლოში შეჭრა, ფანჯრების ჩამსხვრევა, ფიზიკური შეურაცხყოფის მიაყენოს მანდატურებზე და ა.შ." - გურამ მაჭარაშვილი ალეკო ელისაშვილის დაკავებაზე

"შეიძლება ახლა ამაზეც გვითხრან, რომ გამოხატვის თავისუფლების ფორმატშიაო, არ გაგიკვირდეთ. გამოვლენ და იტყვიან, რომ გამთენიისას, ოპოზიციურად განწყობილ ადამიანს შეუძლია სასამართლოში შეჭრა, ფანჯრების ჩამსხვრევა, ფიზიკური შეურაცხყოფის მიაყენოს მანდატურებზე და ასე შემდეგ," - ამის შესახებ საპარლამენტო პოლიტიკური ჯგუფის "ხალხის ძალა" თავმჯდომარის მოადგილემ, გურამ მაჭარაშვილმა განაცხადა.

ამით ის "ლელოს" წევრის, ალეკო ელისაშვილის დაკავებას გამოეხმაურა.

"ეს არის კლასიკური მაგალითი იმისა, თუ როგორია "დიფ სთეითის", "გლობალური ომის პარტიის", აქაური წარმომადგენლების სახე. აი, ამ ადამიანებს უნდათ მოსვლა საქართველოს ხელისუფლებაში, ამ და კიდევ უფრო უარესი სტილით. ძალაუფლება არ აქვთ და როგორ იქცევიან, ამათ რომ ძალაუფლება მისცე, ხომ წარმოგიდგენიათ, ალბათ ორჯერ და სამჯერ უარესს გააკეთებდნენ, ვიდრე აკეთებდნენ 2012 წლამდე," - აცხადებს გურამ მაჭარაშვილი.